Rebaleisan - end blo ebriting 3:3 - Torres Strait Creole (Yumplatok)

³ Diskaintaim yupla mas gobaik po dem pas ting wanem yupla bin lisen ane mekem. Yupla mas bilib ane kese demwei strong. Bambai wen ai go kam wea yupla, yupla nogo sabe. Ai go kam wase stilaman.

Rebaleisan - end blo ebriting 3:3 交叉參考

Matiu tokbaut Zizas 25:13

‘So yupla lisen nau. Yupla mas ebritaim redi bikoz yupla no sabe wattaim da taim blo mi po kambaigen.’

Mak tokbaut Zizas 13:33

Lugaut. Ai wone yupla nau! Yupla mas meke wok blo mi solong yupla gobi redi po mi, bikoz yupla no sabe wattaim ai go kambaigen.

Mak tokbaut Zizas 13:36

I gobi nugud ip em go kambaigen ane kese yupla slip, bikoz nobodi sabe wattaim em go kam.

Namba 1 leta po Sos blo Tesalonika 5:2

Yumpla prapa no sabe wattaim da BosLod i go kambaigen. Em go kam seimkain wase stilaman wen stilaman i kam naittaim po stil. Yupla no sabe wattaim da man i go kam po stil.

Namba 1 leta po Timoti 6:20

Timoti, yu mas mina lugaut gud wanem God i bin gibem po yu. No tekenotis po dem pipol wea nugudtok blo dempla i no prapa soe rispekt po God ane wea wanem dempla i tisem i luk orait, bat truwan ai spik, i rong tising.

Namba 2 leta po Timoti 1:13

Mata kipe da wei blo da tru tising strong wea yu bin lisen mi tok. Ane mata kip bilib wea Zizas Kraist ane da lab wea i kam prom em.

Leta po Ibrupipol 2:1

Yumpla mas mata lisen prapa po wanem da tru tising i spik, bikoz ip yumpla no mekem, bambai yumpla i go drep go ausaid prom da truwei.

Namba 2 leta prom Pita 1:13

Wa, ai bilib ai go kip spik yupla demting antil dat dei ai go ded.

Namba 2 leta prom Pita 3:1

Mai labing amenpamle, diswan i da sekan leta blo mi wea ai bin sanem go po yupla. Wea dat pas leta ane dis nada leta nau, ai wande meke yupla po tingk gud klinwei ane po rimemba wanem ai bin raitem.

Namba 2 leta prom Pita 3:10

Da dei wen da BosLod i go kambaigen, i gobi wase stilaman i kam po stil wen nobodi sabe wattaim em go kam. Ane da skai i go pinis wea nadakain big kraknoiz ane paia. Ane ebridem samting wea da skai i go ban ane ebridem nadating ebriwea i go melt, i nogo gad nating lept.

Rebaleisan - end blo ebriting 16:15

Zizas i bin spik diskain, ‘Luk! Ai go kam wase stilaman wea i kam po stil. Nobodi sabe wattaim da stilaman i kam po stil! God i go blese demwan uda kip lisen ane weit po mi. Dempla mas kipe klos blo dempla redi po werem solong dempla nogo pil sem prom wagbaut neket prant lo pipol. So, yupla mas kip redi.’

Rebaleisan - end blo ebriting 2:25

Yupla mas mata stap strong wea datwei wea yupla gad antil ai go kambaigen.

Rebaleisan - end blo ebriting 2:5

Orait. Yupla luk ane tingbaik wiskain yupla bin stap lo mi wen yupla bin pas bilib lo mi. Nau yupla mas tan prom dem rabiswei blo yupla, ane yupla mas mekem wanem yupla bin mekem de pas. Bat ip yupla no mekem, ai go kam ane tekemaut dat gold lampstan prom yupla.

Rebaleisan - end blo ebriting 22:7

Nau Zizas em i spik diskain, ‘Yupla lisen gud. Ai go kambaigen sun. Ane ebri pipol wea ol i bin obei ebridem tok wea God em i gibem insaid lo dis buk ya, God go blese dempla.’

Rebaleisan - end blo ebriting 3:11

No longtaim, ai go kambaigen lo yupla. So yupla mas kesem strong dem gudwei wea yupla i gad, solong nobodi i go tekemaut dat nambawan praiz yupla i gad.

Rebaleisan - end blo ebriting 3:19

Ai tokstrong ane panse dempla po strete dempla, bikoz ai prapa labe dempla. So yupla mas trai prapa ad ane seinze dem apenap wei blo yupla.

Rebaleisan - end blo ebriting 3:2

Yupla mas weikap! Yupla mas meke dem lelbet ting lo laip ya blo yupla po kam strong, nomata dem nada pat i klosap po ded nau. Ai sabe ol dem wok blo yupla, i no stret prant lo God.