Ibrani 5:11 - Tetun

¹¹ Mamaluk sia, sei noo lia waꞌin tenik mak haꞌu kakara dale kosi lia Kristus no Melkisedek nia. Mais haꞌu susar kalore lia nia sia, tan emi sei hanesan lawarik momok oan mak sei la natene malolok dauk.

Ibrani 5:11 交叉參考

Mateus 13:15

Ema neꞌe sia, neon monas. Sia nadiuk tilun. Sia nadelek matan. Habusik baa, nebee siakaan tilun diuk nunia dei, Habusik baa, nebee siakaan matan delek nunia dei. Nebee Haꞌu lalika kadiꞌak sia, tan sia la nikir Haꞌu.’

2 Petrus 3:16

Sura Paulus nalo hakerek, nia moos dale lia neꞌe sia. Nosi niakaan hakerek sia, noo lia isin balu mak susar ita hatene. Noo ema mak feur seluk Paulus hanorin. Sia moos feur seluk lia isin balu iha Hakerek Moon. Sia neꞌe, ema baruk teen, no ema mak la fiar biit sia. Mais ema oin nunia sia atu dodok mohu.

Kristus Klosan Lian 28:27

O musti dale baa sia nunia, tan siakaan neon nakfatuk. Sia nadiuk tilun. Sia nadelek matan. Mais soꞌin! Habusik siakaan tilun lalika rona tenik ona. Habusik siakaan matan lalika naree tenik ona. Habusik siakaan neon lalika nakloke tenik ona. Toꞌo sia la natene dalan mai nikar baa Haꞌu ona. Hodi nunia, Haꞌu la kadiꞌak tenik sia ona.’ ”

Yohanis 16:12

Noo lia waꞌin mak Haꞌu kakara katak baa emi. Mais oras neꞌe, emi sei la kohi dauk.

Yohanis 6:6

Baa oras nia, Yesus natene tiꞌan Nia atu nalo nunabee. Mais Nia dale nunia atu nodi koko Filipus neon.

Lukas 24:25

Ema rua nia dale notu nunia, Yesus deꞌan naꞌak, “Beik sia! Tan saa la hoꞌuk fiar saa mak Maromak makoꞌan sia katak kedan hori uluk

Markus 8:21

Rona nola nunia, Yesus naꞌak, “Loos tebes! Emi haree duꞌuk tiꞌan, mais tan saa emi sei la hatene dauk See mak latan beran nia baa Haꞌu?”

Ibrani 5:10

Naꞌi Maromak moos foti Nia dadi naꞌilulik ulun oin ida nuꞌu naꞌilulik Melkisedek uluk nia.

Ibrani 5:12

Emi neꞌe fiar kleur tiꞌan. Tuir loos, emi musti dadi tiꞌan baa ema manorik. Mais hatene hodi baa, emi sei nuꞌu kau mea oan mak sei la bele naa dauk, tan foin sei nemu susu dei. Ema musti nanorin tenik emi lai nosi lia tatuur sia nosi Naꞌi Maromak Niakaan Hakerek Moon isin.