Biblia Todo Logo
線上聖經

- 廣告 -




1 यूहन्ना 2:28 - राना थारु नयाँ नियम

28 छोटे बालकओ, ख्रीष्टके सँग एकजुटमे सदिमान बने रहाओ; ताकी जब बा फिरसे दिखाइ देबैगो, तओ हम हिम्मत पामएं, और आन बारो बो दिनमे बाके अग्गु हम लज्जित नाए होमएं।

參見章節 複製

परमेस्वर को सच्चो वचन

28 हाँ, मेरे बालकौ, बाके संग बने रहथैं, ताकी जब बौ दिखाई देबै तौ हम साहस से भरे होमैं और बाके आनबारे दिनन मैं बासे सरमामैं नाय।

參見章節 複製




1 यूहन्ना 2:28
29 交叉參考  

काहेकी आदमीको लौंणा अपन दौवाके महिमामे अपन स्वर्गदूत सँग अएहए, और बो बेरा बा हरएक आदमीनके बोको काम अनुसार प्रतिफल देहए।


नेहात्तओ, मए आदमीको लौंणा, तुमसे कहात हओं, तुम मैसे बहुत आदमी जौन हियाँ ठाणे हओ, तुम परमेश्वरको राज्यके अपना मरनसे अग्गु शक्तिके सँग आत देखैगे।”


और जा व्यभिचारी और गलत बातमे जो मोके और मिर बचन स्वीकार नाए करैगो कहेसे, मए आदमीको लौंणा फिर अपन दौवाको महिमामे पबित्र स्वर्गदूतके सँग आत बोके स्वीकार नाए करंगो।”


मए, आदमीको लौंणा प्रकट होन दिनमे अइसियए हुइहए।


जैसे परमेश्वर पबित्र-शास्त्रमे कहात हए, “देखओ, मए यरूशलेम सहरमे एक अइसो पत्थर धरंगो जो आदमीनके ठेस लगात हए, एक अइसो चट्टान जो बिनके गिराबैगो, और जो बामे बिश्वास करैगो, बो लज्जित नाए होबैगो।”


और जहेमारे, पबित्र आत्मा तुमके सब आत्मिक बरदान दइ हए, जौनको तुमके जरुरत हए, जबकी तुम हमर प्रभु येशू ख्रीष्टके लौट आनको आसरा कर रहेहओ।


पर हर आदमी एक ठिक क्रम अनुसार जिन्दा करोजाबैगो; ख्रीष्ट पहिलो आदमी रहए जोके जिन्दा करोगओ; फिर जब ख्रीष्ट लौटके आबैगो तओ बे सब जो ख्रीष्टमे हएं, उनके फिरसे जिन्दा करोजाबैगो।


ख्रीष्ट सँग हमर सम्बन्धको कारण और बाके उपर हमर बिश्वासके कारणसे, अब हम परमेश्वरको उपस्थितिमे हिम्मत और आत्माबिश्वाससे आएसकत हएं।


जब ख्रीष्ट, जो तुमके नयाँ जीबन देत हए, जब बा जा पृथ्वीमे लौटके आबैगो, तओ तुम फिर बाके सँग दिखाइ देबैगे, और तुम बाके महिमामे सहभागी होबैगे।


हमर आसरा या आनन्द या बढाईको मुकुट कौन आदमी हए? जा सब तुमही हओ, जब तक हमर प्रभु येशू ख्रीष्ट फिरसे लौटके नाए आएजाए।


हम प्राथना करत हएं, कि हामरो प्रभु येशू तुमर मनके मजबुत करए, कि जब हमर प्रभु येशू अपने सब पबित्र आदमीनके सँग लौटके आए तओ बे हमर दौवा परमेश्वरके अग्गु पबित्रतामे निर्दोष होमएं।


शान्ति देन बारो परमेश्वर तुमके पुरा रुपसे पबित्र बनाए; तुमर पुरो आत्मा, प्राण और शरीर हमर प्रभु येशू ख्रीष्ट दुबारा लौटके नाए आनतक निर्दोष और सुरक्षित बचे रहाओ।


कि तए बे सब चीज कर जोके पुरा करनके ताहीं परमेश्वर तोके आज्ञा दइ हए। ताकी कोइ फिर प्रभु येशू ख्रीष्टके लौटके आनतक तिर उपर कुछ फिर गलत कामको आरोप नाए लगाए पाबए।


अब, परमेश्वर स्वर्गमे मेरे ताहीं एक मुकुट धरेपणे हए, काहेकी मए अपनो जीबनमे बाके खुसी करन बारो जीबन जिइयो हओं। हमर प्रभु येशू ख्रीष्ट जो धार्मिकताको न्यायधीश हए, जब बा लौटके आबैगो मोके बा मुकुट देबैगो। जो मुकुट बा मोके देबैगो बो मेरे ताहीं इकल्लो नाए हुइहए, बल्कि सबके ताहीं जो बाको लौटनको आसरा कर रहे हएं।


हम अइसे ब्यबहार करत हएं, जब हम बेहीं अदभुत दिनको प्रतीक्षा कर रहे हएं, जोको हमके आसरा हए; बहे दिन जब प्रभु येशू ख्रीष्ट, जो हमर महान परमेश्वर और मुक्तिदाता हए, अपनो सारे महिमाके सँग पृथ्वीमे लौटके आबैगो।


उइसी करके बहुत आदमीनको पाप उठाए लैजानके ताहीं ख्रीष्ट अपनएके एकए चोटी बलि करी। और येशू दुस्रो चोटी फिर आबैगो। बो बेरा अपनएके पापके ताहीं बलि करनके नाए, पर बाको डगर देखके बैठन बारेनके बचानके ताहीं आबैगो।


जे समस्यान्को उदेश्य जा दिखानके ताहीं हए, कि तुम नेहात्तओ परमेश्वरमे भरोसा करत हओ। तुमर येशू ख्रीष्टमे बिश्वास सोनोसे जद्धा महिंगो हए। जैसे नाश होन बारो सोनो आगीसे जाँचो जातहए और शुद्ध बनाओ जातहए। अगर तुमर बिश्वास आगी कता परीक्षासे जँचके फिर मजबुत रहाबैगो कहेसे येशू ख्रीष्ट लौटके आन बारो दिनमे तुमके बहुत प्रसंसा, महिमा और सम्मान लाबैगो।


जब येशू ख्रीष्ट लौटके आबैगो, जो हमर प्रमुक बक्रेहेरा हए, तओ तुमके एक सुन्दर मुकुट देबैगो, जौनको चमक कभी फिर कम नाए होबैगो।


मेरे छोटे बालका, मए जा बात तुमके जहेमारे लिखत हओं, कि तुम पाप मत् करओ, और अगर कोइ पाप करैगो कहेसे दौवा परमेश्वरके ठिन हमर एक साहायक येशू ख्रीष्ट हए जो धर्मी हए। बा हमर पापके माफी करन ताहीं परमेश्वरसे बिन्ती करत हए।


मेरे प्यारे सँगीउ, अब हम परमेश्वरके सन्तान हएं, और अबतक जा प्रकट नाए भओ हए, कि हम कैसे होमंगे! इतकए जानत हएं, कि जब येशू ख्रीष्ट आबैगो; तओ हम फिर बाके हानी होमंगे। काहेकी बाके उइसीयए देखंगे, जैसो बा हए।


प्रिय, हमर मन हमके दोष नाए देहए तओ परमेश्वरके अग्गु हमके हिम्मत आत हए।


जहेमारे प्रेम हमरमे सिद्ध बनो रहात हए, कि परमेश्वर हमके दण्ड नाए देबैगो, हम जा संसारमे रहिके परमेश्वरके सँग एकजुटमे रहे हएं, जैसे येशू परमेश्वरके सँग एकजुटमे हएं।


और परमेश्वरमे हमर पुरा भरोसा हए, कि बाको इच्छा अनुसार प्राथनामे जो मागत हएं बा हमर सुनत हए।


सुनओ, बा बादरके सँग आन बारो हए, हर एक आदमी बाके देखंगे, हियाँतककी जब येशू क्रूसमे चढाओगओ रहए तओ बाके पसुरीमे भाला मारी रहए, बो फिर देखैगो। और जब बे बाके देखंगे तओ पृथ्वीके सब आदमी उँची अबाजमे रोमंगे। अइसियए होबए। आमेन।


跟著我們:

廣告


廣告