1 पतरस 1:2 - राना थारु नयाँ नियम

² दौवा परमेश्वर पहिलीए तुमके अपनो आदमी होनके और पबित्र आत्माको कामसे बिनके पबित्र बनानके ताहीं छाननके फैसला करी रहए। बा अइसो करी ताकी तुम येशू ख्रीष्टको आज्ञापालन करओ और बाको खुनसे शुद्ध हुइ पाबओ। ताकी चुनेभए बारेनके अनुग्रह और शान्ति प्रशस्त होत जाबए।

परमेस्वर को सच्चो वचन

² तुमकै दऊवा परमेस्वर के भविस्य ग्यान के अनुसार चुनो गौ रहै और ईसु मसीह के आग्या पालन और बाके सौंपे भै खून के जरिये सुद्ध होन के ताहीं जो बाकी आत्मा के जरिये अलग करो गौ है भरपूर अनुग्रह और सांति तुमकै मिलत रहबै।

1 पतरस 1:2 交叉參考

मत्ती 24:22

परमेश्वर अप्नो चुनेभए मनैनके ताहीं बो संकटको समयके कम करनके फैसला करी हए, नत कोइ फिर नाए बच्ते।

मत्ती 24:24

काहेकी झुठे ख्रीष्ट, और झुठे अगमबक्ता आमंगे, और हुइ सकत, कि बे चुनेभएनके फिर भणकानके ताहीं बणे-बणे चिन्हा और चमत्कारको काम दिखए हएं।

मत्ती 24:31

बा अपन स्वर्गदूत तुरहीको बडो अबाजके साथ पठाबैगो, और बे बादरके जा छोरसे लैके बो छोरतक चारौ घेनसे अपन चुनेभएनके इकट्ठा करंगे।”

मर्कूस 13:20

परमेश्वर बो अग्ठो समयके छोटो करनके निर्णय लइहए, नए त कोइ फिर नाए बचाओ जैतो। पर बा बे अपने आदमीनके मारे, जौननके बा छाँटी हए, बो समय कम करदइ हए।

मर्कूस 13:22

काहेकी झुठे ख्रीष्ट और झुठे अगमबक्ता अएहएं, चिन्हा और चमत्कारको काम दिखए हएं और हुइ सकत हए, कि जौनके परमेश्वर चुनी हए बेहीं आदमीनके धोखा देनके ताहीं अएहएं।

मर्कूस 13:27

तओ मए आदमीको लौंणा स्वर्गदूतन्के पठामंगो, और बे पृथ्वीके अन्तसे लैके बादरको अन्त तक चारौ घेनसे अपन चुनेभएनके इकट्ठा करंगे।”

लूका 18:7

परमेश्वर अपन चुनेभए आदमीनके न्याय करदेबैगो जो बाके अग्गु दिन-रात रोत हएं। बा बिनको मदत करनमे देर नाए करैगो।

प्रेरित 15:18

जा बात परमप्रभु कहात हए, जो सृष्टिको सुरुसे जे बात बताइ रहए।’

प्रेरित 2:23

परमेश्वर अपनो योजना और ज्ञान अनुसार येशूके तुमर हातमे सौँपदइ और तुम बाके दुष्ट आदमीनको हातमे सौँपके क्रूसमे मारनके लगाए।

प्रेरित 20:32

अब मए तुमके परमेश्वरको और बाको अनुग्रहको बचनमे सौँप दओ हओं, जौनके तुमके बिश्वासमे मजबुत करैगो और परमेश्वर तुमके बो बातको हक बारो बनाबैगो, जो बासे पबित्र करेभए सबए जनैके देनके प्रतिज्ञा करीहए।

रोमियों 1:5

ख्रीष्टके द्वारा मोके अनुग्रह और चुनेभए चेलाको काम परमेश्वर दइ, ताकी बाको नाउँको कारण सबए जातिके आदमी ख्रीष्टको अच्छो समाचारमे बिश्वास करएं और बाको आज्ञापालन करएं।

रोमियों 1:7

मए तुम सबके लिखरहो हओं जो रोम सहरमे हएं जौननके परमेश्वर प्रेम करत हए, और बाके अपने पबित्र आदमी होनके ताहीं बुलाए गए। हमरे दौवा परमेश्वर और प्रभु येशू ख्रीष्टके तरफसे तुमके अनुग्रह और शान्ति मिलतए रहाबए।

रोमियों 11:2

परमेश्वर अपने बो आदमीके नाए त्यागी, जोके बा पहिलीएसे चुनलै रहए। तुम जानत हओ, कि पबित्र-शास्त्र एलिया अगमबक्ताके बारेमे का लिखी रहए, कि एलिया इस्राएल देशके आदमीनके बारेमे परमेश्वरसे गुनासो करी।

रोमियों 11:28

यहूदी परमेश्वरके दुस्मन हएं, काहेकी बे अच्छो समाचारमे बिश्वास नाए करन चाँहत हएं, और जाके ताहीं तुमर फाइदा हुइगओ हए। पर परमेश्वर उनके प्रेम करत हए काहेकी बा उनके अपने ताहीं चुन्लै हए। जहे बातके बे उनको पुर्खासे बाचा करी रहए।

रोमियों 15:16

कि मए गैर-यहूदी आदमीनके ताहीं येशू ख्रीष्टको सेवक हुइपामओं। मए बाको अच्छो समाचार परचार पुजारी कता करके परमेश्वरको सेवा करो, ताकी गैर-यहूदी आदमीनके भेँटीके रुपमे परमेश्वर स्वीकार कर्पाबए, बो भेँटी जो पबित्र आत्मा द्वारा पबित्र बनाओ गओ हए।

रोमियों 16:19

हर कोइ जानत हए, कि तुम कित्तो अच्छेसे प्रभुको आज्ञा मानत हओ; जहेमारे मए तुमर बारेमे आनन्द करत हओं; पर मए चाँहत हओं, कि जो असल हए बाके ताहीं तुम बुद्धिमान होबओ, और जो खराब हए बामे निर्दोष रहाबओ।

रोमियों 16:26

पर अब अनन्तको परमेश्वरको आज्ञाके अनुसार अगमबक्ताके लिखेभए पबित्र-शास्त्र द्वारा प्रकट करोगओ हए और परचार करोगओ हए जा हेतुसे, कि सबए जाति बिश्वास करएं और आज्ञापालन करएं।

रोमियों 8:13

काहेकी अगर तुम अपने पापमय स्वभाबके अनुसार जिबैगे तओ आत्मिक रुपसे मरैगे, अगर पबित्र आत्माकी शक्तिसे पापमय स्वभाबके काम बन्द करदेत हओ जो तुमर पापमय स्वभाब चाँहत हए, तओ तुम जिन्दा रहाबैगे।

रोमियों 8:33

कोइ फिर हमर उपर परमेश्वरके अग्गु दोष नाए लगाए पएहए काहेकी बा बहे हए जो हमएं धर्मी घोसित करत हए।

1 कोरिन्थी 1:30

पर परमेश्वर तुमके येशू ख्रीष्टमे एकजुट बनाइ हए, और ख्रीष्टद्वारा परमेश्वर हमके अपनो बुद्धि दइ हए। परमेश्वर हमके अपनो नजरमे धर्मी फिर ठहिरात हए। ख्रीष्टके द्वारा हम सब पबित्र बनाए गए हएं, और बा हमके पापसे छुटकारा करत हए।

1 कोरिन्थी 6:11

पहिले तुम मैसे कुछ उइसीयए ब्यबहार करत रहओ, पर तुम प्रभु येशू ख्रीष्टके नाउँसे और हमरे परमेश्वरको आत्मा तुमर पापनके धोए दइ, और तुमके पबित्र बनाइ और तुमके धर्मी बनाइ।

2 कोरिन्थी 10:5

परमेश्वरको ज्ञानको बिरुद्धमे आन बारे बहस और हर अहंकारपूर्ण बाधाके हम नाश करदेत हएं, और हर एक बिचारके अधिनमे लाएके ख्रीष्टको आज्ञाकारी बनाए देत हएं।

2 कोरिन्थी 13:14

प्रभु येशू ख्रीष्टको अनुग्रह, परमेश्वरको प्रेम और पबित्र आत्माको संगती तुमर सबए सँग रहबए।

कलस्सी 3:12

जहेमारे जबकी परमेश्वर तुमके अपने पबित्र आदमी होनके ताहीं चुनी हए, और तुमसे प्रेम करत हए, तभीमारे तुम सब करुणा, भलाइ, नम्रता और धैर्य धारण करओ।

2 थेसलोनिकी 2:13

हे मेरे बिश्वासी ददाभइयओ, हमके लगातार परमेश्वरके धन्यबाद देन पणो काहेकी परमेश्वर तुमके प्रेम करत हए। काहेकी परमेश्वर संसारको सृष्टिसे पहिले तुमके चुनलै, ताकी तुमके बचाए पाबए। बा पबित्र आत्माके कामके द्वारा जो तुमके पबित्र बनातहए और तुमर द्वारा येशू ख्रीष्टके बारेमे सच्चो सन्देशमे बिश्वास करनके द्वारा उद्धार करैगो।

2 तिमोथी 2:10

जहेमारे मए बे आदमीके फाइदाके ताहीं सब दुख सहात हओं, जौननके परमेश्वर चुनी हए, ताकी बे फिर येशू ख्रीष्ट उपर बिश्वास करएं, और बच पामाएं, और बहे महिमा प्राप्त करएं, जो हमेसा रहात हए।

तीतुस 1:1

मए पावल, जा चिट्ठी तीतसके ताहीं लिखरहो हओं, जो परमेश्वरको दास और येशू ख्रीष्टसे चुनो भओ चेला हओं, मए परमेश्वरके चुनेभए आदमीको बिश्वासके मजबुत करनके ताहीं, और येशूको सत्य शिक्षा बुझानमे मदत करनके ताहीं चुनो गओ हओं। ताकी बे अइसे जीबन जीइमएं, जो परमेश्वरके खुसी करत हए।

हिब्रू 10:22

बा अपनो खुन द्वारा हमर मनके पबित्र बनाइ, ताकी हमके पता होबए, कि हम अब दोषी नाए हएं। बा हमके पबित्र बनाइ हए कहिके दिखानके ताहीं हमर शरीरके पानीमे धोइ। बहेमारे मेरे भइयओ, अपने पुरा मन और मजबुत बिश्वाससे परमेश्वर ठिन जामएं।

हिब्रू 11:28

बिश्वासए द्वारा मोशा इस्राएल देशके आदमीनके फाटकमे बलिको खुन छिर्कनके और यहूदीनको निस्तार तेवहार माननके आज्ञा दइ। ताकी बणे लौंणनके बिनाश करन बारो दूत, इस्राएलके बडो लौंणनके छुइ नाए पाबए।

हिब्रू 12:24

तुम परमेश्वर और आदमीनके बीचमे नयाँ करार बाँधदेन बारो मध्‍यस्‍थकर्ता येशू ख्रीष्ट ठिन आए हओ, और छिँटो भओ खुनमे आए हओ, जौन हाबिलको खुन कता न्यायके ताहीं चिल्लानके सट्टामे माफीके बारेमे कहात हए।

हिब्रू 5:9

मल्‍कीसेदेक यहूदी पुजारी भओ कता परमेश्वर येशूके प्रधान यहूदी पुजारी बनाएके सम्मान दइ। और जब येशूके परमेश्वर पुरा रुपमे सिद्ध बनाएडारी तओ बामे बिश्वास करन बारे आदमीनके ताहीं बा सदाकालको मुक्तिको मुल हुइगओ

1 पतरस 1:14

परमेश्वरको आज्ञापालन करओ, जैसी अच्छे बच्चा अपने दौवाको आज्ञापालन करत हएं। तुम परमेश्वरको सत्यता नाए जानो बेरा करोभओ गलत काम अब मत् करओ।

1 पतरस 1:19

पर ख्रीष्टको बहुमोल खुनसे किनेगए हओ, जो निर्दोष और निष्खोट भेंणा कता रहए।

1 पतरस 1:20

जा संसारके सृष्टि होनसे अग्गु, येशू ख्रीष्ट मुक्तिदाता होबैगो कहिके परमेश्वर समयसे पहिलीए अठोट करी रहए। पर बा जे अन्तिम दिनमे जा संसारमे तुमर फाइदाके ताहीं आओ।

1 पतरस 1:22

काहेकी तुम सत्य पालन करके शुद्ध भए हओ, अब तुमके निष्कपट रुपसे अपनो बिश्वासी ददाभइयनके प्रेम करन पणत हए। एकदुस्रेके निष्कपटता साथ और पुरा हृदयसे प्रेम करतए रहाओ।

1 पतरस 2:9

पर तुम उइसे नाए हओ, काहेकी तुम परमेश्वरके चुनेभए आदमी हओ, तुम परमेश्वरके पुजारी हओ, जो राजा हए। तुम परमेश्वरको सेवा करन समर्पित भए आदमी और परमेश्वरके निजी प्रजा हओ। बा तुमके अंधियारोसे अपनो अदभुत ज्योतिमे लाइ हए, ताकी तुम परमेश्वरके अचम्मे कामको घोषणा करपाबओ।

2 पतरस 1:2

मए प्राथना करत हओं, कि परमेश्वर और येशू हमर प्रभुको ज्ञानमे तुम बढतए जात पेती परमेश्वर तुमके बहुतसे बहुत अनुग्रह और शान्ति देबए।

2 यूहन्ना 1:1

मए, यूहन्ना मण्डलीको अगुवा जा चिट्ठी परमेश्वरके द्वारा चुनीभइ बो बैयर और बक लौंणालौंणीयाके लिखरहो हओं, मए तुमके सच्चो रुपसे प्रेम करत हओं। मए इकल्लो नाए, बल्कि सत्यके चिनन बारे सब तुमके प्रेम करत हएं।

2 यूहन्ना 1:13

और तेरी बहिनियाके लौंणालौंणीया, जौननके परमेश्वर चुनी हए, बे तुमके नमस्कार करके पठाइ हएं।

यहूदा 1:2

मए प्राथना करत हओं, कि परमेश्वर तुमके कृपा, शान्ति और प्रसस्तसे प्रेम देबए।