1 यूहन्ना 4:2 - राना थारु नयाँ नियम

² परमेश्वरको आत्माके तुम जहे रितिसे चिनसकत हओ, कि जो कोइ आत्माके मानलेत हए, कि येशू ख्रीष्ट एक आदमीके रुममे आओ हए, बहे परमेश्वरके घेनसे हए।

परमेस्वर को सच्चो वचन

² जौ तुम कैसे जान पागे कि का जौ परमेस्वर की आत्मा है: जो कोई भी जौ मानथै कि ईसु मसीह सरीर मैं हुईकै आओ है, बाके पास बौ आत्मा है जो परमेस्वर से आथै।

1 यूहन्ना 4:2 交叉參考

यूहन्ना 1:14

जोके बचन कहोजात हए, बो एक आदमीके रुपमे आओ, और अनुग्रहसे और सत्यसे भरिपूर्ण हुइके हमर बीचमे बास करी। और हम बाको अइसो महिमा देखे, जौन महिमा दौवाको एक लौंणाके इकल्लो रहात हए।

1 कोरिन्थी 12:3

जहेमारे मए चाँहत हओं कि तुम सम्झओ, कि जो कोइ परमेश्वरको आत्माके अगुवाइसे मस्कत हए, बो अइसे नाए कहात कि येशू सरापित हए, पबित्र आत्मा इकल्लो एक हए बा जोकोइ आदमीके फिर कहानके ताहीं सक्षम कर सकत हए कि, “येशूए प्रभु हए।”

1 तिमोथी 3:16

बिना कोइ शंखाके हम जा बातके कहे सकत हएं कि, परमेश्वरसे प्रकट करेभए सन्देश पुरा रुपसे सच्चे हएं, अर्थात् ख्रीष्ट एक आदमीके रुपमे प्रकट भओ, बाके पबित्र आत्माके द्वारा परमेश्वरको लौंणाके रुपमे साबित करोगओ, स्वर्गदूत बाके देखीं, येशूसे चुनेभए चेला हर ठिहा बाके बारेमे जति-जातिनके अच्छो समाचार सुनाइं, संसार भरके आदमी बाके उपर बिश्वास करीं, और परमेश्वर बाके स्वर्ग उपर उठाए लैगओ।

1 यूहन्ना 1:2

जा जीबन हियाँ पृथ्वीमे आओ, और हम बाके देखे, और बाकी गवाही देत हएं, और तुमके बा कभी फिर नाश नाए होन बारो जीबनके बारेमे परचार करत हएं, जो दौवाके सँग रहए, और हमर ठिन प्रकट भओ।

1 यूहन्ना 2:23

लौंणाके अस्वीकार करन बारेनके दौवा परमेश्वर फिर अस्वीकार करत हएं; जौन लौंणाके मानैगो, बोके दौवा परमेश्वर फिर मानैगो।

1 यूहन्ना 4:15

जोकोइ जा स्वीकार करत हए, कि येशू परमेश्वरको लौंणा हए तओ हम परमेश्वरके सँग एकजुटमे रहात हएं, और परमेश्वर हमर सँग एकजुटमे रहात हए।

1 यूहन्ना 4:3

येशू, अइसो आदमी भओ कहिके नाए मानन बारे आत्मा परमेश्वरको आत्मा नाए हए। जा आत्मा ख्रीष्ट बिरोधीसे आओ हए। बो आबैगो कहिके तुम सुने हओ, और बो हबए संसारमे आइगओ हए।

1 यूहन्ना 5:1

जौनके जा बिश्वास हए, कि येशूए ख्रीष्ट हए, बे सब परमेश्वरके सन्तान हएं। और जो कोइ दौवा परमेश्वरके प्रेम करत हए, बो लौंणाके फिर प्रेम करत हए।

2 यूहन्ना 1:7

मए जा जहेमारे कहेरहो हओं, काहेकी बहुत आदमी जो झुठी शिक्षा दइके दुस्रेनके धोखा देत हएं, बे संसारमे हर ठिहामे गए हएं। बे कहात हएं, कि येशू ख्रीष्ट एक आदमीके रुपमे जा संसारमे नाए आओ। अगर कोइ आदमी अइसो कहात हए, बो आदमी ख्रीष्ट बिरोधी हए, जो हमेसा आदमीनके धोखा देतहए।