1 कोरिन्थी 5:5 - राना थारु नयाँ नियम

⁵ बो पापी ब्यबहार करन बारे आदमीके मण्डलीसे बाहिर निकार देओ और बो आदमीके शैतानके अधिकारमे फिर्ता पठाए देओ। ताकी जा आसरा करोजाए सकत हए, कि बो पाप करन छोडके परमेश्वर घुमजएहए कि। काहेकी अगर बो पश्चाताप करत हए कहेसे बो सचमे बो दिनमे बचाओ जाबैगो जब प्रभु न्याय करैगो।

परमेस्वर को सच्चो वचन

⁵ इंसान के सरीर के बिनास के ताहीं सैतान कै सौंपो जाबै, ताकी बाकी आत्मा प्रभु ईसु के दिन बच पाबै।

1 कोरिन्थी 5:5 交叉參考

मत्ती 4:10

तओ येशू शैतानसे कही, “शैतान तए दुर हुइजा! काहेकी पबित्र-शास्त्रमे लिखो हए, तए परमप्रभु अपन परमेश्वरके आराधना करिए, और बाको इकल्लो सेवा करिए।”

लूका 22:31

येशू कही, “सिमोन, ए सिमोन, देख, जैसे एक किसान गेहुँ मैसे भुसाके अलग करत हए। उइसी परमेश्वरसे, शैतान तुम सबके जाँचनके ताहीं अच्छे आदमीनके खराब आदमीन मैसे अलग करनके ताहीं अनुमति लैलै हए।

प्रेरित 26:18

ताकी बिनको आँखी खुलए, और बिनके अन्धयारोसे उजियारोमे और शैतानको शक्तिसे परमेश्वर घेन घुमाए पाबए। तओ बे परमेश्वर घेनसे पाप क्षमा पामंगे और मिर उपर बिश्वास करके बे परमेश्वरके चुने भए जनके सँग संगतीमे बैठन पामंगे।’

1 कोरिन्थी 1:8

हमर प्रभु येशू ख्रीष्ट पृथ्वीमे लौटके आन बारो दिनमे, तुम निर्दोष होबओ कहिके परमेश्वर तुमके अन्तक बिश्वासमे मजबुत बनाबैगो।

1 कोरिन्थी 11:32

पर अगर प्रभु हमके अइसियए दण्डित कर रहो हए कहेसे बा हमके सुधार रहो हए, ताकी न्यायके दिनके द्वारा हमके संसारके आदमीनके सँग दोषी नाए ठहिराबए।

1 कोरिन्थी 5:13

पर जो आदमी बिश्वासी नाए हएं उनको न्याय परमेश्वरए करत हए: पर जैसे पबित्र-शास्त्र कहात हए, “बो दुष्ट आदमी तुमर समुहको हिस्सा नाए हुइ पाबैगो।”

2 कोरिन्थी 10:6

जब तुम झुठा शिक्षनके इन्कार करैगे, और मोके अगुवा मनके मदत करे कहेसे और मूर्तिपुजा नाए करे कहेसे तुम ख्रीष्टमे पुरा आज्ञाकारी होबैगे। और जब जे बात पुरा होमंगे तओ आज्ञा नाए मानन बारे आदमीके दण्ड दओ जाबैगो।

2 कोरिन्थी 12:7

पर परमेश्वर दिखाओ भओ प्रशस्त प्रकाशके बारेमे घमण्डसे मए जद्धा नाए फुलओं कहिके मोके सतानके और घमण्डसे रोकनके शैतानको दूत बहुत अग्ठो समस्या अर्थात् एक काँटोसे छेदन बारो एक पिडा दओगओ।

2 कोरिन्थी 13:10

तहिमारे मए तुमके जा बात लिखरहो हओं, जब मए अग्गु आओ रहओं ताकी प्रभु मोए तुमके दण्ड देन अधिकार दइ हए कहिके मए तुमके दिखाए पामओं। काहेकी मए अपनो अधिकार प्रयोग करके तुमके बिश्वासमे मजबुत बनान चाँहत हओं, तुमर नाश करन नाए चाँहत हओं।

फिलिप्पी 1:6

मोके जा बातको भरोसा हए, कि परमेश्वर तुममे कुछ अच्छो काम करन सुरु करीहए, और परमेश्वर बो दिनमे पुरा करैगो, जब येशू ख्रीष्ट लौटके आबैगो।

1 तिमोथी 1:20

उन्हीं मैसे हुमेनियस और अलेक्जेन्डर हएं, जौनके मए मण्डली मैसे बाहिर करदओ हओं। और उनके शैतानके शक्तिके हातमे सौँप दओ हओं। ताकी बे सिखएं कि परमेश्वरके बारेमे बदनाम नाए करन पणत हए।

2 तिमोथी 1:18

न्यायके दिन प्रभु ओनेसिफरसके अपनो महान दया दिखाबए। और तए अपनए अच्छेसे जानत हए, कि बो एफिसस सहरमे मिर कित्नो सहायता करी।

2 पतरस 3:12

तुम बो दिनको प्रतिक्षा करत पेती, जब परमेश्वर संसारको न्याय करन आबैगो, तओ बो दिन जल्दी आबए करके सबसे अच्छो काम करओ। बो दिन आगी जलैगो और बादर नष्ट होबैगो, और आगिकी आँच पृथ्वीमे भए सब चीजके पिघ्लाए देबैगो।

1 यूहन्ना 5:16

अगर कोइ अपन बिश्वासी भइयाके पाप करत देखत हए, और बो पाप मृत्यु घेन नाए लैजतहए कहेसे, बो अपन भइयाके ताहीं परमेश्वरसे प्राथना करदेबए। और परमेश्वर बोके माफ करैगो, और बोके बा जीबन देहए। मए उनके बारेमे बोलरहो हओं, जोको पाप मृत्यु घेन नाए लैजात हए। अइसे पाप फिर हएं जो मृत्यु घेन लैजात हएं, मए बोके जा पापके बारेमे प्राथना करन नाए कहात हओं।