WAFILIPI 2:15 - Biblia Ilagho Jiboie Kwa Wandu Wose

¹⁵ mpate kukaia wandu mseghorwagha kiwiwi, hata kukaia na ikosa jingi anduangi; wana wa Mlungu msewadie iboli jingi, aghadi ya kivalwa chinonekie na cha kaung'a; mking'ala-ng'ala aghadi kwawo sa miengere wurumwengunyi.

WAFILIPI 2:15 交叉參考

ZABURI 122:5

Aho niko wazuri wa Israeli wiseagha kidombo kutanya wandu wawo.

KUFUMA 34:35

ukakaia ukifinikira wushu ghwake, angu wandu werekoghe wikiwona wushu ghwake ghuking'ala-ng'ala. Ukaghufinikira hata ituku wakawuya kudedanya na BWANA.

MAKATANISHO 4:18

Ela chia ya wahachi ni sa mwengere ghwa ndoe kuela; ghuchuriagha kung'ala-ng'ala hata dime ivike.

MAKATANISHO 8:8

Malagho ghose nidedagha ni gha hachi, ndeghina mikalo ingi hata ndeghilaghashagha.

ISAYA 60:1

Wuka ee Jerusalemu kung'ale-ng'ale, angu mwengere ghwako ghwameria kucha; na wubaa ghwa BWANA ghwameria kukaia aighu kwako.

DANIELI 6:4

Niko waja wabaa wawi na waja wabaa wazima wikawoka kulola ilagho jingi jedima kumshitakia Danieli kwa wundu ghwa kuwona seji Danieli wawuyaghenjesha wuzuri, ela ndewerepatireghe ilagho jingi hata ikosa jingi kwa Danieli, kwa kukaia orekoghe mloli.

MATHAYO 10:16

“Idana ini niamduma sa ng'ondi aghadi ya vikwau, mkaie na akili sa choka, na wa mboa sa mbughi.

MATHAYO 17:17

Jesu ukatumbulia, “Inyo kivalwa chisewadie irumirio, chilagharie; nichakaianya nenyo hata lii? Nicharumaghianya nenyo hata lii? Mredenyi uo mwana kwapo.”

MATHAYO 5:45

eri mpate kukaia wana wa Ndeyo onyu uko mlungunyi. Angu uo wadawilangalishira mwengere ghwa iruwa awo wiko wecha na wawiwi, na kuwinyeshera vua wahachi na wakaung'a wori.

MATHAYO 5:48

Kwa huwu mkaie wandu wikatie seji Ndeyo onyu uko mlungunyi, ukatie.

LUKA 1:6

Nawo wose werekoghe wandu wa hachi, wikighenda kwa kuiwadia Sharia na malaghiro gha Mlungu kuseko na ikosa jingi.

LUKA 6:35

Ela wikundenyi wamaiza wenyu, na kuwibonyera nicha; mkopeshe, ela msesuwirie kuwunjirwa kindo chingi; niko mafungu ghenyu ghichaakaia mabaa, sena mchakaia wana wa Uo-Uko-Aighu-Nandighi; angu uo moni ni mucha hata kwa awo wisewadie chawucha ingi na kwa wachoyo.

JOHANE 5:35

Johane orekoghe sa taa iakagha na kulangalishira mwengere, nenyo kwa ngelo vui morekoghe mkiboilwa kwa mwengere ghwake.

MABONYO GHA WADUMI 2:40

Na kwa malagho mazima mengi ukawishuhudia na kuwishashira ukighamba, “Mkukire mmbeni na kivalwa ichi chizamie.”

MABONYO GHA WADUMI 20:30

na wandu wamu wichawuka aghadi konyu mmbeni wighoragha tee, wipate kuwilaghasha awo wanughi wiwonewinugha.

WAROMA 16:19

Wandu wose waichi inyo ni wandu msikiragha, nani naboilwa kwa wundu ghonyu; ela nakunde mmanye ijo jiko icha jisewadie wukalo, na ijo jiko iwiwi wori.

1 WAKORINTHO 1:8

Uo uchamlindia inyo hata kutua, mpate kukaia msewadie ikosa jingi Ituku ja Bwana odu Jesu Kristo.

2 WAKORINTHO 6:17

Kwa huwo, fumenyi aghadi kwawo mtane nawo, waghamba Bwana; nenyo mseadade kindo chingi chiseelie; niko nichaamkaribisha.

WAEFESO 5:27

eri ukupatire moni ikanisa jighokie na ndighi, jisewadie iboli angu itiko jingi, hata ilagho jingi jifwane sa ijo anduangi; jielie, jiseko na kilema chingi.

WUKUMBUSO 32:5

Ela inyo mo wandu mseko waloli, msefwane kuwangwa wandu wake; mbari ya kaung'a ichue mikalo.

WAFILIPI 1:10

eri mpate kusaghua iro riboie kuchumba, na kukaia muelie msewadie ikosa jingi ijo Ituku ja Kristo,

WAFILIPI 3:6

kwa kufunga ndighi, nerejikorongieghe ikanisa; kunughana na hachi ipatikagha kwa Sharia, serekoghe na ikosa jingi anduangi.

1 WATHESALONIKE 5:23

Uo Mlungu moni wa sere, ndemueleshe inyo putu; roho renyu, na nia renyu, na mimbi yenyu; ikilindilwa nicha kuseko na ikosa jingi hata ngelo ya kucha kwake Bwana odu Jesu Kristo.

1 TIMOTHEO 3:10

Na awo wori ndewitimo kande; niko iji wawoneka kukaia wandu wisewadie ikosa jingi, widumike sa watesia wa ikanisa.

1 TIMOTHEO 3:2

Idana mzighaniri wa ikanisa ni suti ukaie usewadie ikosa jingi; ukaie mndwawomi wa muka umweri, udimagha kukumazira, uko na akili nicha, mundu wa ishima, ukaribishagha wandu, uichi kufundisha,

1 TIMOTHEO 5:14

Kwa wundu ugho, niawona waka wifuilo ni womi wawo wiko watini, wilowolo, wive wana, wiribonyere nguma nyumba rawo; wisechemneka mmaiza wulalo ghodisholia.

1 TIMOTHEO 5:20

Awo wibonyagha kaung'a kuwikemie imbiri ya wandu wose, eri wazima wiobuo.

1 TIMOTHEO 5:7

Kuwilaghire agha malagho, wipate kukaia wisewadie ikosa jingi.

TITO 1:6

Mghosi ukaie mundu usewadie ikosa jingi, mndwawomi wa muka umweri, uko na wana wirumiriagha, wiseghorwagha kwa maza rizamie kwa kulegha kusikira.

TITO 2:10

hata kuiwa-iwa, ela wiwonyere seji wiko waloli putu, eri wipate kwa maza rose kughirudia ishima mafundisho gha Mlungu Mkiri odu.

TITO 2:15

Ghora maza iri, shashira na kukania kwa nguma rose; mndungi usakekumenya.

WAEBRANIA 7:26

Niko koni erefwaneghe dipate Mkohani M'baa uko huwo; wa wueli, usewadie ikosa jingi, usene iboli, utanyiro na wakaung'a, na kujoswa ighu kuchumba milungunyi.

1 PETRO 2:12

Mkaie na tabia ndicha aghadi ya wandu wa mbari zima; eri wikakaghora aighu yenyu wei mo wabonyi kiwiwi, wiriwone kazi renyu riboie, na kumkasa Mlungu ijo Ituku uchagha.

1 PETRO 2:9

Ela inyo moko kivalwa chisaghulo, wukohani ghwa kiwuzuri, mbari ielie, wandu wa Mlungu tiki, msaghulo mpate kueresha malagho gha kazi ra Mlungu ra mashiniko; uo oremmbangieghe kufuma kirenyi, mpate kungia andenyi ya mwengere ghwake ghwa mashiniko.

2 PETRO 3:14

Kwa huwo wakundwa, angu mwawuyawesera maza iri, fungenyi ndighi, mkulo ni Mlungu wandu msewadie iboli hata ikosa jingi; mko na sere.

WUFUNUO 2:5

Idana kummbuka ni hao kughue kuhee kupate kubonya iro kazi ra imbiri. Si huwo, kusaahea, nichacha kwako na kuchiinja kinara chako cha taa andu kwaro.

WUFUNUO 3:9

Ola awo wandu wa sunagogi ya Shetani, wikuwangagha weni Wayahudi nawo wiseko Wayahudi wangi, ela wiakalia, nichawibonya wiche na kughoghoma andonyi maghunyi kwako, wipate kumanya angu ini nakukunde.