Rebaleisan - end blo ebriting 12:2 - Torres Strait Creole (Yumplatok)

² Dat oman em i bin pamle tu ane em i bin krai laudwan bikoz em i bin gad bigpein wase em klosap po bone beibi.

Rebaleisan - end blo ebriting 12:2 交叉參考

Matiu tokbaut Zizas 24:8

Bat demting wea i go apen, demwan i mata da stat blo da trabol de kam biain.

Zon tokbaut Zizas 16:21

Wa, oman i gad nadakain bigpein wen taim blo em po bone pikinini. Bat apta wen da beibi i bon, da oman i api nau. Em nomo pile pein nau bikoz em i nadakain api, sambodi laipwan i kamaut po dis wold.

Leta po Sos blo Galasia 4:19

Bat yupla, mai labing pikinini, dis wok ya wea ai mekem po yupla i meke mi pil pein wase oman uda i redi po bone beibi. Bat ai go stil meke dis wok antil Zizas Kraist i prapa insaid laip blo yupla.

Leta po Sos blo Galasia 4:27

Diswan wanem Aizaia i bin min wen em bin raitem: ‘Bi api Zarusalem, yu wase oman uda i no sabe bone pikinini. Stat singaut prapa nadakain apiwan, nomata yu no bin bone pikinini o kan gad pikinini. Dat oman Zarusalem, wea em kan bone pikinini, nau em go gad plenti pikinini, moden ol dem nada oman!’

Rebaleisan - end blo ebriting 12:4

Nau em bin yuze teil blo em po pulemaut wan terd blo dem sta, ane meke dempla ebriwan poldaun prom skai kamdaun po ert. Ane em bin kam ane stanap prant lo dat oman ane dat oman i bin redi nau po bone dat beibi. Dat dragan i bin weit po da beibi po bon redi po em go kaikai em.