1 कोरिन्थी 10:6 - राना थारु नयाँ नियम

⁶ बहुत पहिले हमरे पुर्खनके सँग भओ जे बात हमरे ताहीं चेतावनी हए, कि अगर हम उनके कता खराब काम करन इच्छा करत हएं कहेसे तओ का होबैगो।

परमेस्वर को सच्चो वचन

⁶ जे बातैं हमरे ताहीं उदाहरड़ बनी, कि जैसे बे लालच करीं, बैसिये हम बुरी चीजन को लालच नाय करैं।

1 कोरिन्थी 10:6 交叉參考

रोमियों 5:14

आदमसे लैके मोशातक सब आदमी पाप करीं और बे सब मरिगए, जबकी बे आदमी कता नियम कानुन तोडके पाप करीं, और फिर आदमको पाप सब आदमीनके प्रभाबित करी। ठिक उइसीयए ख्रीष्ट करी जो पिच्छु आओ, बा फिर सब आदमीनके प्रभाबित करी।

1 कोरिन्थी 10:11

पर जे सब बात, जो उनके उपर पणीं, बे चेतावनीके रुपमे रहएं। और बे बात, हमके चेतावनी देनके ताहीं लिखेगए हएं। हम अब संसारको अन्त होन समय घेन आइगए हएं।

हिब्रू 4:11

जहेमारे हम जा बिश्रामको ठाउँमे घुसनके ताहीं कोसिस करएं। और कोइ फिर परमेश्वरको आज्ञापालन करनके अस्वीकार करन बारे आदमीनके नमुना नाए मानएं। तब्ही इकल्लो हम बो बिश्रामके ठाउँमे घुसपामंगे।

हिब्रू 9:24

तभीमारे पृथ्वीमे भओ पबित्र ठाउँ त स्वर्गमे भओ पबित्र ठाउँको नमुना इकल्लो हए। ख्रीष्ट आदमीनको बनाओ भओ बो तम्भु भितर नाए गओ। पर हबए हमर ताहीं बा स्वर्गमे परमेश्वरके ठिन गओ हए।

1 पतरस 3:21

पुरानो समयमे बिनको मुक्ति हबए हमर मुक्तिको उदाहरण हए, जब हम बप्तिस्मा लेत हएं। बप्तिस्मा लेन बारो पानीसे हमर शरीरसे फोहर नाए हटात हए, पर जा संकेत हए, कि हम परमेश्वरसे माफी मागे हएं ताकी हमर मन अब परेसान नाए होबए। हम क्षमा पामंगे काहेकी येशू ख्रीष्ट अपनो मृत्युसे फिरसे जिन्दा भओ हए।

2 पतरस 2:6

तुमके जा फिर पतए हए, कि बहुत समय पहिले सदोम और गमोराके सहारमे बैठन बारे आदमीनके परमेश्वर दोषी ठहिराइ रहए, काहेकी बे गलत काम करी रहएं। बहेमारे बा भुवा नाए होनतक बिनके पुरा रुपम जलाइ। अइसे करके बा जा दिखाइ, कि बाके सँग नाए डरान बारे आदमीनके कैसो होबैगो।

यहूदा 1:7

जे इस्राएली और शैतानके दूतनकता सदोम और गमोरा सहरनमे और जिनको ढिँगैको सहरनमे बैठन बारे आदमीनमे भओ बात सम्खओ। आदमी अनैतिक भए रहएं, और सबए मेलके व्यभिचारसे भरे रहएं। जहेमारे परमेश्वर बिनके कभी फिर अन्त नाए होन बारो आगीसे भसम करदइ। बिनके सँग भओ बात, झुठे गुरुनके ताहीं चेतावनी भओ हए, कि बिनके फिर अनन्त आगीसे सजाय दओ जाबैगो।