JOSHUA 2:6 - Biblia Ilagho Jiboie Kwa Wandu Wose

⁶ Ela Rahabu orekoghe wawijosa awo wandu gorofenyi na kuwivisa aisi ya miringodi ya kitani oreiwikieghe aho.

JOSHUA 2:6 交叉參考

2 SAMUELI 11:2

Ituku jimu luma lwa kenyi, Daudi ukawuka kufuma wulinyi kwake, ukakaia ukisela-sela aighu ya dari ya ngome yake. Nao ukisela aighu darinyi, ukammbona muka umu ukikuoghosha; muka uo orekoghe ughokie nandighi.

2 SAMUELI 17:19

Uja mundu mkake ukafinikira momu ghwa icho kisima na kusasara viro aighu yaro mndungi usemanyire.

1 WAZURI 18:13

Wele bwana wapo, ndekughorelo jingi seji ini mdumiki wako nerebonyereghe ingelo Jezebeli orekoghe ukiwibwagha walodi wa BWANA; seji nerewivisireghe walodi wa BWANA ighana jimweri, ngawivisa mbangenyi mirongo-misanu mirongo-misanu, na kuwijisha vindo na machi?

1 WAZURI 18:4

hata iji Jezebeli orekoghe ukiwibwagha walodi wa BWANA, Obadia orewivisireghe walodi ighana mbangenyi kwa kuwiwagha vipughi viwi va mirongo-misanu mirongo-misanu; ukakaia ukiwineka vindo na machi.)

2 WAZURI 11:2

Ela Jehosheba, mwai wa Mzuri Joramu, nao ni mruna Ahazia, ukammbwada Joashi mwana wa Ahazia ukamwinja aghadi ya wana wa wazuri wawikwa tayari kubwaghwa, ukamvisa andenyi ya chumba chake chiaimweri na mleli wake. Kwa chia iyo ukamvisa usewono ni Athalia uchebwaghwa.

KUFUMA 2:2

Uo muka ukapata kifu, ukava mwana wa womi; hata iji oremmbonieghe mwana uo kukaia ughokie, ukamvisa meri idadu.

JEREMIA 36:26

Nao mzuri ukafunya momu kwa mwana wake Jerahimeeli, na Seraia mwana wa Azrieli, na Shelemia, mwana wa Abdeeli, winiwade chiaimweri na uja muandiki Baruku, ela BWANA ukadivisa.

MATHAYO 24:17

na uo uko aighu nyumbenyi usakesea kuwusa ivo vilambo viko nyumbenyi kwake;

WUKUMBUSO 22:8

“Kukaagha nyumba mbishi, kubonye wuriga mbai-mbai ya ipaa; eri mndungi ukapotoka na kufwa, bagha yake isekotelo kwako.

WAKOLOSAI 3:3

Angu mwafue, na irangi jenyu javisiro andwamweri na Kristo kwa Mlungu.

WAEBRANIA 11:23

Kwa irumirio, Musa uendavalwa, orevisiroghe meri idadu ni wavi wake, angu werewonieghe seji uo mwana ughokie, hata ndewicheobua momu ghwa mzuri anduangi.

JAKOBO 2:25

Na Rahabu wori jija ilaya, ndedetalwa kukaia na hachi kwa mabonyo wokoni iji orewikaribishireghe waja wadumwa, na kuwifunya shighadi kwa chia zima angu wada?

JOSHUA 2:5

na ngelo mbenge yakarughwa nakio, wikafuma wikaghenda, nani simanyire andu waghenda anduangi. Winughenyi shwa-shwa, muwiwade.”

JOSHUA 2:7

Waja wandu wa mzuri wikafuma, na mbenge ikarughwa. Wikawinugha awo wandu cha Jordani hata kiruwukonyi.

JOSHUA 2:8

Ela imbiri awo wandu wiselale, Rahabu ukawighendia aho gorofenyi,

JOSHUA 6:25

Ela Joshua ukamkira Rahabu jija ilaya, ukaie moyo chiaimweri na ndee, na kichuku chake chose; nao ukakaia andenyi ya Israeli hata linu, angu orewivisireghe awo washeki weredumiloghe ni Joshua kughuzighana muzi ghwa Jeriko.