NEHEMIA 1:3 - Biblia Ilagho Jiboie Kwa Wandu Wose

³ Nawo wikanizera kukaia, wandu wisigharikie isangenyi wisebarishiro weko na wasi na kumenywa kubaa. Wurigha ghwa Jerusalemu ghwachikanyiro, na mbenge rawo rikakorwa.

NEHEMIA 1:3 交叉參考

1 WAZURI 9:7

niko nichawiinja wandu wapo Israeli isangenyi ijo nerewinekieghe, na iyo Hekalu nereiwikieghe wakfu kwa wundu ghonitasira nichaiinja niseiwoneghe. Wandu wa Israeli wichamenyeka na kuwuya wesekwa ni wandu wose.

2 WAZURI 25:10

Agho masikari gha Babuloni gherekwanyeghe nao, wikachikanya wurigha ghoremareghe muzi ghwa Jerusalemu.

2 MALAGHO GHA NGELO 36:19

Wikaikora Hekalu, na kughuchikanya wurigha ghwa Jerusalemu; wikakora ngome raro, na kunona vilambo vose va zoghori mbaa.

EZRA 2:1

Wandu wengi weredwaloghe wunyika wikafuma isanga ja Babuloni; wikawuya Jerusalemu na Juda kula mundu mzinyi kwake. Wandu wa nyumba rawo weredueghe wubarishonyi Babuloni kufuma Nebukadnezari wawidwa Babuloni sa wafungwa.

EZRA 5:8

Dereghendieghe isanga ja Juda ee mzuri, dikakua Hekalu ya uo Mlungu m'baa ikiaghwa na magho mabaa na mbau rawikilo wurighenyi. Kazi iyo yawuyabonywa kwa wuya m'baa, nayo yawuyaendelia nicha.

NEHEMIA 11:3

Wandu wamu wa Israeli, wakohani, Walawi, Wadumiki wa Hekalu na kivalwa cha wadumiki wa Solomoni werekaieghe aighu ya andu kwawo koni andenyi ya mizi yawo cheni. Awo winughagha ni vilongozi va isanga werekaieghe Jerusalemu:

NEHEMIA 2:13

Ngafuma nakio na kuidia Mbenge ya Vololonyi, chia ya magharibi; ngaida Kiriwa cha Choka cha kusinyi, hata kuvika Mbenge ya Wuchafu. Ngalawua seji wurigha ghuchikanyiro na mbenge kukorwa.

NEHEMIA 2:17

Niko ngawizera, “Mwawona wasi diko nagho, seji Jerusalemu ivuchukie, na mbenge raro rikorelo! Nndokonyi dighuaghe wurigha ghwa Jerusalemu diseduo na ughu waya.”

NEHEMIA 2:3

Ngamtumbulia mzuri, “Mzuri ndeduo moyo kwa kala! Nisowa wasi ingelo muzi aho weke wawa wirikilo ghuchikanyiro na mbenge raro kukorwa?”

NEHEMIA 7:6

Wandu wengi weredwaloghe wunyika werefumieghe isanga ja Babuloni; wikawuya Jerusalemu na Juda, kula mundu mzinyi kwake. Wandu wa nyumba rawo weredueghe wubarishonyi Babuloni kufuma Nebukadnezari wawidwa aho sa wafungwa.

ESTA 1:1

Matuku mzuri Ahasuero orekoghe ukibonya nguma, oreghibonyereghe nguma masanga ighana na mirongo iwi na mfungade; kufuma India hata Kushi.

ZABURI 79:4

Wandu wa mbari zima wiko mbai-mbai yedu waawuyadisholia; waawuyadimenya na kudiseka.

MAKATANISHO 25:28

Mundu usedimagha kukumazira moni, ni sa muzi ghusena wurigha.

ISAYA 43:28

Kwa huwo ngawiinjira ishima wabaa wa Andu kwa Wueli, ngamfunya Jakobo upate kutoteshwa putu, na Israeli upate kusholelwa.”

ISAYA 5:5

“Idana nichamghoria ijo nichaajibonya kwa mbuwa yapo ya mizabibu. Nichainja isanju japo na wurigha ghwaro, nayo ichajighwa ni nyamandu, na kuiwadia-wadia.

JEREMIA 24:9

Nichawiredia wuwiwi ghoobolwa ni mawuzuri ghose gha ndoenyi, wipate kukaia masholio, na wandu wetanilwa na kusekwa na kutumia irina jawo sa wandu wiwadilo ni njowe andu kose nichaawisasara ndoenyi.

JEREMIA 29:18

Nani nichawinugha kwa wuda na njala na saka izamie, na kuwibonya wishinikilo ni mawuzuri ghose ghiko ndoenyi; wiwuye wa njowe, weshinikilwa, wezomelwa, na wesholelwa andu uko kose nichaawighenja kwa mbari rose;

JEREMIA 39:8

Wababuloni wikaikora ngome ya mzuri, na nyumba ra wandu; wikaghuchikanya wurigha ghwa Jerusalemu.

JEREMIA 42:18

“BWANA wa majeshi, uo Mlungu wa Israeli waghamba huwu: ‘Sa iji koni machu ghapo na kubia kwapo korediriloghe aighu ya wandu werekoghe Jerusalemu, niko koni na machu ghapo ghichaadilwa konyu iji mwaghenda cha Misri. Mchawuya sa vilambo va kisha, wandu weshinikilwa, wandu wa njowe, na wandu wesekwa. Ndemchaajiwona iji isanga sena.’

JEREMIA 5:10

Jokenyi muitoteshe mizabibu yawo, ela mseitoteshe putu; injenyi mbashu raro, kwa kukaia si ra BWANA kungi.

JEREMIA 52:14

Na ijeshi jose ja Wababuloni jerekwanyeghe na m'baa wa walindiri, werechikanyireghe mawurigha ghose ghimarie Jerusalemu.

KILILO CHA JEREMIA 1:7

Wandu wa Jerusalemu wakumbuka kuboa kwa muzi ghwawo kwa kala ngelo wiko matirironyi. Ngelo werewadiloghe ni wamaiza, ndekorekoghe na mndungi owitesia. Wandu wiwisimie wikaseka kwa kughwa kwawo.

KILILO CHA JEREMIA 2:9

Mbenge raro reerikika, mirigho yaro ikaachika vipande vipande; mzuri na wandu wa ishima weebarishwa. Chuo cha Sharia ndechiwuefundishwa, na walodi ndewiwadie mafunuo ghangi kufuma kwa BWANA.

KILILO CHA JEREMIA 3:61

“Kwasikire wikinidukana ee BWANA; kwaichi njama rawo rose cha kwapo.

KILILO CHA JEREMIA 5:1

Kumbuka agho ghidipatire ee BWANA; zighana kuwone seji disowelo ishima.

WALAWI 26:31

Nichabonya mizi yenyu iwue maghacho, na kunona andu konyu kotasira; nani nichavilegha vizongona venyu.

WALAWI 26:33

Nani nichamredia wuda na kumsaghisa aghadi ya mbari zima. Isanga jenyu jichawuya kireti, na mizi yenyu ichawuya maghacho.