1 यूहन्ना 1:9 - राना थारु नयाँ नियम

⁹ अगर हम परमेश्वरके अग्गु अपनो पापके स्वीकार करएं, तओ हमर पापके क्षमा करनमे, और हमएं सब अधर्मसे शुद्ध करनमे बिश्वासयोग्य और धर्मी हए।

परमेस्वर को सच्चो वचन

⁹ लेकिन अगर हम अपने पाप कै परमेस्वर के अग्गु मान लेथैं, तौ बौ अपनो वादा निभाबैगो और जो सई है बौ करैगो: बौ हमरे पापन कै माफी देगो और हमरे सबै अधर्म के कामन से सुद्ध करन मैं भरोसेमंद और धर्मी है।

1 यूहन्ना 1:9 交叉參考

मत्ती 3:6

और अपन गलत काम स्वीकार करत यर्दन नदीयामे बिनसे बप्तिस्मा लेन लागे।

मर्कूस 1:5

यहूदिया परदेशके सबए आदमी और यरूशलेमके आदमी निकरके, जंगली इलाकामे यूहन्नाको परचार सुननके ताहीं गए। जब बे अपन-अपन गलत कामके स्वीकार करीं तओ यर्दन नदीयामे बप्तिस्मा लइं।

लूका 22:57

पर पत्रुस अइसे कहिके इन्कार करी, “ए नारी, मए बाके नाए चिनत हओं।”

यूहन्ना 17:25

“हे सत्य और न्याय करन बारो दौवा, संसारके आदमी मोए नाए चिन्त हए, पर मए तुमके चिन्त हओं और जे चेला फिर जानएं, कि तुम्ही मोके पठाए हओ।

प्रेरित 19:18

और जौन बिश्वास करीं रहएं, उन मैसे बहुत आदमी आएके खुलेआम अपनो खराब कामके स्वीकार करलैं।

रोमियों 3:26

परमेश्वर अब जा युगमे अपनो न्याय दिखनके ताहीं आदमीनको पाप हटाएके उनके धर्मी ठहिरात हए। अइसियए येशूमे बिश्वास करन बारे सबके परमेश्वर धर्मी ठहिरात हए। काहेकी परमेश्वर अपनए धर्मी हए।

1 कोरिन्थी 1:9

परमेश्वर तुमके अपनो लौंणा, हमर प्रभु येशू ख्रीष्टके सँग एकजुट होनके ताहीं छानी हए, और परमेश्वर अपनो प्रतिज्ञा बिश्वाससे पुरा करत हए। तब्ही इकल्लो तुम पक्का हुइपाबैगे, कि परमेश्वर जे सब तुमर ताहीं करैगो।

1 कोरिन्थी 6:11

पहिले तुम मैसे कुछ उइसीयए ब्यबहार करत रहओ, पर तुम प्रभु येशू ख्रीष्टके नाउँसे और हमरे परमेश्वरको आत्मा तुमर पापनके धोए दइ, और तुमके पबित्र बनाइ और तुमके धर्मी बनाइ।

इफिसियों 5:26

ख्रीष्ट मण्डलीनके पबित्र बनानके ताहीं अपनो बचनसे और बप्तिस्माको पानीसे धोएके शुद्ध बनाइ।

1 तिमोथी 1:15

जा एक सच्ची कहानी हए, जोके पुरो तरिकासे स्वीकार और बिश्वास करोजान पणो, कि येशू ख्रीष्ट हम जैसे पापीनके बचानके ताहीं जा संसारमे आओ, जौनमे सबसे जद्धा पापी मए हओं।

तीतुस 2:14

येशू ख्रीष्ट अपनएके हमरे फाइदाके ताहीं बलिदान करदइ। ताकी हम अधर्म कामसे छुटकारा पामएं, और हमके नैतिक रुपसे शुद्ध करपाबए। और ताकी हम बाके अपने खास आदमी बन जाएं, जो भले काम करनके ताहीं पुरी तरिकासे समर्पित होत हएं।

हिब्रू 10:23

हम जो आसरा करेहएं बोके मजबुतसे पाकणे रहमएं, काहेकी बाको करोभओ प्रतिज्ञा बा पुरा करैगो कहिके हम परमेश्वरमे बिश्वास करपामएं।

हिब्रू 11:11

बिश्वाससे अब्राहामकी बैयर सारा फिर अपनो उमर ढलको समयमे गर्भधारण करनके शक्ति पाइ। काहेकी परमेश्वर अपनो प्रतिज्ञा पुरा करत हए कहिके अब्राहाम बिश्वास करी रहए।

हिब्रू 6:10

जैसी तुम अच्छो काम करेहओ और अब परमेश्वरको नाउँमे, परमेश्वरके आदमीनके ताहीं प्रेमसे सेवाको काम करत हओ, परमेश्वर तुमके भुलैगो नाए। काहेकी बा धर्मी हए।

1 यूहन्ना 1:7

बहे करएं, जो अच्छो हए, जैसे परमेश्वर सिद्ध रुपमे बहुत अच्छो हए उइसियए हम फिर अच्छो जीबन जीइके, परमेश्वर और औरे आदमीनके सँग संगती करएं, तओ बाको लौंणा येशू ख्रीष्टको खुनसे हमके सब पापसे शुद्ध करैगो।

प्रकाश 15:3

बे परमेश्वरको दास मोशाको गीत गात रहएं जो थुमाके बारेमे गीत हए, “हे सर्बशक्तिमान परमप्रभु परमेश्वर तुम जो करे, बो काम महान और अचम्मोके हएं, तुम सब देशके राजा हओ, तुम जो करत हओ सब ठिक और सत्य हएं।