1 कोरिन्थी 1:30 - राना थारु नयाँ नियम

³⁰ पर परमेश्वर तुमके येशू ख्रीष्टमे एकजुट बनाइ हए, और ख्रीष्टद्वारा परमेश्वर हमके अपनो बुद्धि दइ हए। परमेश्वर हमके अपनो नजरमे धर्मी फिर ठहिरात हए। ख्रीष्टके द्वारा हम सब पबित्र बनाए गए हएं, और बा हमके पापसे छुटकारा करत हए।

परमेस्वर को सच्चो वचन

³⁰ लेकिन परमेस्वर तुमकै मसीह मैं धार्मिकता के संग जोड़कै सौंप दई है, और परमेस्वर मसीह ईसु कै हमरो ग्यान बनाये दई है। बहे के लिहाज से हम परमेस्वर के संग सई माने गै हैं, कि हम परमेस्वर के पवित्र जन और छुटकारा पामैं।

1 कोरिन्थी 1:30 交叉參考

मत्ती 1:21

बो एक बच्चाके जनम देहए, और तुम बाको नाउँ येशू धरियओ, काहेकी बा अपन आदमीनके उनको पापसे छुटकारा देहए।”

लूका 11:49

जहेमारे परमेश्वरको बुद्धि फिर कहात हए, कि मए बिनके ठिन परमेश्वरके अगमबक्तनके और चुनेभए चेलाके पठामंगो। उन मैसे कोइके मारङगे और कोइके सतामंगे।

लूका 21:15

काहेकी मए तुमके अइसो मसकन बारो मुँहुँ और बुद्धि देहओं, कि तुमर बिरोधी तुमएं जबाफ घुमाए नाए पएहएं। और नए तुमर बात काट पामंगे।

यूहन्ना 1:18

परमेश्वरके कोइ कभु नाए देखिहएं। बाको एक लौंणा इकल्लो बाके देखी, हए जो परमेश्वर कता हए। और जो परमेश्वरके ढिँगै हएं, परमेश्वर बहे लौंणाके प्रकट करी हए।

यूहन्ना 14:6

येशू बिनके जबाफ दइके कही, “मए बो डगर और सच्चाई हओं, जो जीबन देतहए। मोए बिना कोइ फिर दौवाके ठिन नाए आए पएहए।

यूहन्ना 17:26

मए तुमर बारेमे बिनके परचार करो हओं, और करतए रहामंगो। और बतातए रहामंगो, कि जो प्रेम तुमके मोसे रहए। बिनको प्रेम मोएमे रहाबए और मए बिनमे रहामओं।”

यूहन्ना 17:8

जहेमारे जो सन्देश तुम मोके पुगाए हओ, मए उनके ठिन पुगाएदओ हओं। और आदमी तुमर सन्देशमे बिश्वास करीं और जानीगए हएं, कि मए तुमर घेनसे आओ हओं, और जा बिश्वास करी हएं, कि तुमही मोके पठाए हओ।

यूहन्ना 8:12

येशू फिरसे आदमीनके शिक्षा देतए कही, “मए बहे हओं, जो संसारके उजियारो देत हए। मेरे पिच्छु लगन बारेनके कभु फिर अँध्यारोमे नेगन नाए पणैगो, बल्कि बे बो उज्यारोके पामंगे जौन जीबन देतहए।”

प्रेरित 26:18

ताकी बिनको आँखी खुलए, और बिनके अन्धयारोसे उजियारोमे और शैतानको शक्तिसे परमेश्वर घेन घुमाए पाबए। तओ बे परमेश्वर घेनसे पाप क्षमा पामंगे और मिर उपर बिश्वास करके बे परमेश्वरके चुने भए जनके सँग संगतीमे बैठन पामंगे।’

रोमियों 1:17

काहेकी अच्छो समाचारमे परमेश्वर हमके अपनी दृष्टिमे सही बनातहए। और जा पुरा रुपसे बिश्वास द्वारए आतहए। जैसे पबित्र-शास्त्रमे लिखो हए, “बो आदमी जो बिश्वासके द्वारा परमेश्वरमे धर्मी ठहिरो हए, बो जिन्दा रहाबैगो।”

रोमियों 11:36

काहेकी सब कुछ परमेश्वरसे आत हए। बा सब कुछ बनाइ हए, और सब कुछ बहेके हएं। बा हमेसाके ताहीं सम्मान प्राप्त करनके चाहो। आमेन।

रोमियों 12:5

उइसीयए, हम फिर जो ख्रीष्टमे बिश्वासी हएं, हम सबए ख्रीष्टके शरीरके अंग हएं, और हम सबए एकदुस्रेसे जुडे भए हएं।

रोमियों 16:11

मेरे सँगी यहूदी हेरोदियनके नमस्कार हए। नर्किसको परिवारके जो प्रभुमे बिश्वासी हएं, उनके नमस्कार हए।

रोमियों 16:7

भइया एन्ड्रोनिकस और बहिनीया युनियस जो मेरे यहूदी सँगी हएं, और मेरे सँग कैदी रहएं और ख्रीष्टसे चुनेभए चेला द्वारा बे बहुत सम्मानित हएं, और मए बिश्वासी बननसे पहिले बे बिश्वासी बने गए रहएं, उनके मिर नमस्कार हए।

रोमियों 4:25

येशू हमर अपराधके ताहीं मारोगओ, और परमेश्वर हमएं अपने सँग धर्मी घोषित करनके ताहीं येशूके फिरसे जिन्दा करी।

रोमियों 4:6

उइसीयए राजा दाऊद लिखी, कि कैसे परमेश्वर बो आदमीनके आशिष देतहए जौनके कुछ काम बिना धर्मी ठहिराओ गओ,

रोमियों 5:19

काहेकी जैसी एक आदमीके अनाज्ञाकारितासे बेढम जनै पापी ठहिरे, उइसीयए करके एक आदमीको आज्ञा माननसे बहुत आदमी धर्मी घोसित होमंगे।

रोमियों 5:21

जैसेकी सब आदमी पाप करीं और बे सब मरिगए, उइसीयए हमर प्रभु येशू ख्रीष्टद्वारा परमेश्वरको अनुग्रह उनके धर्मी घोषित करैगो और उनके कभी फिर नाश नाए होन बारो जीबन देबैगो।

रोमियों 8:1

जहे कारणसे अब जो ख्रीष्ट येशूमे हएं, उनके उपर दण्डको आज्ञा नैयाँ।

रोमियों 8:23

और जा सृष्टि इकल्लो नाए, पर हम फिर, जौनमे होनबालो महिमाके पहिलीयएसे स्वाद चाखानके रुपमे पबित्र आत्माको निबास हए, हम पबित्र आत्माके हमर ताहीं परमेश्वरको प्रतिज्ञाकी निसानीके रुपमे पाए हएं। पर हम अभौफिर बो समयको आसरा कर रहे हएं जब हमके अपने बच्चा बनानके ताहीं परमेश्वर उठाएलेबैगो और हमर शरीरके सब दुष्टतासे छुटकारा करैगो।

रोमियों 8:9

पर जबकी परमेश्वरको आत्मा तुममे बास करत हए, तओ तुम पापमय स्वभाबके अधिनमे नाए होबैगे, पर पबित्र आत्माके अधिनमे होबैगे। अगर कोइमे ख्रीष्टको आत्मा नाए हए तओ बो ख्रीष्टको होए नाए सकत हए।

1 कोरिन्थी 1:2

मए जा चिट्ठी तुमके पठाएरहो हओं, जो कोरिन्थ सहरमे भए परमेश्वरके मण्डली हएं, अर्थात् हम जे बात लिखत हएं, जौनके परमेश्वर अपने आदमीनके रुपमे अलग करीहए। बा तुमके ख्रीष्ट येशूमे एकजुटमे बाँधी हए, और बा तुमके पबित्र आदमी होनके बुलाइ हए; उइसीयए, जैसे परमेश्वर औ सब आदमीनके छानी हए, जौन हमरे ठिहामे हमर प्रभु येशू ख्रीष्टको सेवा करत हए, काहेकी बा हमर सबको प्रभु हए।

1 कोरिन्थी 1:24

पर बे, जौनन्के परमेश्वर अपने आदमी होनके ताहीं बुलाइ हए चहुँ यहूदी होए चहुँ ग्रीक भाषा मस्कन बारे होएं, ख्रीष्ट परमेश्वरको शक्ति और परमेश्वरको ज्ञान हए।

1 कोरिन्थी 12:18

पर नेहात्तओ परमेश्वर हमर शरीरके सबए अंगके अपनी इच्छाके अनुसार शरीरके सब अंगके ब्यबस्थित रुपसे सही ठिहामे धर दइ हए।

1 कोरिन्थी 12:27

जहे परकार, तुम सब मिल्के ख्रीष्टको शरीर हओ, और तुम मैसे सबए बाके हओ, बाके शरीरके अंगके समान हओ।

1 कोरिन्थी 12:8

परमेश्वरको आत्मा, एक आदमीके ज्ञानसे भरो भओ सन्देश मस्कनके बरदान देतहए, और बहे आत्मा दुस्रो आदमीके ज्ञानसे भरो भओ सन्देश मस्कनके बरदान देतहए।

1 कोरिन्थी 4:15

काहेकी चहुँ तुमर ठिन ख्रीष्टियन जीबनमे तुमके डगर दिखान बारे हजारौँ महाट्टर होएं, पर सिर्फ महिं तुमर दौवाके बरोबर हओं, काहेकी महिं बो सुरुको आदमी हओं जो तुमर ठिन अच्छो समाचार लैके आओ, जोके परिमाण स्वरुप तुम ख्रीष्ट येशूमे बिश्वास करन लागे।

1 कोरिन्थी 6:11

पहिले तुम मैसे कुछ उइसीयए ब्यबहार करत रहओ, पर तुम प्रभु येशू ख्रीष्टके नाउँसे और हमरे परमेश्वरको आत्मा तुमर पापनके धोए दइ, और तुमके पबित्र बनाइ और तुमके धर्मी बनाइ।

2 कोरिन्थी 12:2

ख्रीष्टमे मए एक जनै आदमीके चिन्हत हओं, जो चौधा बर्ष अग्गु स्वर्गतक उठाओ लैगओ। जा घटना घटत पेती बो अभौफिर शरीरमे रहए कि नाए रहए कहिके सो मए नाए जानत हओं, पर परमेश्वर पक्का करके जानत हए।

2 कोरिन्थी 4:6

जहेमारे कि परमेश्वर कही, “अँध्यारोसे ज्योति चमकए।” और बहे परमेश्वर हमर हृदयमे ज्योति जैसो हमके समझ दइ, ताकी हम परमेश्वरको महिमाके देख पामएं जो येशू ख्रीष्टमे प्रकट होत हए।

गलातियों 1:4

हमर दौवा परमेश्वरकी इच्छाके अनुसार ख्रीष्ट येशू अपनए हमरे पापके ताहीं बलि हुइगओ, ताकी हम जा बर्तमान संसारके आदमीनके खराब प्रभावसे बचे रहिपामएं।

गलातियों 3:13

पर ख्रीष्ट हमके बो सरापसे बचाइ हए, जो नियम कानुन लात हए। जब क्रूसमे ख्रीष्टको मृत्यु भओ, तओ बा हमरे पापसे आन बारो सराप अपने उपर लैलै और हमके छुटकारा दइ। काहेकी पबित्र-शास्त्रमे जा लिखो हए, “जो कोइ फिर क्रूसमे मरत हए, बो सरापित हए।”

इफिसियों 1:10

जब जा योजनाके पुरा करनको समय आबैगो, तओ परमेश्वर बादर और पृथ्वीके सबए चिजनके ख्रीष्टके अधिनमे करैगो ताकी ख्रीष्ट सबए चिजनको मालिक होबए।

इफिसियों 1:14

काहेकी परमेश्वर हमके पबित्र आत्मा दइ हए। हम जा बातसे पक्का हुइपात हएं, कि परमेश्वर हमके उद्धारके ताहीं बो उत्तराधिकार देबैगो जो बा देनको प्रतिज्ञा करीहए और जा फिर कि बा हमके अपने आदमीनके रुपमे खरिदी हए ताकी बाको महिमाको स्तुति होबए।

इफिसियों 1:7

ख्रीष्ट मरत पेती हमर ताहीं खुन बहानके द्वारा परमेश्वर हमके छुटकारा करदइ हए, और परमेश्वर हमर पापनके क्षमा करदइ हए, और बाको अनुग्रह बहुत महान हए जो हमके मिलो हए।

इफिसियों 2:10

काहेकी येशू ख्रीष्टके सँग एकतामे हुइके हम नयाँ आदमी हुइके अच्छो-अच्छो काम करएं कहिके परमेश्वर हमके बनाइ। और हमर ताहीं करन बारो बो, अच्छो काम परमेश्वर पहिलीयएसे तयार करे हए।

इफिसियों 4:30

परमेश्वरको दओ भओ पबित्र आत्माके अपनो जीबन जिइनको तरिकासे दुखी मत् करओ, जोसे तुमके छुटकाराको दिनके ताहीं प्रतिज्ञा दओगओ।

इफिसियों 5:26

ख्रीष्ट मण्डलीनके पबित्र बनानके ताहीं अपनो बचनसे और बप्तिस्माको पानीसे धोएके शुद्ध बनाइ।

फिलिप्पी 3:9

और मए परमेश्वरके सँग एकएमे रहिपामओं, नाएकी बो धार्मिकतासे जो मोशाको नियम कानुनसे हए। पर बहे धार्मिकतासे, जो ख्रीष्टमे बिश्वास करनको कारण हए, और परमेश्वरके घेनसे बिश्वास करनमे मिलत हए।

कलस्सी 1:14

बाको लौंणाको बलिदानसे परमेश्वर हमके छुटकारा दइ हए, अथवा हमर पाप क्षमा करीहए।

कलस्सी 3:16

हर समय ख्रीष्टके सन्देशके बारेमे सोँचओ। ताकी जा बे सबके नियन्त्रण करए, जो तुम करत और सोँचत हओ। और सिद्ध ज्ञान सहिँत एकदुस्रेके सिखाओ, और सल्लहा देओ। और अपने-अपने मनमे धन्यबादके सँग परमेश्वरके ताहीं भजन, स्तुति और आत्मिक गीत गाओ।

1 थेसलोनिकी 5:23

शान्ति देन बारो परमेश्वर तुमके पुरा रुपसे पबित्र बनाए; तुमर पुरो आत्मा, प्राण और शरीर हमर प्रभु येशू ख्रीष्ट दुबारा लौटके नाए आनतक निर्दोष और सुरक्षित बचे रहाओ।

तीतुस 2:14

येशू ख्रीष्ट अपनएके हमरे फाइदाके ताहीं बलिदान करदइ। ताकी हम अधर्म कामसे छुटकारा पामएं, और हमके नैतिक रुपसे शुद्ध करपाबए। और ताकी हम बाके अपने खास आदमी बन जाएं, जो भले काम करनके ताहीं पुरी तरिकासे समर्पित होत हएं।

हिब्रू 9:12

ख्रीष्ट स्वर्गमे भओ महापबित्र ठाउँमे एकए चोटी सदामानके ताहीं प्रबेश करी। बा अपने सँग बक्रा और बछ्रनको खुन लैके नाए गओ। बाको बलि बाको अपनो खुन रहए, और जासे बो हमके पापसे सदाके ताहीं छुटकारा करदइ हए।

याकूब 1:5

अगर तुम मैसे कोइके बुद्धिकी कमी हए, तओ दोष नाए लगान बारो परमेश्वरसे मागओ, बा तुमके देबैगो।

1 पतरस 1:2

दौवा परमेश्वर पहिलीए तुमके अपनो आदमी होनके और पबित्र आत्माको कामसे बिनके पबित्र बनानके ताहीं छाननके फैसला करी रहए। बा अइसो करी ताकी तुम येशू ख्रीष्टको आज्ञापालन करओ और बाको खुनसे शुद्ध हुइ पाबओ। ताकी चुनेभए बारेनके अनुग्रह और शान्ति प्रशस्त होत जाबए।

2 पतरस 1:1

मए सिमोन पत्रुस, तुमर ताहीं जा चिट्ठी लिखनडटो हओं, मए येशू ख्रीष्टको सेवक और चुनो भओ चेला हओं। मए तुम सबके लिखनडटो हओं, जौन हम सबके समान अनमोल बिश्वास प्राप्त करीहए। जा बिश्वास हमर परमेश्वर और मुक्तिदाता येशू ख्रीष्टद्वारा हमके दओगओ हए, जौन हमके परमेश्वर द्वारा धर्मी बनातहए।

1 यूहन्ना 5:6

बा येशू ख्रीष्ट हए, जौनके परमेश्वरके द्वारा जा संसारमे पठाओ गओ हए, और पानीसे बप्तिस्मा दओगओ रहए, और पिच्छु जब बा मरो, तओ बाको खुन बहो। बा बप्तिस्मा लेन इकल्लो नाए, पर अपनो खुन बहाएके क्रूसमे मरो। पबित्र आत्मा गवाही देतहए, कि येशू ख्रीष्ट परमेश्वरसे आओ हए, और पबित्र आत्मा सदिमान सच्चो मस्कत हए।

प्रकाश 14:4

बिनको जीबन पबित्र हए। बे बेहीं लोग कता हएं जौन कभी फिर व्यभिचार नाए करी हएं, जौन कभी फिर आराधना नाए करी हएं, बे थुमाको इकल्लो आराधना करत हएं। जहाँ थुमा जातहए, हुवाँ बेहुँ जात हएं, बे आदमी बेहीं हएं जौननके पृथ्वीके सबए आदमीनके बीचसे छुटावगओ हए। आदमी अपनो फसलको पहिलो फल परमेश्वरके चढाओकता, बे परमेश्वर और थुमाके पहिलो भेँटीके रुपमे चढाएगए हएं।

प्रकाश 5:9

और बे अइसे करके थुमा अर्थात् येशू ख्रीष्टके बारेमे गान लागे, “तुम जा खलरीको चिट्ठीको मोहरके तोणन और जाके खोलनके लायक हओ। काहेकी तुमके मारडारोगओ रहए और अपनो मृत्युके खुनसे तुम संसारके हर कुल, भाषा, आदमी और जातिसे परमेश्वरके ताहीं आदमीनके छुटकारा दए।