NEHEMIA 7:1 - Biblia Ilagho Jiboie Kwa Wandu Wose

¹ Idana wurigha ghwameria kuaghwa sena, na mbenge kuwikwa; walindiri Hekalu wawikwa, wabori na Walawi wawikwa.

NEHEMIA 7:1 交叉參考

2 WAZURI 7:10

Niko wikacha wikawiwanga walindiri wa mbenge ya muzi, wikawighoria wikighamba, “Dereghendieghe kambinyi ya Wasiria, ela ndediwonie hata kusikira mndungi, ela deekua farasi rifungie, na punda na hema rasighwa kimusi sa iji koni riko.”

2 MALAGHO GHA NGELO 31:2

Hezekia ukawika vipughi va wakohani na Walawi, kula kipughi kwa ifungu kunughana na wudumiki ghwaro ghwa wukohani angu ghwa Walawi wipate kufunya vizongona vekora na va mapatano, kudumika mbengenyi ya Andu Kokaia kwa BWANA; kufunya chawucha na kubora makaso.

EZRA 3:8

Niko mori ghwa kawi, mwaka ghwa kawi nyuma ya kuwuya Jerusalemu andu Hekalu ya BWANA erekoghe, wikazoya kazi. Zerubabeli, Joshua, na waisanga wose, wakohani, na Walawi, hasa awo werewurieghe Jerusalemu kufuma wubarishonyi, wikangia kazinyi eagha. Walawi wose wa irika ja miaka mirongo iwi na kuchumba werebonyeroghe kukaia wazighaniri wa kazi eagha Hekalu sena.

NEHEMIA 10:39

Wandu wa Israeli na Walawi wichaghenja agho mafunyo gha viro, na divei, na mavuda andenyi ya stoo andu vilambo va Hekalu viwikwagha, andu nyumba ra wakohani wiko kazinyi, na ra walindiri wa Hekalu, na ra wabori rikaiagha. Na jingi ndedichaasigha kuitala nyumba ya Mlungu odu.

NEHEMIA 11:3

Wandu wamu wa Israeli, wakohani, Walawi, Wadumiki wa Hekalu na kivalwa cha wadumiki wa Solomoni werekaieghe aighu ya andu kwawo koni andenyi ya mizi yawo cheni. Awo winughagha ni vilongozi va isanga werekaieghe Jerusalemu:

NEHEMIA 12:24

Kunughana na wulongozi ghwa Hashabia, Sherebia, na Jeshua mwana wa Kadmieli, Walawi werewaghiloghe waruna mafungu awi, wimkaseghe na kumfunyiragha chawucha Mlungu kwa mazughe sa iji koni werelaghiriloghe ni Daudi uo mundu wa Mlungu.

NEHEMIA 6:1

Sanbalati, na Tobia, na Geshemu Muarabu, na wamaiza wedu wazima wikaghorelwa kukaia damerie kughuagha wurigha na ilanga jingi ndejisigharikie hata ngera derekoghe disengirie minyango ya mbengenyi ngelo rija.

NEHEMIA 6:15

Nyuma ya matuku mirongo misanu na awi gha kazi, wurigha ghose ghukamerelwa ituku ja mirongo iwi na isanu ja mori ghwa Eluli.

NEHEMIA 6:19

Wandu wedeeka wikija malagho mecha maduu gha Tobia imbiri yapo, na kumghenjera malagho ghapo. Niko Tobia oreniandikiagha barua reniturusa.