1 कोरिन्थी 10:14 - राना थारु नयाँ नियम

¹⁴ जहेमारे मेरे प्यारे बिश्वासी ददाभइयओ, मूर्तिके आराधना मत् करओ।

परमेस्वर को सच्चो वचन

¹⁴ जहे बजह से, हे मेरे प्रिय जनौं, मूर्ति पूजा से बचे रहबौ।

1 कोरिन्थी 10:14 交叉參考

प्रेरित 15:20

और बोमे उनके जे बातनको जानकारी देमएं; कि ‘बे मूर्तिमे चढाओ भओ खानु नाए खामएं, व्यभिचार नाए करएं, घेँट अमेठके मारे गए जानबरन्को बुट्टी नाए खामएं और जानबरन्को खुन नाए पिइमएं।’

रोमियों 12:19

हे मेरे प्यारे ददाभइयओ, कभी फिर कोइसे बदला मत् लियओ पर तुमर ताहीं बदला लेनको मौका परमेश्वरके देओ, काहेकी पबित्र-शास्त्रमे प्रभु कहात हए, “बदला लेनको काम मिर हए, महीँ बदला लेमंगो।”

1 कोरिन्थी 10:15

मए समझदार मानके तुमसे कहात हओं: ध्यानसे सोँचओ, कि जो मए कहानके जाएरहो हओं बो सही हए या नाए हए।

1 कोरिन्थी 10:19

मए का कहानके कोसिस कर रहो हओं? का मए जा कहे रहो हओं, कि मूर्ति सच्चो परमेश्वर हए, जौनके ताहीं बलि चढाओ जातहए और जे बलिदान कुछ मोलके होत हएं?

1 कोरिन्थी 10:7

और तुम मूर्ति पूजन बारे मतबनओ; जैसे कि बिन मैसे कितने मूर्ति पूजन बारे बनिगए रहएं, जैसे पबित्र-शास्त्र कहात हए, “आदमी खान पिनके ताहीं भोजमे बैठिगए, और फिरसे अनैतिक काम करनके ताहीं उठीगए।”

1 कोरिन्थी 5:11

मिर कहाइको मतलब जा हए; कि अगर कोइ अपनएके एक बिश्वासी बताएके, व्यभिचार करन बारे, लोभ करन बारे, मूर्ति पूजन बारे, बुराइ करन बारे, दारु पिन बारे, या चुरान बारे होएं, तओ बोको सँगत मत् करीयओ; और अइसे आदमीनके सँग खानु फिर मतखैओ।

2 कोरिन्थी 11:11

मए तुमर रुपैया काहे नाए लैगओ? का मए तुमके प्रेम नाए करके अइसो करो? परमेश्वर जानत हए मए तुमके प्रेम करत हओं।

2 कोरिन्थी 12:15

मए तुमर आत्माके ताहीं अपनएके और मेरे सँग भए सब चीज देनके ताहीं खुसी होमंगो, ताकी तुम परमेश्वरको अनुसरण कर्पाबओ। मए तुमके बहुत प्रेम करत हओं। पर अइसो लागत हए, कि तुम मोके थोरी प्रेम करत हओ।

2 कोरिन्थी 12:19

का तुम जा सोँच रहेहओ, कि यित्तो समय तक तुमर अग्गु हम अपनुवए सफाइ दइ रहे हएं? प्रिय हो, हम परमेश्वरको उपस्थितिमे रोजए सच्चो रुपसे ख्रीष्टद्वारा परचार करत हएं और जे सब तुमके बिश्वासमे मजबुत बनानके ताहीं हए।

2 कोरिन्थी 6:17

जहेमारे परमप्रभु पबित्र-शास्त्र द्वारा कहात हए, “बे गैर-बिश्वासीनके बीचसे निकरके आओ जो परमेश्वरको आज्ञापालन नाए करत हए; बिनके बीचसे तुम अलग रहाओ, अशुद्ध चीजसे दुर बैठओ, और मए तुमके ग्रहण करंगो।

2 कोरिन्थी 7:1

जहेमारे मेरे प्यारे सँगीउ, हमरे सँग बे प्रतिज्ञा भओके मारे शरीर और आत्मासे होन बारो सब मेलको गलत काम करन छोडओ और परमेश्वरके आदर करके हमके पुरा रुपमे पबित्र जीबन बितानके कोसिस करन पणत हए।

फिलिप्पी 4:1

जहेमारे हे मेरे बिश्वासी ददाभइयओ, मए तुमसे बहुत प्रेम करत हओं, और मए तुमसे भेँटनको आसरा करत हओं, जौन मिर आनन्द और मुकुट हओ। हे मेरे प्यारे भइयओ, प्रभुमे अपनो बिश्वासमे मजबुत रहाओ।

फिलेमोन 1:1

मए पावल, जा चिट्ठी लिखरहो हओं, मए जेलमे हओं, काहेकी मए येशू ख्रीष्टके बारेमे परचार करत हओं। हे फिलेमोन, हमर बिश्वासी भइया तिमोथी और मिर घेनसे तोके नमस्कार हए। तए हमर प्रिय सँगी हए, और तए ख्रीष्टके ताहीं उइसियए काम करत हए जैसे हम करत हएं।

हिब्रू 6:9

मेरे प्यारे भइयओ! तुम असल काम कर रहेहओ। काहेकी परमेश्वर तुमके पहिलेसे मुक्ति दइ हए। जहेमारे जे चेतावनी तुमर बारेमे नाए हए।

1 पतरस 2:11

प्रिय हो, तुम जा संसारमे बिदेशी और प्रवासी कता बैठे हओ। मए तुमके बिन्ती करत हओं, कि बे सबए दुष्ट शारीरिक इच्छनसे अलग रहाओ, काहेकी अइसे चाहना आत्माके बिरोधमे रोज लडत हएं।

1 यूहन्ना 5:21

मेरे बालका, जौन चीज तुमके परमेश्वरको उपस्थितिसे दुर करत हए बो चीजसे दुर रहाओ।

प्रकाश 13:8

पृथ्वीमे रहान बारे सब आदमी बोके आराधना करन लागे। सिरफ बेहीं आदमी बक आराधना नाए करीं जौननको नाउँ संसारके सृष्टि करोजानसे पहिलिएसे जीबनको किताबमे लिखोगओ रहए। जा जीबनको किताब बहे थुमाको पुस्तक हए जोके बलिदानके रुपमे मारोगओ रहए।

प्रकाश 2:14

पर तिर बिरुद्धमे मिर जा गुनासो हए: काहेकी तए बे आदमीनको बिरोध नाए करत हए, जो तेरे मण्डलीमे झुठे शिक्षा देत हएं, जैसे अगमबक्ता बालाम बितो भओ समयमे शिक्षा दइ रहए। बालाम अगमबक्ता, राजा बालाकके सिखाइ, कि इस्राएल देशके आदमीनके पाप करनके ताहीं उक्सानके का करनके पणैगो। बो उनके मूर्तिनको बलि चढाओ भओ खानु खान और अनैतिक रुपसे जीइनके सिखाइ।

प्रकाश 21:8

पर जोकोइ मिर उपर बिश्वास नाए करत हए, उनके पज्रत आगीमे और गन्धकमे फेँकदओ जाबैगो, जोकी दुस्री मृत्यु हए। और जहे हालत उनको फिर होबैगो, जौन आदमीनके अग्गु मोके स्वीकार करनसे डरात हएं, खराब काम करत हएं, जो हत्या करत हएं, व्यभिचार करत हएं, जादु करत हएं, और मूर्तिनको पुजा करत हएं या ठगत हएं।”

प्रकाश 22:15

पर गलत काम करन बारे, मन्तुर करन बारे, व्यभिचार करन बारे, हत्या करन बारे, मूर्ति पुजन बारे और ठगन बारे कभी फिर बो सहरमे नाए घुसपामंगे।