1 कोरिन्थी 4:12 - राना थारु नयाँ नियम

¹² और अपनो हातसे काम करके हम मेहेनत करत हएं। अपमानित होन समयमे हम बिनके आशिष देत हएं। और जब हम सताए जात हएं हम सहात हएं।

परमेस्वर को सच्चो वचन

¹² और अपनेई हातन के काम करकै मेहनत करथैं, आदमी बुरो कहथैं, हम आसीस देथैं; बे सताथैं, हम सकार लेथैं;

1 कोरिन्थी 4:12 交叉參考

मत्ती 5:11

धन्य हओ तुम, जब आदमी तुमके सतात हएं, बेज्जत करत हएं, और झुठ बोलके तुमर बिरुद्धमे सब किसिमको खराब बात कहात हएं। काहेकी तुम मिर चेला हओ।

मत्ती 5:44

पर मए तुमसे कहात हओं, अपन दुस्मनके अपनए कता प्रेम करओ, और तुमके सतान बारेके ताहीं परमेश्वरसे प्राथना करओ,

लूका 23:34

तओ येशू कही, “हे दौवा, यिनके क्षमा करीयओ, काहेकी जे का करत हएं सो नाए जानत हएं।” तओ बे बाको कुर्ताके बाँट लगाएके चिट्टा डारीं।

लूका 6:28

जौन तुमके सराप देत हए उनके आशीर्वाद देबओ, दुरब्यवहार करन बारेनके ताहीं परमेश्वरसे प्राथना करओ।

यूहन्ना 15:20

मए जा तुमके बताओ हओं, ‘कमैया मालिकसे बडो नाए होत हए,’ बोके याद करओ, अगर बे मोके हेल्हा करीं, कहेसे तुमके फिर हेल्हा करंगे। अगर बे मिर शिक्षा पालन करीं तओ तुमर शिक्षाके फिर पालन करंगे।

प्रेरित 18:3

पावल और अकिलासको एकए व्यपार रहए। जहेमारे पावल उनके सँग रहो और काम करी, काहेकी बो फिर उनही कता किरपाल बनान बारो काम करके जीबन चलात रहए।

प्रेरित 20:34

तुम अपनए जान्त हओं, मिर जे हातसे काम करके मिर और मिर सँग होन बारेनको आवश्यकताके पुरा करो रहओं।

प्रेरित 7:60

बो घुँटो टेकके जोडसे चिल्लाएके कही, “हे प्रभु, जा पापके ताहीं उनके क्षमा करदेओ।” इत्का कहिके बो अपन प्राण त्याग दइ।

रोमियों 12:14

और तुमके सतान बारेनके सराप नाए, बल्कि आशिर्बाद देओ।

रोमियों 12:20

पर तुम पबित्र-शास्त्रमे लिखो अनुसार करओ जोमे लिखो हए, “अगर तुमर दुस्मन भुखो हए तओ बोके खानु खाबओ। अगर प्यासो हए, तओ पानी पिइबाओ। काहेकी अइसियए कर्नेसे तुम बोके लज्जित करदेबैगे”

रोमियों 8:35

कोइ फिर हमके ख्रीष्टको प्रेमसे अलग नाए कर्पएहए। का संकटसे और दुखसे, और खेदोसे, और अनिकालसे, नंगतासे, और फिर खतरासे और तरवारसे? जे चीज मैसे एकफिर हमके ख्रीष्टको प्रेमसे अलग नाए कर्पएहए।

1 कोरिन्थी 9:6

मोके और बारनाबासके फिर अन्य येशूसे चुनेभए चेला कता आर्थिक मदत प्राप्त करनको अधिकार हए और अपनुवए मदतके ताहीं काम करनके जरुरी नाए हए।

2 कोरिन्थी 11:8

मए दुस्रे मण्डलीनसे योगदान स्वीकार करो, ताकी मए बिना कोइ किमतसे तुमर सेवा करपाओं। बोके लुट मत् कहाबओ!

इफिसियों 4:28

चोरी काम करन बारे फिर चोरी नाए करएं पर बोके अपनो हातनसे इमानदारीको काम करन पणो, ताकी गरीब आदमीनके सँग बाँटनके ताहीं बोके ठिन कुछ होए।

1 थेसलोनिकी 2:9

हे मेरे बिश्वासी ददाभइयओ, हम रातदिन कामधन्दा करतए तुमर बीचमे परमेश्वरको अच्छो समाचार परचार करे। ताकी हमसे जो जरुरत हए बोके पुरा करनके ताहीं तुमके कुछ देनके जरुरी नाए पणए कहिके हम मेहेनत और दुख करे कहान बारी बातके तुम सम्झत हओ।

2 थेसलोनिकी 3:8

हम कोइकी रोटी सेतएमे नाए खाए। पर मेहेनत और कष्टसे रातदिन काम धन्धा करत रहएं, ताकी हमके जो चीजको जरुरत होए, बोके पुरा करनके ताहीं तुम मैसे कोइमे निर्भर नाए पणएं।

1 तिमोथी 4:10

हम जा जीबन पानके ताहीं संघर्ष करत हएं और कडी मेहेनत करत हएं काहेकी हम जिन्दा परमेश्वरमे आसरा करत हएं जो सब आदमीनको मुक्तिदाता हए, और खास करके उनको मुक्तिदाता हए, जो बामे बिश्वास करत हएं।

1 पतरस 2:23

जब आदमी येशूके अपमान करीं, तओ बा उनको अपमान नाए करी। जब आदमी बाके कष्ट दइं, बा बदलामे उनके चोट पुगानके कोसिस कभीनाए करी। बरु, बा मदतके ताहीं परमेश्वरमे भरोसा करी। बाके पता रहए, कि परमेश्वर हर बखत आदमीनको न्याय ठिक रितिसे करत हए।

1 पतरस 3:14

पर अगर तुम अच्छो काम करोके कारणसे कोइ दुख उठान पणो हए कहेसे, परमेश्वर तुमके आशिष देबैगो। अगमबक्ता, यशैयासे लिखो भओ कता करओ: “तुमके धमकी देन बारे आदमीनसे मतडराओ और आदमी का करंगे कहिके बातमे चिन्ता मत् करओ।”

1 पतरस 3:9

खराबीको बदला खराबी, और अपमानको बदला अपमान नाए मत् करओ। बल्कि, बोको बदलामे आशिष देनके ताहीं परमेश्वर तुमके बुलाइ हए। अगर तुम अइसे करे कहेसे, परमेश्वर तुमके फिर आशिष देबैगो।

1 पतरस 4:19

जहेमारे परमेश्वरको इच्छा अनुसार जब कोइ दुख भोगत हए, और जीबन देन बारो परमेश्वरमे भरोसा करे रहात हए। तओ बोके ताहीं परमेश्वर हरदम अपन प्रतिज्ञा करोभओ बात पुरा करत हए। तभीमारे तुम अच्छो काम करतए रहाओ।

यहूदा 1:9

पर प्रमुख स्वर्गदूत फिर, परमेश्वरको आज्ञा नाए मानन बारे जे आदमीन कता नाए करी। जब शैतान, मिखाएलसे अगमबक्ता मोशाको शरीरके गाडन अधिकार कौनको हए कहान बारो बातमे बहस करी रहए। मिखाएल ठिन जे आदमीनसे जद्धी अधिकार होएसे फिर शैतानके बो खराब बात नाए कही, और बोके दोष नाए लगाइ। बल्कि, बो अइसे इकल्लो कही, “प्रभु तोके हप्काबए।”