JOSHUA 5:14 - Biblia Ilagho Jiboie Kwa Wandu Wose

¹⁴ Uja mundu ukamtumbulia, “Hata. Ini nacha, ne m'baa wa majeshi gha BWANA.” Nao Joshua ukaghwa kiwushu-wushu na kudunga chongo chake andonyi. Ukatasa ukighamba, “Bwana wapo wakunde ini mdumiki wake nibonye wada?”

JOSHUA 5:14 交叉參考

KUZOYA 17:17

Niko Abrahamu ukaghwa kiwushu-wushu, ukaseka ukaghamba ngolonyi kwake, “Mundu wa miaka ighana wadima kuva mwana? Sara wa miaka mirongo ikenda uchava mwana?”

KUZOYA 17:3

Abramu ukaghwa kiwushu-wushu na Mlungu ukamzera,

2 SAMUELI 7:19

Nao sena ee Bwana MLUNGU, kukawona agho ni matini, kukachuria kulaghira kukaia kuchaniaghia ini mdumiki wako nyumba matuku ghichagha; sena kwaja malagho gha kivalwa chake chichagha ee Bwana MLUNGU!

2 SAMUELI 7:20

Da ni ilaghoki jichumbagha ini Daudi nidimagha kukuzera? Angu oho kwaniichi ini mdumiki wako ee Bwana MLUNGU!

ZABURI 110:1

BWANA oremzerieghe bwana wapo, “Sea kidombo chia ya mkonu ghwapo ghwa kiwomi, hata niwibonye wamaiza wako wikaie aisi ya maghu ghako.”

ZABURI 24:10

Uo Mzuri wa wubaa nani? BWANA wa majeshi nuo Mzuri wa wubaa.

KUFUMA 4:10

Ela Musa ukaghamba, “Ee, BWANA, wapo, ini siichi kudeda, hata sidimie kudeda nicha kufuma kwazoya kughora nani mdumiki wako; nadadeda mboa mboa, sena nadaghughumia.”

KUFUMA 4:13

Musa ukaghamba, “Ee BWANA wapo, nakulomba kudume mundu mzima.”

ISAYA 55:4

Olenyi nam'bonyere ukaie wushuhuda kwa wandu, kilongozi na m'baa wa wandu.

ISAYA 6:8

Ngasikira lwaka lwa BWANA lukighamba, “Nimduma ani; nani ukufunyagha kughenda kwa wundu ghodu?” Niko ngaghamba, “Neko aha, nidume ini.”

EZEKIELI 3:23

Nao ngawuka na kusea cha kirindinyi; ngawona wubaa ghwa BWANA aho, sa iji nereghuwonieghe kaavui na Moda ghwa Kebari, ngaghwa kiwushu-wushu.

DANIELI 10:13

M'baa wa wuzuri ghwa Pashia wanitangalie kwa matuku mirongo iwi na jimweri. Ela Mikaeli, umu wa waja weke malaika wabaa, ukacha kunitesia; kwa kukaia nedesighwa niekeri na uo m'baa wa wuzuri ghwa Pashia.

DANIELI 10:21

Ndekuwadie mndungi unitesiagha, ela Mikaeli uo malaika onyu. Idana nichakumanyisha agho ghiandikilo andenyi ya Chuo cha Loli.

DANIELI 12:1

“Ngelo iyo, Mikaeli uo malaika m'baa uwizighanagha wandu wako uchawuka. Ichakaia ni ngelo ya wasi jingi ghusewonekie kufuma mbari yazoya kukaia, hata iyo ngelo. Ela ngelo iyo, wandu wako awo marina ghawo ghiandikilo andenyi ya chuo cha Mlungu, wichakirwa.

DANIELI 8:11

Lukakushabua na kukujosa loni aighu ya m'baa wa agho majeshi; na kughiria usefunyiro vizongona vekora va ituku ituku na Hekalu yake ikachikanywa.

WALAWI 9:24

Modo ghukasea kufuma kwa BWANA, na kukora kizongona chekora na agho mavuda gherekoghe aighu ya madhabahu; hata iji wandu wose werewonieghe huwo, wikakema na kughwa andonyi kijimijimi.

MITALO 16:22

Musa na Haruni wikaghwa kijimijimi wikaghamba, “Ee Mlungu, kuko Mlungu wa roho ra mimbi yose, wele mundu umweri ukakosa, kuajibonyera machu izungu jose?”

MITALO 16:45

“Injikenyi izungunyi ja awo wandu nipate kuwimeria shwa wori.” Nao wikaghwa kijimijimi hata mawushu ghawo ghikadunga andonyi.

MITALO 22:31

Niko BWANA ukamtambua Balaamu meso, nao ukammbona malaika wa BWANA uko kimusi chienyi wawadia lufu udeme; Balaamu ukaghwa kiwushu-wushu.

MATHAYO 22:44

‘Bwana oremzerieghe Bwana wapo; sea kidombo kwa mkonu ghwapo ghwa kiwomi hata niwiwike wamaiza wako aisi maghunyi kwako.’

MATHAYO 8:2

Nao mundu umu uko na sima ukamchea, ukamdungia ngokoro ukighamba, “Bwana ngera kwakunda, kwadima kunielesha.”

LUKA 1:43

Kwaki nanekwa ilagho iji, ja kuchelwa ni mae Bwana wapo?

LUKA 20:42

Angu Daudi moni waghora kwa chuo cha Zaburi: ‘Bwana oremzerieghe Bwana wapo, sea kidombo chia ya mkonu ghwapo ghwa kiwomi;

LUKA 5:12

Nao iji Jesu orekoghe muzi ghumu, ukacha mundu uchue sima; hata iji wammbona Jesu ukaghwa kiwushu wushu imbiri kwake ukamvoya ukimzera, “Bwana, ngera kwakunda kwadima kunielesha.”

JOHANE 20:28

Nao Tomasi ukamtumbulia, “Bwana wapo, na Mlungu wapo!”

MABONYO GHA WADUMI 9:6

ela wuka kungie mzinyi, na oho kuchaghorelwa agho kuchaabonya.”

WAFILIPI 3:8

Nani loli navitala vilambo vose kukaia hasara kwa wundu ghwa ijo ilagho ibaa ja kummanya Kristo Jesu Bwana wapo; kwa wundu ghwake uo, nadaghie vilambo vose ngivitala sa mavi, eri nimpate Kristo.

WAEBRANIA 2:10

Angu erefwaneghe, Mlungu uo uumbie vilambo vose, sena kwa chia yake vikakaia, umkatishe Jesu kwa chia ya matiriro, eri upate kuwireda wana wengi wingie kwa wubaa ghwake. Angu Jesu nuo kilongozi cha kukia kwawo.

JOSHUA 20:1

Niko BWANA ukamzera Joshua,

WUFUNUO 12:7

Niko wuda ghukabuka mlungunyi, Mikaeli na weke malaika wake wikilwa na iyo choka, na iyo choka ikalwa chiaimweri na weke malaika wake;