NEHEMIA 8:1 - Biblia Ilagho Jiboie Kwa Wandu Wose

¹ Ituku ja imbiri ja ugho mori, wandu wose wikakwanyika Jerusalemu andenyi wazenyi ya Mbenge ya Machi. Wikamkotia Ezra mkohani na mwalimu wa Sharia iyo BWANA orewinekieghe Israeli kwa mkonu ghwa Musa, urede icho chuo.

NEHEMIA 8:1 交叉參考

2 WAZURI 23:2

Mzuri ukajoka Hekalunyi andwamweri na wandu wose wa Juda na wa Jerusalemu na wakohani, na walodi, na wandu wose wa ighu na wa ndonyi, ukashoma chija chuo cherewonekieghe andenyi ya Hekalu wikisikira.

2 MALAGHO GHA NGELO 34:15

Niko Hilkia ukamzera muandiki Shafani, “Nawona chuo cha Sharia Hekalunyi;” ukamneka Shafani icho chuo.

2 MALAGHO GHA NGELO 34:30

Mzuri ukajoka Hekalunyi chiaimweri na wandu wose wa Juda, na awo wikaiagha Jerusalemu, na wakohani, na Walawi, wandu wose wabaa na watini; ukawishomia malagho gha icho chuo cha ilaghano cherekoghe chawonwa andenyi Hekalunyi.

EZRA 7:1

Nyuma ya miaka imu, ngelo Artashasta mzuri wa Pashia orekoghe ukibonya nguma, korekoghe na mundu uwangwaghwa Ezra mwana wa Seraia; wawae Azaria, wa Kichuku cha Hilkia,

EZRA 7:10

Uo Ezra orekoghe wapata ngolo ekufundisha Sharia ya BWANA, na kuikatisha, upate kufundisha malaghiro na mawonyero gha BWANA andenyi ya Israeli.

EZRA 7:11

Ihi ni barua iyo Mzuri Artashasta oremnekieghe Ezra, mkohani sena mwalimu wa Sharia; ufundishiro malaghiro gha BWANA na sharia rake kwa wundu ghwa wandu wa Israeli:

EZRA 7:6

Uo Ezra, orejokieghe Jerusalemu kufuma Babuloni. Orekoghe mwalimu wa Sharia ukufudishire sharia ya Musa loli-loli, iyo BWANA Mlungu oreifunyireghe; mzuri ukamneka vose orelombieghe angu orekoghe na irasimio ja BWANA Mlungu wake.

NEHEMIA 12:26

Wandu awa werekaieghe matuku gha Mkohani M'baa Joiakimu mwana wa Jeshua wawae Jehosadaki, na Nehemia m'baa wa isanga, na Ezra mkohani na mwalimu wa Sharia.

NEHEMIA 12:37

Wiendavika Mbenge ya Ndoria, wikajoka na viluwatiro vejoka cha muzi ghwa Daudi; wikaida ngome ya Daudi na kuwuya cha Mbenge ya Machi iichia cha mashariki ya muzi.

NEHEMIA 3:26

Pedaia mwana wa Peroshi oreaghieghe andu kumu cha mashariki kaavui na Mbenge ya Machi na mnara gholindia hekalu. (Aha ni andu kumu kwa muzi kuwangwagha Ofeli andu wadumiki wa Hekalu werekaiagha.)

NEHEMIA 8:16

Niko wandu wikaghenda na kughireda; wikakuaghia viwanda kula mundu aighu nyumbenyi kwake, na wazenyi, na waza ya hekalu, na waza ya wandu wose kaavui na andu kuwangwaghwa Mbenge ya Machi, na wazenyi kwa Mbenge ya Efraimu.

NEHEMIA 8:3

Nao ukaishoma sharia ahoeni wazenyi kaavui na Mbenge ya Machi kufuma nakesho hata dime ghadi, womi na waka na wose widimagha kutambukilwa wiko aeni. Wandu wose wikadegha madu kusikira malagho gha chuo cha Sharia.

ISAYA 8:20

Mchawitumbulia, “Sikirenyi mafundisho na wushuhuda ghwa BWANA, msewisikire awa wandu, kwa kukaia malagho wighoragha ndeghine mwengere.”

WALAWI 9:5

Niko wandu wikareda kula kilambo cherelaghiriloghe ni Musa imbiri ya Hema ekwania; ikwanyiko jose jikacha na kukaia kimusi imbiri ya BWANA.

MALAKI 4:4

“Kumbukenyi mafundisho gha mdumiki wapo Musa; sharia na memu neremnekieghe aja Mghondi ghwa Sinai kwa wundu ghwa wandu wose wa Israeli wipate kusikira.

MATHAYO 13:52

Nao ukawizera, “Niko huwu, kula mwalimu wa Sharia uwuyagha mnughi wa wuzuri ghwa mlungunyi, oofwanana na mundu wa nyumba, ufunyagha kwa mali rake vilambo viwishi na va kala.”

MATHAYO 23:13

“Ni bugha konyu inyo walimu wa Sharia na Mafarisayo, waji-kuwi! Angu mwaghurugha mnyango ghwa Wuzuri ghwa mlungunyi; inyo mmbeni ndemngiagha, na awo wikundagha kungia mwawighiria. [

MATHAYO 23:2

“Walimu wa Sharia na Mafarisayo niwo wabaa wefundisha Sharia ra Musa;

MATHAYO 23:34

Kwa huwu nichamdumia walodi na wandu wa hikima na walimu, ela wamu wawo mchawibwagha na kuwisulubisha, na wazima mchawikaba na viboko andenyi ya masunagogi ghenyu na kuwitirira muzi kwa muzi.

WUKUMBUSO 31:11

Muwishomie wandu wa Israeli wose iyo sharia wikisikira, ngelo wikwanyikagha imbiri ya BWANA Mlungu onyu andu uchaakusaghua wimtase.

WATANYI 20:1

Niko wandu wa Israeli wose wikafuma sa mundu umweri kufuma Dani hata Beer-sheba, chiaimweri na isanga ja Gileadi; ijo izungu jikakwanyika imbiri ya BWANA aho Mispa.

WATANYI 20:8

Nao wandu wikawuka kimusi sa mundu umweri wikighamba, “Mndungi odu ndewuyagha hemenyi angu nyumbenyi kwake.