1 कोरिन्थी 1:20 - राना थारु नयाँ नियम

²⁰ उइसो हए तओ, हम बुद्धिमान आदमीनके बारेमे का कहे सकत हएं? हम मोशाको नियम कानुन सिखान बारेसे का कहे सकत हएं? हम संसारके अइसे आदमीनके बारेमे का कहे सकत हएं जो मस्कनमे चलाँक हएं? परमेश्वर बे सबके मुरख बनाए दइ हए और उनको ज्ञानके व्यर्थ दिखाए दइ हए।

परमेस्वर को सच्चो वचन

²⁰ कितै गौ जौ दुनिया को ग्यानी? कितै गौ यहूदि नियम के सिक्छक? कितै गौ जौ युग को बहस करन बारो? का परमेस्वर युग के ग्यान कै बेबकूफी की बात ना बताई!

1 कोरिन्थी 1:20 交叉參考

मत्ती 13:22

काँटोमे बुए भए बिज बेही हएं, जौन बचन सुनत हएं, पर जीबनको आवश्यकताके चिन्ता करत हएं, धनी बननके ताहीं और दुस्रो चीज पानके लालचमे बे मुरख बन्जात हएं तभीमारे परमेश्वरको बचन बे भुल जात हएं और अपन जीबन उइसे नाए जीइत हएं जैसे परमेश्वर चाँहत हए।

यूहन्ना 12:31

अब येशूके द्वारा जा संसारको सासक शैतानकी शक्तिके न्याय करनको समय आइगओ हए।

प्रेरित 17:18

इपिक्युरी और स्तोइकी कहान बारे दर्शनके कुछ गुरु फिर पावल सँग बादबिबाद करन लागे। बिन मैसे कित्ने कहीं, “जा गबगबान बारो का कहात हए?” और कित्ने जनै कहीं, “जा त नयाँ देबतनको परचार करत हए!” पावल येशूके बारेमे और बा मरे मैसे जिन्दा भओ कहिके अच्छो समाचार परचार करेके कारणसे बे अइसे कहीं।

रोमियों 1:20

जबसे परमेश्वर संसारके बनाइ हए, आदमी बाको अनन्त सामर्थ्यके स्पष्ट रुपसे समझ सकत हए और जा फिर जान सकत हए, कि बा बस्ताबमे ईश्वरीय स्वभाबको हए। जे विशेषताके नाएदेखो जाए सकत हए। पर उनके जानो जाओ सकत हए। परमेश्वरके द्वारा बने गए चिजनके द्वारा आदमी परमेश्वरके बारेमे जा जान सकत हएं। जहेमारे बे आदमीनके ठिन अइसो कोइ बहाना नाए हए, कि बे परमेश्वरके नाए जान्तहोएं।

रोमियों 1:22

बे अपनएके बुद्धिमान हुइके दाबी करेसे फिर मुरखए बनिगए।

1 कोरिन्थी 1:19

काहेकी पबित्र-शास्त्रमे परमेश्वर कही हए, “मए जा साबित करंगो कि जौन, आदमीनको बिचारनके जा संसारके आदमी बुद्धिमान सम्झत हएं, बास्ताबमे बे बिचार मुरख हएं मए जा साबित करंगो, कि बास्ताबमे बे बिरकुल फिर बुद्धिमान नाए हएं।”

1 कोरिन्थी 1:26

हे मेरे ददाभइयओ, जाके बारेमे याद करओ, कि जब परमेश्वर तुमके बुलाइ रहए बो समयमे तुम कैसे रहओ, तुम आदमीनको नजरमे जद्धा ज्ञानी नाए रहओ, कुछ आदमी शक्तिशाली नाए रहओ, और सामाजिक हिसाबसे उच्च खानदानके नाए रहओ।

1 कोरिन्थी 1:27

बल्कि, परमेश्वर अइसे आदमीनके चुनी, जौनके संसार मुरख सम्झत हए, ताकी बे आदमीनके सरमबाए देबए जो सोँचत हएं, कि बे ज्ञानवान हएं। और परमेश्वर अइसे आदमीनके चुनी जो निर्बल हएं, ताकी उनके सरममे पारए जो बलवान हएं।

1 कोरिन्थी 1:28

और परमेश्वर अइसे आदमीनके चुनी जौननके संसारके द्वारा तुच्छ करेगए रहएं, अइसे आदमी जौनन्के कुछु फिर नाए सम्झो जात रहए और उनको उपयोग नाश करनके ताहीं करोजात रहए जोके संसार महत्त्वपूर्ण सम्झत रहए।

1 कोरिन्थी 11:32

पर अगर प्रभु हमके अइसियए दण्डित कर रहो हए कहेसे बा हमके सुधार रहो हए, ताकी न्यायके दिनके द्वारा हमके संसारके आदमीनके सँग दोषी नाए ठहिराबए।

1 कोरिन्थी 2:6

तहुँफिर मए बेहीं आदमीनके बीचमे ज्ञानको सन्देशके मस्कत हओं, जो आत्मिक रुपसे पक्को हए। पर जा संसारके आदमीनको ज्ञान और जा संसारके हाकिमनको ज्ञान नाए हए; जौनको नाश होन बारो हए।

1 कोरिन्थी 2:8

जोके, जा संसारके हाकिमन मैसे परमेश्वरको योजनाके नाए जानीं, काहेकी अगर जनते तओ सम्मान पान बारो प्रभुके क्रूसमे नाए टँगैते।

1 कोरिन्थी 3:18

अगर तुम मैसे कोइ फिर जा सोँचत हए, कि बो आदमी जा संसारके आदमीनको बिचारके अनुसार समझदार हए, तओ तुमके जा संसारके आदमी उनको बिचारमे अपनएके मुरख बनानके होबैगो, ताकी तुम सचमे परमेश्वरके बिचारमे ज्ञानवान हुइ पाबओ।

1 कोरिन्थी 3:19

काहेकी बो बात जो जा संसारके आदमी समझत हएं, कि ज्ञानवान हएं। पर जा ज्ञान परमेश्वरके अग्गु मुरखता हए, जा उइसीयए हए जैसे पबित्र-शास्त्र कहात हए, “कुछ आदमी सोँचत हएं, कि बे ज्ञानवान हएं, पर परमेश्वर उनको अपनो चतुर योजनन्के इस्तमाल उनके हरानके ताहीं करत हए।”

1 कोरिन्थी 6:2

नेहात्तओ तुम जानत हओ, कि भबिष्यमे परमेश्वरके पबित्र आदमी जा संसारके आदमीनके न्याय करंगे। और जब तुम संसारके आदमीनको न्याय करत हओ कहेसे का तुम अपन बीचमे भए छोटे-छोटे मामलाके फैसला करन योग्यके नाए हओ?

याकूब 4:4

हे बिश्वासीघाती आदमी, का तुम नाए जानतहओ, कि जा संसारके चीजके सँग सँगत करनो परमेश्वरके दुश्मन बनानो हए? जहेमारे जोकोइ संसारके सँगी होनके चाँहत हए, बो अपनएके परमेश्वरको दुश्मन बनात हए।