Ibrani 13:8 - Tetun

⁸ Yesus Kristus la filas aan kedan. Nia nafati hori uluk, oras neꞌe, toꞌo nima-nimak.

Ibrani 13:8 交叉參考

Lia Uluk Fohon 21:33

Hotu, Abraham taman ai tamariska huun ida iha Beer Syeba. Nahuu baa oras nia, ai huun nia foo natene baa Abraham naꞌak, fatin nia, fatin loꞌu-sudur baa MAROMAK Mak Moris Nima-nimak.

2 Korintus 1:19

Haꞌu ko Silas no Timotius hanorin emi tiꞌan hosi Yesus Kristus, Naꞌi Maromak Oan. Kristus lahoos ema oin-kotuk mak iha oin dale “heꞌe”, iha kotuk dale “lale”. Yesus moos la koen kedas, tan kalo Nia dale “heꞌe”, “heꞌe” bei-beik.

2 Korintus 1:20

Lia hotu-hotu mak Naꞌi Maromak nameno bodik ita, nanis Nia nalo tuir. Nunia moos, kalo Yesus nameno lia ida naꞌak, “heꞌe,” ita bele hatebes haꞌak, “tebes!” tan ita talin malu ho Nia. Hodi nunia ita moos hatudu Naꞌi Maromak Niakaan makaꞌas.

Ibrani 1:12

Nosi ikus, O atu foti soe laleꞌan no raiklaran, hanesan ema foti soe tais aat. Nosi ikus, O atu taruka laleꞌan no raiklaran, hanesan ema taruka tais foun. Mais O duꞌuk la nunia. Tan O moris nima-nimak.”

Yakobus 1:17

Lia aat sia la mai nosi Naꞌi Maromak. Mais matak-malirin no lia diꞌak hotu-hotu tuun mai nosi Nia. Nia mak naseꞌi loro no fulan no fitun sia. Buat nia sia lori baa-mai iha laleꞌan, no siakaan lalatak seluk aan nohuun. Naꞌi Maromak mesan mak la seluk aan.

Yudas 1:25

Nia mesan, Maromak mak loos. Nia mesan mak sori ita nodi itakaan Naꞌin Yesus Kristus. Ita foo kneter hotu-hotu baa Nia. Nia makaꞌas kaliuk. Niakaan beran boot kaliuk. Nia kaer ukun hotu-hotu, hori uluk, baa oras neꞌe, toꞌo nima-nimak. Tebes! Nosi haꞌu, Yudas

Lia Raiklaran Falu Fila 1:11

Lia maliak nia naruka naꞌak, “Yohanis! Haꞌu kakara kalore lia ida baa o. O musti makerek mola hotu-hotu lia mak o maree neꞌe. Hotu, o musti solok baa ema sarani klubun hitu, mak ida-idak iha kota Efesus, kota Smirna, kota Pergamus, kota Tiatira, kota Sardis, kota Filadelfia no kota Laodikia.”

Lia Raiklaran Falu Fila 1:4

Haꞌu ksolok hakerek neꞌe baa Yesus Niakaan ema klubun hitu iha rai Asia. Haꞌu kusu moris manek no dame kosi Naꞌi Maromak bodik emi hotu-hotu. Nia iha kedan tiꞌan hori uluk. Nia iha baa oras neꞌe. Nia moos iha toꞌo nima-nimak. Haꞌu moos kusu moris manek no dame kosi Maromak Kmalar Lulik. Haꞌu ktitu-karee Kmalar Lulik nia, hanesan kmalar hitu mak seꞌi oin baa Naꞌi Maromak habesi aan fatin.

Lia Raiklaran Falu Fila 1:8

Naꞌi Maromak dale naꞌak, “Haꞌu neꞌe, Alfa toꞌo Omega. Neꞌe naꞌak, Ulun toꞌo Ikun. Hotu-hotu huun baa Haꞌu, nosi huun toꞌo rohan. Haꞌu, mak iha kedan tiꞌan hori uluk. Haꞌu, mak iha baa oras neꞌe. Haꞌu moos, mak atu iha toꞌo nima-nimak. Tan Haꞌu kmesan dei, mak beran kaliuk!”