1 पतरस 1:22 - राना थारु नयाँ नियम

²² काहेकी तुम सत्य पालन करके शुद्ध भए हओ, अब तुमके निष्कपट रुपसे अपनो बिश्वासी ददाभइयनके प्रेम करन पणत हए। एकदुस्रेके निष्कपटता साथ और पुरा हृदयसे प्रेम करतए रहाओ।

परमेस्वर को सच्चो वचन

²² अब जब तुम सच्चाई को पालन करथौ, तौ तुम खुदकै सुद्ध करे हौ और अपने संगी विस्वासियन के ताहीं इमानदारी से प्रेम करे हौ, एक दुसरे से पूरे मन से गहरो प्रेम करथैं।

1 पतरस 1:22 交叉參考

यूहन्ना 15:17

मए तुमके जा आज्ञा देत हओं, कि तुम एकदुस्रेसे प्रेम करओ।”

यूहन्ना 15:3

रेखदेख करन बारो कमैया हँगाके छानके सफा करोकता, मए जो तुमके शिक्षा दओ हओं बो तुमके छानैगो।

यूहन्ना 17:17

तुमर बचन सत्य हए। जहेमारे उनके सत्यके द्वारा पबित्र बनाओ।

यूहन्ना 17:19

उनको फाइदाके ताहीं मए अपनएके सत्यके द्वारा पबित्र बनात हओं ताकी बे फिर सत्यके द्वारा पबित्र बने जाएं।”

प्रेरित 15:9

बा यहूदी और गैर-यहूदी आदमीनमे भेदभाव नाए करी। पर गैर-यहूदीके आदमी बिश्वास करीं और परमेश्वर बिनको मनके शुद्ध बनाइ।

प्रेरित 6:7

और परमेश्वरको बचन फैलतए गओ और यरूशलेम सहरमे चेलनको संख्या बहुत बढतए गओ। और बहुत यहूदी पुजारी फिर येशू ख्रीष्टमे बिश्वास करन बारो शिक्षाके स्वीकार करीं।

रोमियों 1:5

ख्रीष्टके द्वारा मोके अनुग्रह और चुनेभए चेलाको काम परमेश्वर दइ, ताकी बाको नाउँको कारण सबए जातिके आदमी ख्रीष्टको अच्छो समाचारमे बिश्वास करएं और बाको आज्ञापालन करएं।

रोमियों 2:8

पर जो आदमी केवल अपनएके इकल्लो प्रेम करत हए, और सत्यके नाए मानत हए, बल्कि दुष्ट काम करन चाँहत हए, उनके उपर परमेश्वरको अपनो क्रोध और दिक्क अखनाबैगो।

रोमियों 8:13

काहेकी अगर तुम अपने पापमय स्वभाबके अनुसार जिबैगे तओ आत्मिक रुपसे मरैगे, अगर पबित्र आत्माकी शक्तिसे पापमय स्वभाबके काम बन्द करदेत हओ जो तुमर पापमय स्वभाब चाँहत हए, तओ तुम जिन्दा रहाबैगे।

2 कोरिन्थी 6:6

शुध्दतामे, ज्ञानमे, धैर्यमे, दयामे, पबित्र आत्माको अगुवाईमे, सच्चो प्रेममे,

गलातियों 3:1

हे गलातिया परदेसके बिश्वासीउ, कोइ जरुर तुमके भणकाए दइ हए। मए तुमके अच्छेसे सम्झाओ हओं कि येशू ख्रीष्टके क्रूसमे टाँगनको कारण का रहए।

गलातियों 5:5

मए अइसे कहे सकत हओं, काहेकी हमके पबित्र आत्माके घेनसे पुरा आसरा हए, कि परमेश्वर हमके धर्मीके रुपमे स्वीकार करैगो, काहेकी हम ख्रीष्टमे भरोसा करत हएं।

गलातियों 5:7

तुम ख्रीष्टके सँग अपने सम्बन्धमे बहुत अच्छेसे उन्नति करत रहओ, अब कौन तुमके रोकदइ, कि सच्चाईके मत् मानओ।

इफिसियों 4:3

अइसो काम करनके कोसिस करओ, ताकी तुम लगातार मेलमिलापमे बने रहाओ। काहेकी तुम परमेश्वरको आत्माके द्वारा एक करेगए हओ।

फिलिप्पी 1:9

और मए जा प्राथना करत हओं, कि ज्ञान और बिबेकसँग तुम एक-दुस्रे प्रति तुमर प्रेम बढतए जाए।

1 थेसलोनिकी 3:12

और हम प्राथना करत हएं, कि प्रभु येशू एकदुस्रेसे प्रेम करनमे तुमके मदत करए, जैसे हम तुमके प्रेम करत हएं उइसी प्रभुमे तुम एकदुस्रे सँग, और सब आदमीनके सँग प्रेम बढए। और प्रभु तुमर प्रेमके बढाबए, उत्नो बढाए देबए, कि जैसी हमर प्रेम तुमरमे हए।

2 थेसलोनिकी 1:3

हे मेरे बिश्वासी ददाभइयओ, तुमर ताहीं हमके लगातार परमेश्वरके धन्यबाद देन पणो, और अइसो करनो हमरे ताहीं सही हए। काहेकी तुम प्रभु येशूमे लगातार बहुतसे बहुत बिश्वास करत हओ, और तुम सब लगातार एकदुस्रेसे बहुतसे बहुत प्रेम करत हओ।

2 थेसलोनिकी 2:13

हे मेरे बिश्वासी ददाभइयओ, हमके लगातार परमेश्वरके धन्यबाद देन पणो काहेकी परमेश्वर तुमके प्रेम करत हए। काहेकी परमेश्वर संसारको सृष्टिसे पहिले तुमके चुनलै, ताकी तुमके बचाए पाबए। बा पबित्र आत्माके कामके द्वारा जो तुमके पबित्र बनातहए और तुमर द्वारा येशू ख्रीष्टके बारेमे सच्चो सन्देशमे बिश्वास करनके द्वारा उद्धार करैगो।

1 तिमोथी 1:3

हे तिमोथी, जैसे तए जानत हए, कि एफिसस सहरमे कुछ अइसे आदमी हएं जो गलत सन्देश देत हएं। बे झुठो कहानी और पुर्खनको लम्बी सुची सिखानमे ध्यान देनके बन्द करएं। जब मए एफिसस सहर छोडके माकेडोनिया परदेशमे जानके ताहीं तयार रहओं। तओ मए तोके एफिसस सहरएमे रहानके ताहीं कहो रहओं और बे आदमीके जा बतानके ताहीं कहो, कि बे झुठी सन्देश देनके बन्द करएं। जब बे अइसियए बात सिखात हएं तओ आदमी उनके बारेमे बिबाद करत हएं। जाको परिणाम जा हए, कि बे झुठे गुरु बो कामके नाए कर रहे हएं, जो परमेश्वर उनके दइ रहए, जौनसे बे सिरफ परमेश्वरमे भरोसा करके कर सकत हएं।

1 तिमोथी 1:5

तुमके जा आज्ञा देनको मिर उदेश्य जा हए, कि तुम एकदुस्रेसे सच्चो मनसे प्रेम करओ, और शुद्ध बिबेकसे और सच्चो बिश्वाससे प्रेममे बढओ।

1 तिमोथी 4:12

अइसो ब्यबहार कर, कि कोइ फिर तोके हेल्हा नाए करपाबए काहेकी तए जवान हए। तेरो बोलो जान बारे शब्दमे, तेरो ब्यवहारमे, दुस्रेके उपर तेरो प्रेममे, ख्रीष्टमे तेरो बिश्वासमे और तेरो पबित्र जीबनसे तोके एक नमुना बनन पणैगो। ताकी बिश्वासी आदमी तिर अनुसरण कर पामएं।

1 तिमोथी 5:2

तोके बुढी बैयरनके सँग अइसो ब्यबहार करन चाहो, जैसेकी बे तेरी अपनी अइया हएं, और अपनेसे छोटी उमेरके बैयरनसे उइसी ब्यबहार करन चाहो, जैसेकी बे तेरी अपने बहिनीया हएं। और अइसे शुद्ध मनसे करिए।

2 तिमोथी 1:14

येशू ख्रीष्टके बारेमे अच्छो समाचारकी रक्षा कर जो परमेश्वर पबित्र आत्माको मदतसे तोके दइ रहए, जो हममे रहात हए।

हिब्रू 11:8

बिश्वासएसे अब्राहाम नाउँको आदमी परमेश्वरको कहो भओ बात मानी। परमेश्वर बोके बुलाएके अपनो प्रतिज्ञा करोभओ देशमे जा कहिके अढाइ। कहाँ जानके हए कहिके पतए नाए पाएके बो अपनो देश छोडके गओ।

हिब्रू 13:1

हम ददाभइया और दिदी-बहिनीया कता एकदुस्रेन्के प्रेम करतए रहामएं।

हिब्रू 5:9

मल्‍कीसेदेक यहूदी पुजारी भओ कता परमेश्वर येशूके प्रधान यहूदी पुजारी बनाएके सम्मान दइ। और जब येशूके परमेश्वर पुरा रुपमे सिद्ध बनाएडारी तओ बामे बिश्वास करन बारे आदमीनके ताहीं बा सदाकालको मुक्तिको मुल हुइगओ

हिब्रू 6:10

जैसी तुम अच्छो काम करेहओ और अब परमेश्वरको नाउँमे, परमेश्वरके आदमीनके ताहीं प्रेमसे सेवाको काम करत हओ, परमेश्वर तुमके भुलैगो नाए। काहेकी बा धर्मी हए।

हिब्रू 9:14

जा सोँचओ, कि मृत्यु घेन लैजान बारो कामसे ख्रीष्टको खुन हमर हृदयके त झन् कित्तो अच्छेसे शुद्ध बनाए सकत हए, ताकी हम जिन्दा परमेश्वरको आराधना कर पामएं। काहेकी अनन्त आत्माको शक्तिसे ख्रीष्ट हमके हमर पापके ताहीं एक सिद्ध बलिके रुपमे परमेश्वरके चढाइ।

याकूब 1:21

जहेमारे सब खराब बात और सब दुष्टसे दुर होबओ। नम्र हुइके तुमर मनमे धरो भओ परमेश्वरको बचनके अपनो बनाओ, काहेकी तुमर प्राणके जहे बचन बचाबैगो।

याकूब 4:8

परमेश्वरके ढिँगै आबओ, तओ बा फिर तुमर ढिँगै आबैगो। हे पापीउ, अपने जीबनसे पापके दुर करओ, और बे आदमी जौन दुई मन बारे हएं, अपने हृदयके पबित्र करओ।

1 पतरस 1:2

दौवा परमेश्वर पहिलीए तुमके अपनो आदमी होनके और पबित्र आत्माको कामसे बिनके पबित्र बनानके ताहीं छाननके फैसला करी रहए। बा अइसो करी ताकी तुम येशू ख्रीष्टको आज्ञापालन करओ और बाको खुनसे शुद्ध हुइ पाबओ। ताकी चुनेभए बारेनके अनुग्रह और शान्ति प्रशस्त होत जाबए।

1 पतरस 2:17

सब आदमीनके आदर करओ। बिश्वासी भइया बहिनियनके प्रेम करओ। परमेश्वरसे डराओ। राजाको आदर करओ।

1 पतरस 3:1

हे बैयर आदमी, तुम फिर अपने लोगाके अधिनमे रहाओ, ताकी अगर बिन मैसे कोइ लोग परमेश्वरको बचनमे बिश्वास करनसे इन्कार करत हए कहेसे, तुमर ब्यबहार बिनके, कुछु नाए कहिके फिर बिश्वास करन बारो बनाबैगो। जब बे तुमर भक्ति और शुद्ध ब्यबहार देखंगे तओ अपनए बे ख्रीष्टमे बिश्वास करंगे।

1 पतरस 3:20

जे बो आत्मा रहएं, जौन बहुत समय पहिले परमेश्वरको आज्ञापालन नाए करीं। जब नोआ अपनो जहाज बनात रहए, तओ आदमी पाप करन छोडके परमेश्वर घेन घुमंगे कि कहिके परमेश्वर धैर्यतासे रुको रहए। पर आठ जनै इकल्ले बो डर लागन बारो बहाडसे बचाएगए।

1 पतरस 3:8

अन्तमे, मए तुमके जा कहान चाँहत हओं, कि बिश्वासी ददाभइयन सँग एकजुटमे बैठओ, एकदुस्रेके ताहीं सोँचे करओ, एकए परिवारको सदस्य कता एकदुस्रेनके प्रेम करओ। एकदुस्रेनके ताहीं दयालु होबओ और एकदुस्रेन सँग नम्र होबओ।

1 पतरस 4:17

काहेकी परमेश्वरको अपनुवए परिवारसे न्याय सुरु होनको समय आएचीको हए। काहेकी बा पहिले हम बिश्वास करन बारेनको न्याय करैगो और परमेश्वरसे आओ भओ अच्छो समाचारके नाए मानन बारेनके झन् कैसो होबैगो, बोके बारेमे सोँचओ।

1 पतरस 4:8

सबसे खास बात जा हए, कि एकदुस्रेनसे गहिरो प्रेम करओ। काहेकी अगर तुम आदमीनके प्रेम करे कहेसे, तुम रोज उनको करोभओ कोइ फिर गलत कामके क्षमा देन तयार रहाबैगे।

2 पतरस 1:7

तुम सिरफ परमेश्वरके खुसी बनान किसिमसे जीबन मत् बिताओ, बल्कि अपनुवए परिवारको सदस्य कता तुमके एकदुस्रेनके प्रेम करन पणो। तुमके सिरफ अपनी परिवारको सदस्य कता तुम एकदुस्रेनसे प्रेम करनके नाए, बल्कि तुम्के सबए आदमीनसे प्रेम करन पणो।

1 यूहन्ना 3:11

एकदुस्रेसे प्रेम करन पणत हए कहान बारी बात तुम पहिलीयएसे सुने हओ।

1 यूहन्ना 3:23

परमेश्वरको आज्ञा जहेहए, कि परमेश्वरको लौंणा येशू ख्रीष्टको नाउँमे बिश्वास करनो और जैसे ख्रीष्ट आज्ञा दइ हए, उइसीयए एक-दुस्रेके प्रेम करनो।

1 यूहन्ना 4:12

कोइ कभु परमेश्वरके नाए देखी हए। पर हम एक-दुस्रेनके प्रेम करे कहेसे परमेश्वर हमर भितर रहात हए और बाको प्रेम हमरमे सिद्ध बनो होत हए।

1 यूहन्ना 4:20

अगर कोइ कहाए, “मए परमेश्वरसे प्रेम करत हओं,” पर अपनो सँगी बिश्वासीके प्रेम नाए करत हए कहेसे बो ठग रहो हए। जौन, अपना देखसकन बारो सँगी बिश्वासीके प्रेम नाए करपात हए कहेसे, नाए देखपान बारो परमेश्वरके कैसे प्रेम करपाबैगो।

1 यूहन्ना 4:7

हे मेरे प्यारे सँगीउ, हम एकदुस्रेके प्रेम करएं, काहेकी प्रेम परमेश्वरसे आत हए, और जो एकदुस्रेनसे प्रेम करत हए, बो परमेश्वरको सन्तान हए, और बे परमेश्वरके जानत हएं।

प्रकाश 2:4

पर तिर बिरुद्धमे मिर जा गुनासो हए: अब तए मोसे उइसे प्रेम नाए करत हए जैसो प्रेम तए मोसे तओ करत रहए जब तए सुरुको चोटी मोएमे बिश्वास करो रहए।