1 यूहन्ना 4:1 - राना थारु नयाँ नियम

¹ हे मेरे प्यारे सँगीउ, हरकोइ आदमीनके उपर बिश्वास मत् करओ, जो पबित्र आत्मासे मस्कनको दाबि करत हए, पर आत्मनके जाँचओ कि बे परमेश्वरके घेनसे हएं, कि नाए हएं। काहेकी बहुतसे झुठे अगमबक्ता संसारमे हएं।

परमेस्वर को सच्चो वचन

¹ मेरे प्रिय दोस्तौ, बे सबन ऊपर बिस्वास मत करौ जो आत्मा होन को दाबा करथैं, लेकिन उन्हैं जौ पता लगान के ताहीं परखथैं कि का बे आत्मा परमेस्वर के घाँईं से आईं हैं कि ना; काहैकि तमान झूठे भविस्यवक्ता दुनिया मैं निकर खड़े भै हैं।

1 यूहन्ना 4:1 交叉參考

मर्कूस 13:21

बो बेरा कोइ तुमसे, ‘देखओ, ख्रीष्ट हियाँ हए,’ या ‘हुवाँ हए,’ कएहए तओ, तुम बिश्वास मत् करियओ।

लूका 12:57

तुमके अपनए फैसला करन चाहो, कि तुमर ताहीं का करन ठिक हए।

लूका 21:8

येशू कही, “होसियार रहओ, तुमके कोइ नाए बहकाबए। मिर नाउँमे तमान आदमी, ‘मए बहे हओं और समय ढिँगै आइगओ हए,’ कहिके कहामंगे। बिनके पिच्छु तुम मत् लगियओ।

प्रेरित 17:11

हुवाँके यहूदी, थेसलोनिके सहरके आदमीनसे बहुत जद्धा असल रहएं। बे परचार एकदम अच्छो मानके सुनीं। पावलकी कही, बात मिल्त हए कि नाए मिल्त हए कहिके बे रोजए पबित्र-शास्त्र पढके जात रहएं।

प्रेरित 20:29

काहेकी मोके पता हए, कि तुमर बीचमे झुठे शिक्षाक आमंगे और बिश्वासीनके बहुत नुक्सान पुगामंगे। बे उनके चिरडारन बारे बनकुत्ताके समान होमंगे जो भेंणाके मरडारत हएं।

1 कोरिन्थी 12:10

आत्मा, एक आदमीके चमत्कारको काम करनके शक्ति देतहए; दुस्रेके परमेश्वरको सन्देश मस्कनको बरदान; और कोइ दुस्रे जनैके पबित्र आत्मा ठिनसे आओ भओ और शैतानके ठिनसे आओ भओ बरदानके बारेमे फरक छुट्टयानको क्षमता देत हए। कोइ एक आदमीके फरक-फरक भाषनमे बात करनको बरदान देतहए जौन भाषाके बारेमे बे कभु अध्यान नाए करी हएं; बहे पबित्र आत्मा कोइ दुस्रे जनैनके फरक-फरक भाषामे बोलो भओ भाषक मतलब बतानको क्षमता देत हए। जौन भाषाके बारेमे बे कभु अध्यान नाए करी हएं।

1 कोरिन्थी 14:29

अगमबक्ता मैसे दुई या तिनए फरक-फरक भाषा बोलएं, और जा जरुरी हए, कि हर कोइ सुनए और सोँचए और जाँचए, कि जा जो बात कही हए बो सही हए या नाए हए।

1 थेसलोनिकी 5:20

परमेश्वरके द्वारा आदमीनके उपर करोगओ भबिष्यबाणीके अस्वीकार मत् करओ।

1 थेसलोनिकी 5:21

सब सन्देशको जाँच करओ। जा जाननके ताहीं, कि बे भबिष्यबाणी परमेश्वरके घेनसे हए या नाए हए। अच्छे सन्देशके स्वीकार करओ और पालन करओ।

2 थेसलोनिकी 2:2

अगर तुम सुनत हओ, कि प्रभुको दिन पहिलीयएसे आइगओ हए, तओ तुम मत् घबणीयाबओ या मतडराओ। काहेकी कोइ अइसो एक भबिष्यबाणीके रुपमे या एक सन्देशमे या एक कोइ चिट्ठीमे कहे सकत हए, जैसेकी बो हमरे घेनसे आओ हए।

1 तिमोथी 4:1

पर पबित्र आत्मा प्रष्टसे कहात हए, कि आखिरी समयमे कुछ आदमी ख्रीष्टको सन्देशमे बिश्वास नाए करंगे। बे भुतनके सन्देशमे बिश्वास करंगे जो उनके भणकात हए, और बे झुठो सन्देशमे बिश्वास करंगे जो भुतके घेनसे आत हए।

2 तिमोथी 3:13

पर दुष्ट आदमी और बे धोखेबाज आदमी औ जद्धा दुष्ट काम करंगे। बे आदमी प्रभुके धोखा देमंगे और बे अपनए दुस्रेके द्वारा धोखा खामंगे।

2 पतरस 2:1

बहुत समय पहिले इस्राएलीनके बीचमे देखा पणे झुठे अगमबक्ता कता, झुठे गुरु फिर तुमर बीचमे देखा पणंगे। बे झुठे शिक्षामे फसँगे, जो आदमीनके ख्रीष्टमे बिश्वास करनसे रोकंगे। जे झुठा गुरु, उद्धार करन बारो ख्रीष्टके अपनो मालिकके रुपमे स्वीकार करनके फिर इन्कार करंगे जो बिनको पापको शक्तिसे मुक्त करी। अइसियए बे अचानक अपनएके नष्ट करंगे।

1 यूहन्ना 2:18

हे बलकाओ, ख्रीष्टके लौटके आनके ताहीं जा अन्तिम समय हए। और जैसे तुम सुने हओ, कि ख्रीष्टके बिरोधी आन बारे हएं, बाके अनुसार अभौफिर बहुतसे ख्रीष्टके बिरोधी आइगए हएं; जासे हम जानत हएं, कि जा अन्तिम समय हए।

1 यूहन्ना 2:7

हे मेरे प्यारे सँगीउ, मए तुमके कोइ नयाँ आज्ञा नाए लिखत हओं, पर बहे पुरानो आज्ञा लिखत हओं, जो सुरुसे चलो भओ पुरानो आज्ञा हए, जब तुम ख्रीष्टमे बिश्वास करे रहओ।

2 यूहन्ना 1:7

मए जा जहेमारे कहेरहो हओं, काहेकी बहुत आदमी जो झुठी शिक्षा दइके दुस्रेनके धोखा देत हएं, बे संसारमे हर ठिहामे गए हएं। बे कहात हएं, कि येशू ख्रीष्ट एक आदमीके रुपमे जा संसारमे नाए आओ। अगर कोइ आदमी अइसो कहात हए, बो आदमी ख्रीष्ट बिरोधी हए, जो हमेसा आदमीनके धोखा देतहए।

3 यूहन्ना 1:11

हे मेरो प्यारो सँगी, बे आदमीनको देखासेखी मत् कर, जो खराब काम करत हएं, पर बे आदमीके देखासेखी कर, जो भलो काम करत हएं। अगर कोइ भलो काम करत हए, तओ जा दिखात हए, कि बो परमेश्वरको सन्तान हए। अगर कोइ खराब काम करत हए, तओ जा दिखात हए, कि बो परमेश्वरके नाए जानत हए।

प्रकाश 2:2

मए जान्त हओं, कि तए का करत हए, तए कैसे कडा मेहेनत करत हए और कभी हार नाए मानत हए। और मए जा फिर जान्त हओं, कि तए बुरे आदमीनको झुठी शिक्षनके नाए सहिपात हए। तए बे आदमीनके जाँचो हए जो कहात हएं, कि बे चुनेभए चेला हएं। पर बास्ताबमे बे नाए हएं, और तए जानो, कि बे झुठे हएं।