MATHAYO 12:2 - Biblia Ilagho Jiboie Kwa Wandu Wose

² Mafarisayo wiendawona agho, wikamzera Jesu, “Zighana wanughi wako seji wibonyagha maza risebonywagha ituku ja Sabato.”

MATHAYO 12:2 交叉參考

KUFUMA 23:12

“Kubonye kazi kwa matuku arandadu, ela ituku ja mfungade kusebonye kazi ingi, eri mzumba na mghenyi ukudumikiagha, hata na nyamandu rako wori ripate kuhora.

KUFUMA 35:2

Mchakaia mkibonya kazi renyu kwa matuku arandadu, ela ituku ja mfungade jichakaia jielie; ni ituku ja wueli; jitengelo kwa wundu ghwa BWANA. Mundu uo ose uchaabonya kazi ituku ijo uchabwaghwa.

ISAYA 58:13

BWANA waghamba, “Kukalindia mighendo yako kuseinonagha Sabato, na kukulindia kusenughe bea rako kwa ituku japo jielie, na kujiwanga ijo ituku ja Sabato jiboie ja wueli, na ituku ja BWANA ja ishima; kukajineka ishima na kulegha ghenda charo, kusebonyagha kazi angu kuja malagho gha duu,

MATHAYO 12:10

Na aho korekoghe na mndumu uko na mkonu ghukelemere. Wandu wikamkotia Jesu, “Welee, ni hachi kum'boisa mundu ituku ja Sabato?” Weremkotereghe agho eri wipate shekeria emshitakia.

MATHAYO 12:3

Jesu ukawitumbulia, “Wele jingi ndemshomie seji Daudi na wambao werebnyereghe iji weresikireghe njala?

MARKO 2:24

Mafarisayo wikamzera, “Zighana! Kwaki wibonyagha maza ririghidwagha kubonywa ituku ja Sabato?”

LUKA 14:3

na Jesu ukaghora na walimu wa Sharia na Mafarisayo ukighamba, “Welee, Sharia edu yarumiriagha kuboisa ituku ja Sabato anguwada?”

LUKA 23:56

Niko wikawuya kuboisa marumba na mavuda. Na ituku ja Sabato wikahora karakara na Sharia.

LUKA 6:2

Ela Mafarisayo wamu wikaghamba, “Kwaki m'bonyagha maza ririghidwagha kubonywa ituku ja sabato?”