Mzuri ukawilaghira Wamisri ukighamba, “Kula mwana wa womi uchaavalwa kwa Waebrania, mumkumbe modenyi ghwa Naili, ela kula mwana wa waka mchamsigha ukaie moyo.”
Nao iji orekoghe ukighiririkanya malagho agho, malaika wa Bwana ukamfutukia kwa ndodo ukamzera, “Josefu mwana wa Daudi, kusakeobua kummbusa mkako Maria, angu kifu uko nacho ni kwa ndighi ra Roho Mweli.
Herode uendamanya angu awo wamanyi wa nyerinyeri wamkita, ukajokwa ni machu loli-loli. Ukafunya momu ghobwagha wana wa womi wose wiseidie miaka iwi wiko Bethlehemu na mbai-mbai yaro; kunughana na icho kimu oreghoreloghe ni awo wamanyi wa nyerinyeri.
Nao wikaghamba, “Kornelio, m'baa wa ijeshi, mundu wa hachi, umuobuagha Mlungu, uko na sare iboie kwa mbari yose ya Wayahudi; orezereloghe ni malaika mweli ukudumirie kughende nyumbenyi kwake, upate kusikira agho ghose kuchaaghora.”
Uja malaika oreghoragha nao uendamsigha, Kornelio ukawiwanga wadumiki wake wawi, andwamweri na asikari umu unughagha dini wa awa werekoghe wikimdumikia;
Niko Petro ukamanya ijo jabonyeka ukaghamba, “Idana namanya loli angu Bwana wamduma malaika wake, ukanivuvua kufuma mikonunyi kwa Herode, na kufuma kwa agho ghose Wayahudi werekoghe wikighisuwiria.”
Nao iji awo wakohani wiidukagha Sanduku ya Ilaghano ja BWANA wajoka kufuma Jordani, wiendawadia mbai na mbai ya moda, agho machi ghikachua na kudika dika sa iji koni gherekoghe.
ela uo muka ukanekwa mawawa awi gha indu mbaa, eri upate kuburuka cha kireti na kuikimbia iyo choka; andu uchaakaia ukilishwa kwa kimu, na vimu na nusu ya kimu.
Na iyo choka ikakurudua ifungu ja kadadu ja nyerinyeri kwa kikomba chake, na kurikumba andoenyi. Ikakaia kimusi imbiri ya uo muka orekoghe kaavui na kuva mwana; eri uo mwana ukavalwa, ipate kummila.
