JOSHUA 7:6 - Biblia Ilagho Jiboie Kwa Wandu Wose

⁶ Nao Joshua andwamweri na vilongozi va Israeli wikarashua nguwo rawo kwa wasi, wikaghwa kiwushu-wushu imbiri ya Sanduku ya Ilaghano, wikakudunga teri vongonyi kwawo na kuwonyera wasi ghwawo, na kulala aho hata luma lwa kenyi.

JOSHUA 7:6 交叉參考

KUZOYA 37:29

Nao iji Reubeni orewurieghe kinenyi na kumsowa Josefu, ukarashua nguwo rake kwa wasi,

KUZOYA 37:34

Nao Jakobo ukarashua nguwo rake kwa wasi, ukarwa nguwo ya igunia kiwonunyi kwake, na kumlilia mwana wake kwa matuku mengi.

2 SAMUELI 1:11

Niko Daudi na wandu wose werekwanyeghe nao wikarashua nguwo rawo kuwonyera wasi.

2 SAMUELI 1:12

Wikalila na kudikwa ni mbori, wikafunga tumu hata luma lwa kenyi kwa wundu ghwa Sauli na mwana wake Jonathani, na kwa wundu ghwa ijeshi ja BWANA, na wandu wa Israeli wibwaghilo kwa lufu.

2 SAMUELI 1:2

Ituku ja kadadu, mndumu ukacha kufuma kambinyi ya Sauli, wameria kurashua nguwo rake na kukudunga ndoe chongonyi kwake kuwonyera wasi. Hata iji wacha kwa Daudi, ukaghwa na kudunga chongo chake andonyi kwa ishima.

2 SAMUELI 12:16

Daudi ukakaia ukimvoya Mlungu kwa wundu ghwa uja mwana; ukangia chumbenyi, ukakaia ukilala andonyi na kufunga tumu kula kio.

2 SAMUELI 13:19

Tamari ukakudunga ivu chongonyi, ukarashua jija irinda jake ilacha orejirwaeghe, ukaduka mikonu yake chongo, ukaghenda ukikema na kulila.

2 SAMUELI 13:31

Nao mzuri ukawuka kimusi ukarashua nguwo rake, ukalala andonyi; wadumiki wose awa orekwanyeghe nawo, wokoni wikarashua nguwo rawo.

2 WAZURI 22:11

Nao iji mzuri wasikira malagho gha icho chuo cha sharia, ukarashua nguwo rake.

2 MALAGHO GHA NGELO 34:19

Mzuri uendasikira malagho gha Sharia, ukarashua nguwo rake.

EZRA 10:1

Nao iji Ezra orekoghe ukilomba na kuhea, ukilila na kughwa imbiri ya Hekalu, izungu ibaa ja wandu wa Israeli womi na waka na wanake, wikamkwanyikia wikilila nandighi kwa kuwawa.

NEHEMIA 9:1

Ituku ja mori mirongo iwi na inya ja ugho mori ghoni, wandu wa Israeli wikakwanyika kufunga tumu kwa wundu ghwa kaung'a rawo. Wikakudunga teri vongonyi kwawo, na kurwa nguwo ra magunia kuwonyera wasi.

ESTA 4:1

Nao iji Mordekai warimanya iro maza, ukarashua nguwo rake, ukarwa nguwo ya igunia na kukudunga ivu. Ukaida ghadi na ghadi ya muzi ukilila kwa lwaka na kuwawa kubaa.

ESTA 4:3

Itangazo ja mzuri jiendamanyika masanga ghose, chikakaia kililo kibaa kwa Wayahudi wose. Wose wikalila wikisirimika, wikafunga tumu, wikilila na kukema mchungu, na wengi wawo wikirwa nguwo ra magunia na kulala maivunyi.

AYUBU 1:20

Ayubu ukawuka, ukarashua nguwo yake kwa wasi, ukaara iridia jake ukaghwa andonyi ukatasa.

AYUBU 2:12

Iji wammbona wiko kakula, ndeweremmanyireghe. Wiendammanya, wikazoya kukema na kulila; wikarashua majoho ghawo kwa wasi, wikamicha teri nokoighu na kukudunga vongonyi kwawo.

AYUBU 42:6

Nakumenya ini moni, na kuhea ngisea kidombo aterinyi na ivunyi.”

KILILO CHA JEREMIA 2:10

Waghosi wa Jerusalemu wasea kidombo kwawo, na kurwa nguro ra magunia kwa wasi. Wai waghoghomesha vongo vawo andonyi.

MITALO 14:6

Joshua mwana wa Nuni, na Kalebu mwana wa Jefune, awo wereghendanyeghe na waja wandu wereghendieghe kujizighana isanga, wikarashua nguwo rawo;

MITALO 16:22

Musa na Haruni wikaghwa kijimijimi wikaghamba, “Ee Mlungu, kuko Mlungu wa roho ra mimbi yose, wele mundu umweri ukakosa, kuajibonyera machu izungu jose?”

MITALO 16:45

“Injikenyi izungunyi ja awo wandu nipate kuwimeria shwa wori.” Nao wikaghwa kijimijimi hata mawushu ghawo ghikadunga andonyi.

MABONYO GHA WADUMI 14:14

Ela iji wadumi Barnaba na Paulo, weresikireghe ilagho ijo, wikarashua nguwo rawo wikafuma izungunyi na iseghe wikighamba,

JOSHUA 7:7

Joshua ukaghamba, “Ai, e BWANA Mlungu, kwaki korewiredagha awa wandu kukawiruwusa Jordani eri kupate kuwifunya mikonunyi kwa Waamori widitoteshe; si baa derekaiagha kimonu cha Jordani!

WUFUNUO 18:19

Hata iji werekoghe wikilila na kukema mchungu, wikakudunga teri vongonyi kwawo wikighamba, “Weei! Wee ngai Babuloni ghuja muzi m'baa! Andu wandu wose werekoghe na meli baharinyi, wereshamieghe kwa mali rake! Na kwa saa imweri ghwameria kusia putu!

WATANYI 11:35

Hata iji oremmbonieghe, ukarashua nguwo rake ukighamba, “Wei ngai mwana wapo! Kwaniredia wasi na mashaka mabaa aighu yapo; kwa kukaia nam'bonyera BWANA ighemi, nani sidimagha kuwuya nanyuma kwa ighemi japo.”

WATANYI 20:23

Wandu wa Israeli wikajoka na kumlilia BWANA hata luma lwa nakenyi; wikamkotia BWANA, “Disoghoda sena dipate kulwa na wanidu awo Wabenjamini?” BWANA ukawizera, “Wijokienyi mpate kulwa nawo.”

WATANYI 20:26

Niko masikari ghose gha wandu wa Israeli wikajoka hata Betheli na kulila. Wikasea kidombo imbiri ya BWANA na kufunga tumu hata luma lwa kenyi; wikamfunyira BWANA vizongona vekora na vizongona va mapatano.

WATANYI 21:2

Niko awo wandu wa Israeli wikaghenda Betheli na kusea kidombo imbiri ya Mlungu hata luma lwa kenyi. Wikakema na kulila kwa kuwawa wikighamba,

1 SAMUELI 4:12

Nao mndumu wa kivalwa cha Benjamini ukakimbia kufuma wudenyi, ukaghenda na kuvika Shilo ijo ituku jeni; orekoghe warashua nguwo rake na kukudunga ndoe ra chongo kwa wasi.