NEHEMIA 10:34 - Biblia Ilagho Jiboie Kwa Wandu Wose
34 Isi wandu, na wakohani, na Walawi dichakaba kura kula mwaka ewonyera ni kichuku chiao chichaafunya mbande kwa wundu ghwa vizongona vekorwa vifunywagha kwa BWANA Mlungu odu, sa iji sharia ikundagha.
Solomoni ukaduma malagho kwa Huramu mzuri wa Tiro kughamba, “Sa iji koni korebonyereghe kwa aba Daudi, kukamdumia misida eagha nyumba yake, kunibonyere wokoni.
Konyuma wikakaia wikifunya vizongona vekora vose va kari kose, mafunyo gha ituku ibaa ja Mori Lukombe, na ndima ra matuku seji riwikilo, na mafunyo gha kula mundu umfunyiragha BWANA kwa ngolo.
Vilongozi va wandu werekoghe wikikaia Jerusalemu, na wandu wazima wose wikakaba kura wipate kinyumba chimweri aghadi ya vinyumba ikumi vikaie Jerusalemu ugho muzi ghwa wueli, na vinyumba ikenda kwa ikumi wikaieghe andenyi ya mizi mizima.
Ela ituku jija, Joshua ukawibonya wazumba weshoa mbande na kudaya machi kwa wundu ghwa izungu ja wandu na madhabahu ya BWANA; nawo wadabonya huwo hata idime andenyi ya kula andu kuwikilo kotasa.