Kolose 4:18 - Tetun

¹⁸ Keta haluꞌa haꞌak, ema sei neti natoos haꞌu iha bui neꞌe. Haꞌu kakroꞌan nebee, Naꞌi Maromak natudu laran diꞌak baa emi. Haree dei! Hakerek neꞌe, haꞌu kteken kodi haꞌukaan liman duꞌuk. Tabe nosi haꞌu, Paulus

Kolose 4:18 交叉參考

Ibrani 13:3

Keta haluꞌa tau matan baa ema iha bui. Musti tulun sia, hanesan emi duꞌuk mak kona kohi. Keta haluꞌa tulun ema mak kona tonan. Haliku sia diꞌa-diꞌak, hanesan emi duꞌuk mak kona tonan nia.

2 Timotius 4:22

Nebee, Naꞌi Maromak namutuk bei-beik no o, nodi natudu laran diꞌak baa o. Haꞌukaan hakerek toꞌo neꞌe dei. Paulus

1 Korintus 16:21

Haree kokon lai! Haꞌu, Paulus kodi liman duꞌuk kakerek lia tohar rohan neꞌe: Dame!

Ibrani 13:25

Haꞌu kakroꞌan, nebee Naꞌi Maromak natudu laran diꞌak baa emi hotu-hotu. Nunia dei.

Titus 3:15

Ami hotu-hotu iha neꞌe solok tabe baa o, Titus. Ami moos foo tabe baa mamaluk makfiar sia. Kakroꞌan, nebee Naꞌi Maromak natudu laran diꞌak baa emi hotu-hotu. Haꞌukaan hakerek toꞌo neꞌe dei. Paulus

2 Timotius 1:8

Tan baa nia, keta moe aan katak lia nosi itakaan Naꞌin Yesus Kristus. O moos keta moe, tan haꞌu neꞌe ema bui. Tuir loos, haꞌu ktama bui neꞌe tan haꞌu kaliku Nia. Kalo o baa katak Niakaan Manfatin Diꞌak, o musti madiꞌa aan atu matiu susar nuꞌu haꞌu. Mais baa oras o metan susar nunia, Naꞌi Maromak nanis nakbiit o.

Filipi 1:7

Fatan nanis haꞌu kadomi emi, tan haꞌukaan neon talin malu no emi hori uluk. Hori hirak nia, emi tuir serwisu ho haꞌu baa oras haꞌu kalore Yesus Lia Diꞌak, no baa oras haꞌu kataa kikar baa ema mak sakar Lia Diꞌak nia. Masik haꞌu ktama bui moos, emi la laꞌo hela haꞌu.

2 Tesalonika 3:17

Haꞌu kakerek lia fuan tatakan neꞌe sia, kodi haꞌukaan liman duꞌuk, nebee emi bele hatene haꞌak, hakerek neꞌe tebe-tebes nosi haꞌu. Iha haꞌukaan hakerek seluk sia, haꞌu moos kalo nunia.

Kolose 4:3

Keta haluꞌa hamulak bodik ami, hodi hakroꞌan nebee Naꞌi Maromak loke dalan baa ami atu bele katak baa ema hosi lia Kristus mak uluk sei lia subar. Hanoin! Haꞌu ktama bui neꞌe, tan haꞌu katak lia Kristus baa ema.

Roma 16:23

Haꞌu kein heik iha mau Gayus uman. Mamaluk sarani hotu-hotu iha neꞌe libur malu atu namulak iha niakaan uma. Gayus moos solok tabe. Mau Erastus, makaer osan kota, no itakaan maluk Kuartus moos solok tabe.

Roma 16:20

Naꞌi Maromak mak foo ita moris manek, dame no mamatek. La kleur ona, Nia atu nadodok diabu ulun beran iha emikaan moris. Haꞌu kaloon nebee itakaan Naꞌin Yesus Kristus natudu laran diꞌak baa emi.

Roma 16:22

(Haꞌu neꞌe, Tertius, mak kalo hakerek neꞌe, tuir saa mak mau Paulus naruka. Haꞌu moos ksolok tabe baa emi, tan itakaan Naꞌin manesak.)