JOSHUA 8:20 - Biblia Ilagho Jiboie Kwa Wandu Wose

²⁰ Wandu wa Ai wiendazighana na nyuma, wikawona ikungughu ja mosi jikijoka kufuma mzinyi, nawo wikasirilwa ni ndighi reghenda imbiri angu kuwuya nokonyuma, kwa kukaia wandu awo werekoghe wikikimbia cha kireti werewighalukieghe na kuwiwingisa.

JOSHUA 8:20 交叉參考

KUZOYA 19:28

ukazighana cha Sodoma na Gomora na isanga jose jerekoghe vololonyi, nao ola ukawona mosi ghukijoka mlungunyi kufuma ndoenyi sa ghwa iwiwi ibaa.

AYUBU 11:20

Ela wandu wichazighana wafwa ngolo; chia ekimbiria ichawilaghaya, wichamanya wori waakola wafwa.”

ZABURI 76:5

Mang'oni ghawo gherebwaghiloghe ghikasokwa vilambo vawo wereviwadieghe wudenyi; wandu wose wa wuda ndeweredimieghe kutumia ndighi rawo.

ISAYA 34:10

Modo ghwaro ndeghuchaarima nakio hata nadime; mosi ghwaro ghuchafukia kwa kala na kala. Isanga jichasighwa iduu, kivalwa hata kivalwa; mndungi ndeechaaida aho kwa kala na kala.

JOSHUA 8:19

Na awo wandu werekuvisireghe wikafuma shwa-shwa andu werekoghe. Nyuma ya Joshua kughorua mkonu ghwake, wikakimbia wikangia mzinyi na kughuwada; wikaghukora ugho muzi shwa wori.

JOSHUA 8:21

Hata iji Joshua na Waisraeli wose wawona angu awo wandu werekuvisireghe wameria kughuwada muzi, na mosi ghukifukia nokoighu, wikaghaluka nanyuma na kuwibwagha wandu wa Ai.

WUFUNUO 18:9

Na awo wazuri wa ndoenyi werekoghe wikilaka na kubonya wumalaya nao, wichamlilia na kukema mchungu iji waghuwona mosi ghwa modo ghumkoragha;

WUFUNUO 19:3

Nao wikaghamba sena, “Mlungu ndekaso! Mosi ghwa modo ghukorie ijo ilaya ghwawuyafukia nokoighu kwa kala na kala.”

WATANYI 20:38

Idana alama erewikiloghe aghadi ya Waisraeli na waja wandu werekuvisireghe erekoghe huwu: iji wawona mosi m'baa ghukijoka aighu ya ugho muzi,

WATANYI 20:40

Ela iji alama ya mosi yazoya kuwoneka andenyi ya muzi, Wabenjamini wikazighana na nyuma wikawona muzi ghose ghukihia na mosi ghukijoka nokoighu.

WATANYI 20:41

Niko wandu wa Israeli wikawighalukia, na Wabenjamini wikafwa ngolo; kwa kukaia werewonieghe angu wachelwa ni mashaka.