NEHEMIA 8:6 - Biblia Ilagho Jiboie Kwa Wandu Wose

⁶ Nao Ezra ukaghamba, “BWANA, uo Mlungu m'baa ndekaso!” Wandu wose wikarumiria “Amen! Amen!” wikiwusira mikonu yawo; wikadunga ngokoro wikatasa wikikughoghomesha, na mawushu ghawo ghikadunga andonyi.

NEHEMIA 8:6 交叉參考

KUZOYA 14:22

Ela Abramu ukamzera mzuri wa Sodoma, “Naghema kwa BWANA MLUNGU Uo-Uko-Aighu-Nandighi, muumbi mlungunyi na ndoenyi,

KUZOYA 24:26

Uja mdumiki ukaghoghomesha chongo chake, ukamtasa BWANA

1 MALAGHO GHA NGELO 16:36

BWANA, uo Mlungu wa Israeli ndekaso! Ndekaso kwa kala na kala! Niko wandu wose wikaghamba, “Amen!” nawo wikamkasa BWANA.

1 MALAGHO GHA NGELO 29:10

Mzuri Daudi ukamkasa BWANA imbiri ya ikwanyiko jose ukighamba, “Ee BWANA Mungu wa aba odu Israeli, kukaso kwa kala na kala!

1 MALAGHO GHA NGELO 29:20

Niko Daudi ukajizera ikwanyiko jose, “Mkasenyi BWANA Mlungu odu.” Na iwkanyiko jose jikamkasa BWANA Mlungu wa weke ndee, wikaghoghomesha vongo vawo, wikamtasa BWANA na kumneka ishima mzuri.

2 MALAGHO GHA NGELO 20:18

Niko Jehoshafati ukaghoghomesha chongo chake wushu ghwake ghukadunga andonyi, na wandu wose wa Juda na awo wikaiagha Jerusalemu wikaghwa andonyi imbiri ya BWANA, wikamtasa.

2 MALAGHO GHA NGELO 29:10

Idana naawuyawona nibonye ilaghano na BWANA, uo Mlungu wa Israeli; eri udiinjire machu ghake.

2 MALAGHO GHA NGELO 29:30

Mzuri Hezekia na wabaa wikawilaghira Walawi wimkase BWANA wikitumia malagho gha Daudi na mmboni Asafu. Wikabora makaso kwa kuboilwa, wikaghoghoma na kutasa.

2 MALAGHO GHA NGELO 6:4

Nao ukaghamba, “BWANA, uo Mlungu wa Israeli ndekaso, angu wakatisha kwa kudima kwake agho oremlaghirieghe aba Daudi kwa momu ghwake ukighamba,

NEHEMIA 5:13

Nanimoni wori ngaghughudua mkowa ghwapo ngaghamba, “Huwo niko Mlungu uchaamghughudua kula umu onyu usemaziraa ilaghiro jake. Mlungu uchawusa nyumba renyu na vilambo vose muko navo umsighe duu.” Na ikwanyiko jose jikadika, “Amen;” wikamkasa Mlungu. Vilongozi wikabonya seji werelaghirieghe.

NEHEMIA 8:7

Niko wikawuka na kukaia andu koni werekoghe, na Walawi winughagha wikawitesia kuelelwa ni Sharia: Jeshua, na Bani, na Sherebia, na Jamini, na Akubu, na Shabethai, na Hodia, na Maaseia, na Lekita, na Azaria, na Joisabadi, na Hanani na Pelia.

ZABURI 134:2

Wusirenyi mikonu yenyu Hekalunyi mkilomba, mumkase BWANA.

ZABURI 141:2

Wusa malombi ghapo sa marumba mecha, na kuwusira mikonu yapo kukaie sa kizongona cha nakenyi.

ZABURI 28:2

Sikira lwaka lwa kuvoya kwapo ngilomba wutesia; nawusira mikonu yapo, ngilangaya cha Hekalunyi yako ya Wueli.

ZABURI 41:13

BWANA uo Mlungu wa Israeli ndekaso, kwa kala hata kwa kala. Amen! Amen!

ZABURI 63:4

Kwa huwo nichakukasa ngelo rose niko moyo; nichaiwusira mikonu yapo, na kujiwangia irina jako.

ZABURI 95:3

Angu BWANA ni Mlungu m'baa, na Mzuri m'baa kuchumba milungu yose.

KUFUMA 12:27

Mchaghamba, ‘Ni kizongona cha Pasaka ya BWANA, kwa kukaia oreriidieghe nyumba ra wandu wa Israeli aja Misri, iji orebwaghagha Wamisri, ela isi ukadikira.’” Niko awo wandu wikaghoghomesha mawushu ghawo, wikatasa.

KUFUMA 4:31

Wandu wikarumiria; nawo iji wasikira wei BWANA wawichea wandu wa Israeli na angu wamerie kuwona seji wawuyakorongwa, wikaghoghomesha vongo vawo na kutasa.

JEREMIA 28:6

“Amen! BWANA ndebonye woruwo, ubonye malagho gha wulodi ghwako ghikaie gha loli; vilambo va Hekalu ya BWANA vipate kuwunjwa kufuma Babuloni chiaimweri na wandu wose widwalo wunyika.

KILILO CHA JEREMIA 3:41

Ndedirughuo ngolo redu cha kwa Mlungu uko mlungunyi dilombe huwu:

WALAWI 9:24

Modo ghukasea kufuma kwa BWANA, na kukora kizongona chekora na agho mavuda gherekoghe aighu ya madhabahu; hata iji wandu wose werewonieghe huwo, wikakema na kughwa andonyi kijimijimi.

MATHAYO 26:39

Nao ukaghenda imbiri katini, ukaghwa kiwushu-wushu ukalomba, “Aba ngera kudimika kikombe ichi cha wasi ndechiniide; ela isekaie seji nikundagha ini, ela ikaie seji kukundagha oho.”

MATHAYO 6:13

Kusakedikumba matimonyi, Ela kudikire na uja Mmbiwi.’

1 WAKORINTHO 14:16

Ikakaia si huwo-lee, kukafunya chawucha kwa roho, mundu mzima userumirie uchadikia wada “Amen” kwa uko kufunya chawucha kwako, ngera usemanyire agho kughoragha?

WAEFESO 1:3

Ndekaso uo Mlungu, Ndee wa Bwana odu Jesu Kristo, uo oredirasimieghe andenyi ya Kristo na kula irasimio ja kiroho cha mlungunyi.

1 TIMOTHEO 2:8

Niko nikunde angu womi wose wilombe kula andu, wikiwusira mikonu ielie, kuseko na machu angu kurashana kungi.

1 PETRO 1:3

Mlungu ndekaso, uo Ndee Bwana odu Jesu Kristo. Kwa wughoma ghwake m'baa, isi derevaloghe wuwishi, dipate kukaia na isuwirio jiko moyo kwa chia ya uko kuruka kwa Jesu Kristo kufuma kwa wafu;

WUFUNUO 7:11

Na weke malaika wose wikakaia mbai mbai ya icho kifumbi cha nguma, na mbai mbai ya awo waghosi, na iro nyamandu riko moyo inya; nawo wikaghwa kijimijimi imbiri ya icho kifumbi cha nguma, na kumtasa Mlungu