MATHAYO 14:9 - Biblia Ilagho Jiboie Kwa Wandu Wose

⁹ Nao mzuri ukawawa ni ngolo, ela kwa wundu ghwa ijo ighemi jake, na kwa wundu ghwa waja werekoghe kidombo mezenyi, ukafunya momu uneko.

MATHAYO 14:9 交叉參考

MCHILI 5:2

Kusakededa kusepimie, hata kusebonye malaghiro kwa Mlungu shwa-shwa. Mlungu wadakaia mlungunyi, na oho kwadakaia ndoenyi; kwa huwo kusedede malagho mengi.

JEREMIA 44:25

BWANA wa majeshi, uo Mlungu wa Israeli waghamba huwu, “Inyo na waka wenyu mwamerie kughora worinyi kwa memu yenyu na kukatisha kwa mabonyo ghenyu, mkighamba mchakatisha maghemi ghenyu agho maghemi ghenyu moreghibonyereghe ghemfukira marumba Malkia wa Mlungunyi na kumdungia vizongona venyu venywa. Idana bonyenyi na kukatisha maghemi ghenyu.

MATHAYO 14:1

Ngelo iyo mzuri Herode ukasikira malagho gha Jesu.

MATHAYO 14:10

Niko Herode ukaduma mundu, Johane udumbulo chongo aho kifungonyi.

MATHAYO 14:5

Herode ukakunda kum'bwagha Johane, ela ukawiobua wandu angu weremrumirieghe Johane kukaia mlodi.

MATHAYO 14:8

Nao moni ukifundishwa ni mae ukaghamba, “Nineke idakoni aha sahaninyi chongo cha Johane M'baputizi.”

MARKO 6:14

Nao mzuri Herode ukasikira iro maza, angu irina ja Jesu jeremanyikieghe andu kose. Wandu wamu werekoghe wikighamba, “Johane M'baputizi waruka kufuma kwa wafu, na kwa wundu ughu, niko ndighi iri rawuyabonya kazi andenyi kwake.”

MARKO 6:20

Herode oremuobueghe Johane, ukimmanya angu oko mundu wa hachi, na mweli, ukamlindia. Hata ngera kuja kusikira machilo gha Johane koremkambirieghe chongo, ela sena orekoghe ukimsikiria kwa kuboilwa.

MARKO 6:26

Mzuri ukawawa ni ngolo loli-loli, ela kwa wundu ghwa jija ighemi jake, na kwa wundu ghwa waja waghenyi wake, ukalemwa ni kumuima.

LUKA 13:32

Nao ukawizera, “Ghendenyi mughuzere ghuja mzozo, ‘Ola idime na kesho niawinga pepo na kuboisa wakongo, na ituku ja kadadu, niameria kazi yapo.

WATANYI 11:39

Nao kutua kwa meri iwi, ukawuya kwa ndee, nao ukam'bonyera kara kara na ighemi jake orejibonyereghe, uo moni nderemmanyireghe mndwawomi ungi jingi. Ghukawuya ni mzango andenyi ya Israeli,

WATANYI 21:1

Idana wandu wa Israeli werebonyereghe ighemi aja Mispa huwu: “Mndungi odu ndefunyagha mwai wake ulowolo ni Wabenjamini.”

1 SAMUELI 14:24

Waisraeli wikasirimika kwa wundu ghwa njala ituku jija, kwa kukaia Sauli orewighemeshereghe wandu ukighamba, “Mndungi ukaja vindo nisemerie kulipa kisasi aighu ya wamaiza wapo hata luma lwa kenyi, uwado ni njowe.” Kwa huwo mndungi ndechetoa vindo ijo ituku.

1 SAMUELI 14:28

Nao mndumu ukamzera, “Nechi ndeyo waghemesha wandu wei Mndungi ukaja vindo idime, uwado ni njowe; na huwu wandu wasilwa nandighi.”

1 SAMUELI 25:22

Ngamsighiagha mndungi wa womi nisem'bwaghie ndoe isetambukie, Mlungu unibwaghe.”

1 SAMUELI 28:10

Ela Sauli ukam'bonyera ighemi kwa irina ja BWANA, “Naghema kwa BWANA uko moyo, ndekuchapatwa ni ilagho jingi.”