MATHAYO 1:12 - Biblia Ilagho Jiboie Kwa Wandu Wose

¹² Nyuma ya Wayahudi kudwalwa wunyika noko cha Babuloni, Jekonia oremvaeghe Shealtieli; na Shealtieli ukamva Zerubabeli;

MATHAYO 1:12 交叉參考

2 WAZURI 24:14

Nebukadnezari orewidwaeghe wunyika wandu wose wa Jerusalemu sa wafungwa, wabaa wa wandu wose, na mang'oni gha wuda, wandu elfu ikumi; mafundi ghose ghewacha vilambo na ghechana vilambo; mndungi nderesigharikieghe, ela awo werekoghe wakiwa wichumbie isangenyi.

2 WAZURI 25:27

Mwaka ghwa mirongo idadu na mfungade ghwa Jehoiakini mzuri wa Juda kudwalwa wunyika, mori ghwa ikumi na iwi, ituku ja mirongo iwi na mfungade ja ugho mori, Evil-merodaki mzuri wa Babuloni oremfunyireghe Jehoiakini kifungonyi, ugho mwaka ghoni uzoe kubonya nguma.

1 MALAGHO GHA NGELO 3:17

Kivalwa cha Jehoiakini uo oredwaloghe wunyika ni: Shealtieli,

EZRA 3:2

Jeshua mwana wa Jehosadaki, chiaimweri na wakohani wambao, na Zerubabeli mwana wa Shealtieli chiaimweri na wakwawo, wikawuka na kuiagha madhabahu ya Mlungu wa Israeli ekoria vizongona aighu yaro, seji iandikilo sharienyi ya Musa mundu wa Mlungu.

EZRA 5:2

Niko Zerubabeli mwana wa Shealtieli na Jeshua mwana wa Jehosadaki wikawuya na kuzoya kuagha sena Hekalu iko Jerusalemu, na walodi waja wawi wikawitesia.

NEHEMIA 12:1

Agha nigho marina gha wakohani na Walawi werewurieghe kufuma wubarishonyi na Zerubabeli na mwana wa Shealtieli, na Mkohani M'baa Jeshua: Seraia, na Jeremia, na Ezra,

JEREMIA 22:24

BWANA waghamba, “Sa iji koni nikaiagha moyo, hata ngera Jehoiakini mwana wa Jehoiakimu, mzuri wa Juda odeeka sa pete ya muhuri chalenyi chapo cha mkonu ghwa kiwomi, nadamfunya noko

JEREMIA 22:28

Welee, umundu Jehoiakini waakaia sa nyungu imenyekie ibarikie, chombo chisetalwagha ni mndungi? Kwaki ukumbilo noko chiaimweri na wana wake cha isanga wisejiichi?

JEREMIA 22:30

BWANA waghamba huwu, “Kumuandike umundu sa usewadie mwana ungi; mundu usechaawona nicha kwa ilagho jingi, matuku ghake ghose; kwa kukaia ungi wa wuvalo ghwake ndechaadima kuseria kifumbi cha nguma cha Daudi, na kubonyera isanga ja Juda nguma.”

JEREMIA 27:20

ivo viseredwaloghe ni Nebukadnezari mzuri wa Babuloni, ingelo oremdwaeghe wunyika Jekonia mwana wa Jehoiakimu mzuri wa Juda kufuma Jerusalemu hata Babuloni, chiaimweri na wabaa wose wa Juda na Jerusalemu.

HAGAI 1:1

Mwaka ghwa kawi ghwa kubonya nguma kwa Mzuri Dario wa Pashia, ituku ja imbiri ja mori ghwa karandadu, BWANA oreghorieghe ukimtumia mlodi Hagai. Malagho ghedeeka aighu ya Zerubabeli mwana wa Shealtieli, m'baa wa Juda, na Mkohani m'baa Joshua mwana wa Jehosadaki.

HAGAI 1:12

Niko Zerubabeli na Joshua na wandu wose wiwurie kufuma wubarishonyi Babuloni, wikabonya seji BWANA Mlungu wawo oreghorieghe. Wereobueghe BWANA Mlungu na kumsikira mlodi Hagai mdumwa wa BWANA.

HAGAI 1:14

Nao BWANA ukawinyavura ngolo wandu wose wipate kubonya kazi ya Hekalu: Zerubabeli na Joshua na masighariko gha wandu wose wiwurie kufuma wubarishonyi. Wikawoka kazi eagha Hekalu ya BWANA Uwadie-Ndighi-Rose uo Mlungu wawo,

HAGAI 2:2

Ukamzera Hagai ughore na Zerubabeli m'baa wa isanga ja Juda, na Mkohani M'baa Joshua, na masighariko gha wandu wose wiwurie kufuma wubarishonyi huwu:

HAGAI 2:23

Ituku ijo ee Zerubabeli mwana wa Shealtieli, mdumiki wapo, nichakubonya oho kukaie mzuri kwa nguma yapo, kwa kukaia ni oho nikusaghue.” BWANA wa majeshi waghamba.

MATHAYO 1:11

Josia oremvaeghe Jekonia na waruna. Ngelo iyo erekoghe ya Wayahudi kudwalwa wunyika noko cha Babuloni.

MATHAYO 1:13

Zerubabeli oremvaeghe Abiudi, na Abiudi ukamva Eliakimu; na Eliakimu ukamva Azori.

MATHAYO 1:17

Kwa huwo, korekoghe na vivalwa ikumi na vina kufuma Abrahamu hata Daudi; na vivalwa ikumi na vina kufuma Daudi hata ija ngelo ya kudwalwa wunyika kwa Wayahudi noko cha Babuloni; na vivalwa ikumi na vina kufuma ija ngelo ya kudwalwa wunyika kwa Wayahudi hata ngelo ya Kristo.

LUKA 3:27

uo orekoghe mwana wa Johanani, mwana wa Resa, mwana wa Zerubabeli, mwana wa Shealtieli, mwana wa Neri,