MATHAYO 12:4 - Biblia Ilagho Jiboie Kwa Wandu Wose

⁴ Uo na wambao werengirieghe andenyi ya nyumba ya Mlungu, wikaija mikate erefunyiroghe kwa Mlungu, nawo ndewerekoghe na rusa eja iyo mikate, angu yadajighwa ni Wakohani wiekeri.

MATHAYO 12:4 交叉參考

KUFUMA 25:30

Iyo meza ichawikwa imbiri ya sanduku ya ilaghano; na mkate ghufunyiro kwa wundu ghwapo ghuchawikwa aighu ya iyo meza ngelo rose.

WALAWI 8:31

Musa ukamzera Haruni na wana wake, “Dekenyi iro nyama aho mnyangonyi ghwa Hema ekwania, murije chiaimweri na ugho mkate ghuko kikapunyi ghwa mafunyo kwa wundu ghwa kuwika wakfu, sa iji koni neremnekieghe momu ngighamba, ‘Haruni na wana wake wichakaia wikija ivo vindo.’

MATHAYO 12:3

Jesu ukawitumbulia, “Wele jingi ndemshomie seji Daudi na wambao werebnyereghe iji weresikireghe njala?

MATHAYO 12:5

Angu welee, ndemshomie Sharienyi seji Wakohani wiichukanyagha Sabato Hekalunyi kula ituku ja Sabato, nawo ndewitalwagha kukaia na ikosa jingi?

MARKO 2:26

orengirieghe andenyi ya nyumba ya Mlungu, ukaja ija mikate erefunyiroghe kwa Mlungu, matuku gha Mkohani M'baa Abiathari; nayo yadarighidwa kujighwa ni mndungi, ela wakohani weni. Uo ukaija, sena ukawineka waja werekwanyeghe nao.”

LUKA 6:4

Orenighirieghe andenyi ya nyumba ya Mlungu ukawusa mikate erefunyiroghe kwa Mlungu, ukaija na kuwineka wandu wake. Nayo yadarighidwa kujighwa ni mndungi, ela wakohani weni.”

WAEBRANIA 9:2

Angu hema ereboisiroghe, iyo ya cha shighadi; na andenyi kwaro korekoghe na kilambo chewikiria taa, meza, na Mikate ifunyiro kwa Mlungu; nako kwadawangwa Andu kwa Wueli.

1 SAMUELI 21:4

Uja mkohani ukamtumbulia Daudi, “Siwadie mikate ingi mizima aha, ela mikate niko nayo ni ija ya wueli, kwadima kuiwusa ikakaia awo wadawana mkwanye wikuwikie weni kula na waka.”

1 SAMUELI 21:6

Niko mkohani ukamneka mikate ya wueli, kwa kukaia ndekorekoghe na mkate ghungi mzima ela iyo cheni mikate ifunyiro kwa Mlungu; nayo yamerie kuinjwa imbiri ya BWANA, eri mikate mizima ya modo ieleshero ipate kuwikwa; nyuma ya ija kuinjwa.