Filipi 3:21 - Tetun

²¹ Nia moos atu seluk itakaan isin mak natene kole no mate neꞌe, nodi isin foun mak la mate, hanesan Niakaan isin mak makaꞌas nia. Nia seluk nodi Niakaan beran boot. Nia moos atu nodi beran nia, toꞌo nalo hotu-hotu iha nabee dei loꞌu-sudur baa Nia.

Filipi 3:21 交叉參考

Kolose 3:4

Kristus moris iha emikaan neon laran, nodi nalo emi moris loos. Baa oras Nia namaan aan mai nikar, emi moos atu mosu mai hamutuk ho Nia. Lia neꞌe sia, makaꞌas tebes!

1 Yohanis 3:2

Mamaluk sia mak haꞌu kadomi! Ita dadi Naꞌi Maromak oan tiꞌan, mais sei la malorek dauk ita atu dadi oin nuꞌu saa tenik. Lia mak ita hatene nuneꞌe: Oras rai falu fila Kristus namaan aan mai nikar, ita atu dadi hanesan Nia, tan oras nia, foin ita haree malorek Nia.

Roma 8:29

Hori uluk aan, Nia natene see mak atu dadi baa Niakaan oan. Nia moos boi nola sia nebee siakaan lisan dadi hanesan Niakaan Oan Kristus. Kristus nia, mak oan ulun. Rumak sia, mak alin.

Mateus 28:18

Hotu Yesus mai nareꞌis aan baa sia, nodi dale naꞌak, “Naꞌi Maromak latan beran baa Haꞌu tiꞌan, nebee Haꞌu ukun hotu-hotu iha laleꞌan no raiklaran.

Mateus 17:2

Toꞌo foho leten baa, sia titu-naree Yesus nakfilas. Niakaan oin naksinak hanesan loro. Niakaan tais moos dadi mutin molen.

Lia Raiklaran Falu Fila 1:8

Naꞌi Maromak dale naꞌak, “Haꞌu neꞌe, Alfa toꞌo Omega. Neꞌe naꞌak, Ulun toꞌo Ikun. Hotu-hotu huun baa Haꞌu, nosi huun toꞌo rohan. Haꞌu, mak iha kedan tiꞌan hori uluk. Haꞌu, mak iha baa oras neꞌe. Haꞌu moos, mak atu iha toꞌo nima-nimak. Tan Haꞌu kmesan dei, mak beran kaliuk!”

Mateus 22:29

Rona nola nunia, Yesus nataa naꞌak, “Kalo emi husu nunia, emi sala tiꞌan! Emi la hatene Hakerek Moon lia isin. Emi moos la hatene Naꞌi Maromak beran!