NEHEMIA 5:15 - Biblia Ilagho Jiboie Kwa Wandu Wose

¹⁵ Kula m'baa wa awo werekoghe imbiri yapo, werewidukishireghe wandu misigo ilemere, nawo werekoghe wikiwusa kufuma kwa wandu vindo na divei, kula na vibelele va feza mirongo ina. Hata wadumiki wawo werekoghe wikiwikoronga wandu. Ela ini serebonyagha huwo angu neremuobueghe Mlungu.

NEHEMIA 5:15 交叉參考

NEHEMIA 5:9

Niko ngaghamba, “Agho malagho mwawuyabonya ndeghiboie! Yafwane kughenda kwa kum'bonyera Mlungu ishima, eri mghirie wandu wa iro mbari zima, awo wiko wamaiza wedu wisediseke.

ISAYA 50:10

Nani aghadi konyu umuobuagha BWANA na kulusikira lwaka lwa mdumiki wake? Uo ughendagha kirenyi andu kuseko na mwengere, nderumirie irina ja BWANA na kukusaghika kwa Mlungu wake.

MAKATANISHO 16:6

Kwa chia ya lukundo na wuloli, kaung'a yalekelwa; kwa chia ekaia na kuobua kwa BWANA, mundu wawikwa kula na wuwiwi.

2 WAKORINTHO 11:9

Hata iji nerekwanyeghe nenyo, na kusowekelwa, seremlemerieghe mndungi anduangi; angu wanidu wa Makedonia werekoghe wikinineka ivo nerekoghe nikivikunda. Kwa huwo nerekulindirieghe ini moni sena nichakulindia; eri nisemlemere inyo kwa chia iyoyose.

MATHAYO 5:47

Sena mkawiroghua wanyinyu wiekeri, mwabonya ilaghoki ja kighenyi? Angu hata na wandu wisemwichi Mlungu wadabonya wokoni.

AYUBU 31:23

Kwa kukaia nerekoghe ngiobua ikabo ja Mlungu, seredimagha kubonya huwo anduangi.

2 WAKORINTHO 12:13

Ni ilaghoki mchumbilo najo ni makanisa mazima, iseeka ni ijo jeni ja ini kulegha kumlemera? Nifuyenyi wughoma kwa ikosa ijo.

MAKATANISHO 29:12

M'bonyi nguma ukasikiragha malagho gha tee, wabaa wake wa kazi wose wichawuya watee.

ZABURI 147:11

ela BWANA wadaboilwa ni wandu wimuobuagha, awo wilusuwiriagha lukundo lwake lukatie.

ZABURI 112:1

BWANA ndekaso! Warasimilwa mundu umuobuagha BWANA, na kuboilwa ni kuiwadia memu yake na ndighi.

1 SAMUELI 8:15

Uchakaia ukiwusa ifungu ja ikumi ja viro venyu, na ja zabibu renyu, uwineke wabaa wake wa kazi na wadumiki wake.

KUZOYA 20:11

Abrahamu ukamzera, “Nedeghesha wei wandu ndewimuobuagha Mlungu aha, nawo wichanibwagha kwa wundu ghwa muka wapo.

KUZOYA 42:18

Nao ituku ja kadadu Josefu ukawizera, “Ini namuobuagha Mlungu, bonyenyi huwu mpate kukaia moyo:

NEHEMIA 5:16

Nerekufunyireghe kwa ndighi rapo rose kughuagha wurigha sena; serelombieghe kilambo chingi. Kula mundu orebonyereghe kazi kwapo orengirieghe kazi eagha wurigha.

JEREMIA 32:9

“Ngaighua ija mbuwa iko Anathothi kufuma kwa wamii Hanameli, ngampimia vibelele va feza ikumi na mfungade.

KILILO CHA JEREMIA 5:8

Daawuyabonyerwa nguma ni wazumba, hata ndekuwadie mndungi odivuvua wisedibonyere nguma.