WAFILIPI 4:15 - Biblia Ilagho Jiboie Kwa Wandu Wose

¹⁵ Inyo mmbeni Wafilipi mwamanya ingelo Ilagho Jiboie jerezoyagha, iji nerefumieghe Makedonia, ndekorekoghe na ikanisa jingi jerekoghe na wungara nani aighu ya kufunya na kuwusa, ela inyo muekeri;

WAFILIPI 4:15 交叉參考

2 WAZURI 5:16

Ela Elisha ukaghamba, “Naghema kwa Mlungu uko moyo, uo nimdumikiagha, sichaawusa kindo chingi anduangi.” Ukamshingira uwuse, ela ukalegha putu.

2 WAZURI 5:20

Gehazi, uja mdumiki wa mlodi Elisha ukaghamba, “Zighana bwana wapo wamlekeria uhu Naamani, Msiria ughende; hata vilambo wamredia wavilegha! Naghema kwa Mlungu uko moyo, nichamnugha nipate kilambo chimu kwake.”

MABONYO GHA WADUMI 16:40

Paulo na Sila wikafuma jela wikaghenda nyumbenyi kwa Lidia. Hata iji wawiwona wanidu, wikawikumba ngolo, na kughenda chia rawo.

WAROMA 15:26

Angu makanisa gha Makedonia na Akaya wereboiloghe kubonya mchango kwa wundu ghwa wakiwa wiko aghadi ya waeli aja Jerusalemu.

WAFILIPI 1:12

Nakunde mmanye wanidu, kukaia maza rerenipatireghe, rateserie nandighi kueresha ijo Ilagho Jiboie.

WAFILIPI 1:16

Awo wazima wabonya huwo kwa lukundo, wikimanya angu neewikwa aha nipate kujilindia ijo Ilagho Jiboie.

WAFILIPI 1:5

ngifunya chawucha kwa wundu ghwa wungara ghonyu aighu ya ijo Ilagho Jiboie, kufuma jija ituku ja imbiri hata idana.

WAFILIPI 1:7

Ni hachi ini kumririkanyira huwo inyo mmbose, kwa kukaia moko ngolonyi kwapo. Angu inyo mmbose moko wangara wa mvono andwamweri nani kwa kufungwa kwapo, na kwa kujidederia na kujimangisha ijo Ilagho Jiboie.

WAFILIPI 2:12

Kwa huwu wakundwa, sa iji koni msikiragha ngelo rose, kaienyi huwo koni hata idana; si iji niko aeni anduangi, ela kuchumba, hata ingelo niseko wori. Katishenyi kukia konyu mmbeni, kwa kuobua na kusughusika;