Yohanis 9:22 - Tetun

²² Sia dale nunia, tan sia nataꞌuk Yahudi ulun sia. Sia natene ulun sia tau mutu lia fuan tiꞌan naꞌak, kalo noo ema mak dale nasai naꞌak, Yesus nia, Kristus, ulun sia atu lelen ema nia nosi uma hamulak.

Yohanis 9:22 交叉參考

Yohanis 16:2

Nosi ikus, Yahudi ulun sia atu lelen emi nosi siakaan uma hamulak. Lahoos nunia dei, tan noo oras seluk ida, ema atu buka noꞌo emi, tan sia naneo naꞌak, hahalok nia bodik Naꞌi Maromak.

Yohanis 7:13

Mais la noo ema ida mak naksakar aan dale malorek nosi Yesus, tan sia nataꞌuk ulun nia sia.

Lukas 6:22

Ema mak kona susar tan tuir Haꞌu, Ema Raiklaran Isin neꞌe! Emi hetan sotir, tan Naꞌi Maromak atu selu baa emi iha laleꞌan. Masik ema hirus emi, nahaat emikaan naran, sama emi, nabuꞌa sai emi hanesan ema aat, emi hetan sotir, tan Naꞌi Maromak la naluꞌa emi iha laleꞌan. Kalo ema nasusar emi nunia, neon boot baa dei! Lalika blaar, tan ema mak nasusar emi baa oras neꞌe, uluk siakaan bei uluk duꞌuk mak nasusar Maromak makoꞌan sia. Kalo emi hetan susar nunia, halo neon boot baa dei, tan Naꞌi Maromak atu selu waꞌin boot baa emi iha laleꞌan!

Yohanis 9:34

Sia nataa naꞌak, “Hoi! O neꞌe, ema aat hori okaan inan nahoris nola o! Oin nunabee toꞌo o manorin fila ami? Notar lalek neꞌe!” Hotu sia teꞌur sai nia, toꞌo lelen nia nosi uma hamulak.

Lia Raiklaran Falu Fila 21:8

Mais, ema seluk sia atu kona soe baa tasi haꞌi fatuk lobot mak laka la nakotu. Sia mak, ema taꞌuk teen, ema mak seꞌi kotuk baa Yesus, ema lisan aat, ema mahalo lia kfoꞌer, ema mahoꞌo ema, ema mak loꞌu-sudur baa aiꞌoi lulik, ema mak nakneko ema, no ema tolek teen. Sia hotu-hotu atu kona kastikar soe baa tasi haꞌi nia. Kastikar nia naꞌak ‘Mate Dala Rua.’ ”

Kristus Klosan Lian 5:40

Sia natama nikar Kristus klosan sia mai, hotu sia naruka ema taꞌe naboba sia. Sia moos nakahik nebee keta temi Yesus naran ona. Hotu, sia nabusik sai sia.

Kristus Klosan Lian 5:13

Masik ema waꞌin nakneter Yesus eman sia moos, ema mak la fiar Yesus dauk, la noꞌuk namutuk no sia.

Kristus Klosan Lian 4:18

Hotu, sia bolu nikar Petrus no Yohanis nodi katak naꞌak, “Sintidu! La bele hanorin tenik lia Yesus!”

Yohanis 20:19

Loron domiku nia loro monu, Yesus Niakaan maktuir sia naklibur aan. Sia taka natoos uma odamatan sia, tan nataꞌuk Yahudi ulun sia. Mais teki-tekis, Yesus nariik iha siakaan klaran, nodi nasee naꞌak, “Kmanek no dame!”

Yohanis 19:38

Noo ema ida, naran Yusuf. Nia nosi leo Arimatea. Nia tuir Yesus, mais nia tuir nodi nakfunin, tan nataꞌuk Yahudi ulun sia. Oras Yesus mate tiꞌan, nia baa nusu Gubernur Pilatus, nebee gubernur foo leet baa nia atu nola Yesus maten nodi baa nakoi. Rona nola nunia, gubernur moos noꞌuk. Hotu Yusuf baa natuun nola Yesus maten, nodi baa.

Yohanis 1:19

Dala ida, ema Yahudi ulun sia iha Yerusalem bolu naꞌilulik naꞌin hira, no ema naꞌin hira nosi hunun Lewi mak naliku Naꞌi Maromak Niakaan Uma Hamulak Huun. Bolu nola notu, sia solok ema nia sia baa mota Yordan balu baa, atu nusu Yohanis Mak Sarani Ema naꞌak, “O neꞌe, Kristus mak Naꞌi Maromak nameno tiꞌan atu solok mai ka?” Rona sia nusu nunia, Yohanis

Yohanis 9:18

Yahudi ulun sia la fiar kalo uluk ema nia matan delek. Tan baa nia, sia naruka baa bolu inan-aman mai nataa sia.

Yohanis 9:21

Mais ami la hatene, nia nalo oin nunabee toꞌo oras neꞌe matan moon tiꞌan. See mak namoon matan, ami moos la hatene. Nia, boot tiꞌan. Husu duꞌuk baa nia, tan nia bele dale duꞌuk!”

Yohanis 9:35

Yesus rona nola naꞌak, Yahudi ulun sia teꞌur sai ema mak uluk matan delek nia, Nia baa buka ema nia toꞌo netan. Nia nusu baa ema nia naꞌak, “Nunabee? O fiar baa Ema Raiklaran Isin ka?”