NEHEMIA 13:22 - Biblia Ilagho Jiboie Kwa Wandu Wose

²² Ngawilaghira Walawi wikueleshe weni, wichelindia mbenge, wipate kukaia na loli ituku ja Sabato jawikwa jielie. Kunikumbuke kwa wundu ghwa agha wori ee Mlungu wapo, na kuniwika nicha karakara na wubaa ghwa lukundo lwako lukatie.

NEHEMIA 13:22 交叉參考

2 WAZURI 20:3

“Nakulomba idana kunikumbuke ee BWANA, seji nighendie kwa wuloli imbiri kwako kwa ngolo yose, ngibonya agho ghikuboiagha;” Hezekia ukalila nandighi.

2 WAZURI 23:4

Niko Mzuri Josia ukamlaghira Mkohani M'baa Hilkia, na wakohani watini wake, na walindiri wa mbenge ya Hekalu, wifunye vilambo vose vingirilo Hekalunyi kwa wundu ghotasa Baali, na ghuja mlungu ghwa waka Ashera, na nyerinyeri; ukavikora shighadi ya Jerusalemu vololonyi ya Kidroni, na kudwa ivu jaro cha Betheli.

2 MALAGHO GHA NGELO 29:24

Wakohani wikaribwagha, wikafunya kizongona kwa wundu ghwa kaung'a kwa kudia bagha yaro aighu ya madhabahu, kukaia wupatanisho kwa wundu ghwa wandu wose wa Israeli. Angu mzuri orefunyireghe momu kukaia, kizongona chekora na kizongona kwa wundu ghwa mapatano chifunyo kwa wundu ghwa wandu wose wa Israeli.

2 MALAGHO GHA NGELO 29:27

Niko Hezekia ukafunya momu kizongona chekora chifunyo madhabahunyi. Hata iji kizongona chekora chazoya kufunywa, lumbo lom'boria BWANA lukawokwa kwa tarumbeta na vilambo vebora va Daudi uo mzuri wa Israeli.

2 MALAGHO GHA NGELO 29:30

Mzuri Hezekia na wabaa wikawilaghira Walawi wimkase BWANA wikitumia malagho gha Daudi na mmboni Asafu. Wikabora makaso kwa kuboilwa, wikaghoghoma na kutasa.

NEHEMIA 12:10

Jeshua orekoghe ndee wa Joiakimu, na Joiakimu orekoghe ndee wa Eliashibu, na Eliashibu orekoghe ndee wa Joiada,

NEHEMIA 12:30

Wakohani na Walawi wikakuelesha weni, na kuwielesha wandu, na mbenge ra wurigha.

NEHEMIA 13:14

Kunikumbuke ee Mlungu wapo, aighu ya maza iri kughitale mabonyo ghapo mecha nighibonyere kwa wundu ghwa Hekalu ya Mlungu wapo na kwa wundu ghwa wutasi ghwako.

NEHEMIA 13:31

Ngaboisa mipango ereda mafunyo gha mbande kwa ngelo yaro na mafunyo gha matunda gha imbiri. Kunikumbuke na kunibonyera mecha ee Mlungu wapo.

NEHEMIA 5:19

Kukumbuke wucha nibonyere kwa awa wandu ee Mlungu.

ZABURI 130:7

Ee Israeli, mrumirie BWANA, angu oko na lukundo lukatie nao toe wadakunda kukira.

ZABURI 5:7

Ela ini, kwa wundu ghwa wungi ghwa lukundo lwako lukatie, nichangia Hekalunyi kwako. Nichatasa ngiilangaya Hekalu yako ya wueli, ngikuneka ishima.

ZABURI 51:1

Kunifuye wughoma ee Mlungu, kunughana na lukundo lwako lukatie; kuniinjire makosa ghapo, kunughana na wungi ghwa wughoma ghwako.

ISAYA 38:3

ukighamba, “Nakulomba idana ee BWANA, kunikumbuke seji nighendie nicha imbiri kwako, kwa wuloli ghose, na kwa ngolo yose, ngibonya agho ghikuboiagha oho.” Hezekia ukalila nandighi.

ISAYA 49:23

Kuchachelwa ni wazuri sa weke ndeyo, na waka wawo wichakaia sa weke mayo. Wichakughoghomia na kudunga mawushu ghawo andonyi, nawo wichaleta teri ya maghunyi kwako. Niko aho oho kuchamanya angu ne BWANA, na kukaia, awo winiweseriagha niwitesie, ndewichaafushwa waya anduangi.”

ISAYA 55:7

uo mundu mmbiwi ndeisighe chia yake, na uo useko na hachi usighe maghesho ghake; ndemghalukie BWANA upate kufuilwa wughoma putu. Ndeghaluke cha kwa Mlungu odu, nao uchamfuya wughoma putu.

2 WAKORINTHO 1:12

Isi daawuyakukasa na ilagho iji: nia redu rawuyadishuhudia seji dikaie wurumwengunyi na kuchumba seji dikaianye nenyo kwa wueli, na wuloli ghwa Mlungu; hata si kwa hikima ya wurumwengu, ela kwa mvono ghwa Mlungu.

WUKUMBUSO 5:12

“‘Kujikumbuke ituku ja Sabato kujieleshe, sa iji koni ini BWANA Mlungu wako nerekulaghirieghe.