1 यूहन्ना 5:8 - राना थारु नयाँ नियम

⁸ पबित्र आत्मा, येशूको बप्तिस्मा, बाको खुन; जे तीनौं एकए चीजकी गवाही देत हएं।

परमेस्वर को सच्चो वचन

⁸ आत्मा, पानी और खून; और तीनौ एकै गभाई देथैं।

1 यूहन्ना 5:8 交叉參考

मत्ती 28:19

जहेमारे तुम जाएके सब जाति-जातिके आदमीके चेला बनाओ; और बिनके पिता, पुत्र, और पबित्र आत्माके नाउँमे बप्तिस्मा देओ,

मर्कूस 14:56

बहुत बाके बिरुद्धमे झुठी गवाही दइं। पर बिनको गवाही औरेनकी गवाहीसे मेल नाए खाइ।

यूहन्ना 15:26

“मए दौवाके घेनसे तुमर ताहीं एक सल्लाहकार पठामंगो। बा बो आत्मा हए जो परमेश्वरके बारेमे सच्चाईके प्रकट करत हए, जब बा आबैगो तओ बो तुमके मेरे बारेमे गवाही देबैगो।

यूहन्ना 19:34

तहुँफिर सिपाही मैसे एक जनै बाको कोखमे भालासे मारी तओ कोखसे खुन और पानी निक्रो।

प्रेरित 15:15

जहे बात, अगमबक्तनको बचन फिर मेल-खात हए। बोमे अइसे लिखो हए:

रोमियों 8:16

पबित्र आत्मा अपनए हमर आत्मासे गवाही देतहए, कि हम परमेश्वरके सन्तान हएं।

2 कोरिन्थी 1:22

और बा हमर उपर अपन छाप लगाइ हए, और हमर ह्रदयमे बैनाके रुपमे पबित्र आत्मा दइ हए।

हिब्रू 13:12

जहेमारे, येशू फिर आदमीनके अपने खुन द्वारा पबित्र करनके ताहीं यरूशलेम सहरके बाहेर बो दुख उठाइ और मरो।

हिब्रू 6:4

जौन अपनो बिश्वास छोडत हए, बिनके फिरसे पश्‍चताप करनको अवस्थामे नाए लाओजाए सकत हए। बे एकचोटी परमेश्वरको सच्चाईके चिनहीं, और स्वर्ग मैसे बरदान पाइं। और बे दुस्रे जनैनके सँग पबित्र आत्मा पाइगए हएं।

1 पतरस 3:21

पुरानो समयमे बिनको मुक्ति हबए हमर मुक्तिको उदाहरण हए, जब हम बप्तिस्मा लेत हएं। बप्तिस्मा लेन बारो पानीसे हमर शरीरसे फोहर नाए हटात हए, पर जा संकेत हए, कि हम परमेश्वरसे माफी मागे हएं ताकी हमर मन अब परेसान नाए होबए। हम क्षमा पामंगे काहेकी येशू ख्रीष्ट अपनो मृत्युसे फिरसे जिन्दा भओ हए।

1 यूहन्ना 5:9

जब हम आदमीनको गवाही मानलेत हएं, तओ परमेश्वरको गवाही त बोसे और जद्धा मजबुत हए; और बो गवाही बो लौंणाके बारेमे गवाही हए,