JOSHUA 2:1 - Biblia Ilagho Jiboie Kwa Wandu Wose

¹ Niko Joshua mwana wa Nuni ukaduma washeki wawi kufuma kambi ya Shitimu, kuzighana isanga ja Kanaani kwa kiviso, na kuchumba, ugho muzi ghwa Jeriko. Wikangia muzi ghwa Jeriko, wikalala nyumbenyi kwa ilaya jimu jiwangwagha Rahabu.

JOSHUA 2:1 交叉參考

KUZOYA 42:16

Mdumenyi umu onyu umrede uo mtini onyu, na inyo wazima wose mchasigharika kifungonyi, malagho ghenyu ghipate kuzighanwa na kumanyika ngera moko wandu wa hachi, angu ngera si huwo, kwa irina ja mzuri, inyo mo washeki.”

KUZOYA 42:9

Nao Josefu ukarikumbuka rija ndodo orelodieghe aighu yawo ukawizera, “Inyo mo washeki, mwaacha kughuzighana wunyonge ghwa isanga.”

MIKA 6:5

Ririkanyenyi ee wandu wapo, seji Balaki mzuri wa Moabu orem'bonyereghe mpango, na seji Baalamu mwana wa Beori oremtumbulieghe. Ririkanyenyi seji maza rerebonyekieghe kufuma Shitimu hata Gilgali; mpate kumanya kukaia nedebonya huwo nipate kumkira.”

MITALO 13:1

Nao BWANA ukamzera Musa,

MITALO 13:2

“Duma wandu wiendezighana isanga ja Kanaani, ijo niwinekagha wandu wa Israeli. Kudume mundu umweri kufuma kwa kula kichuku, uko kilongozi aghadi yawo.”

MITALO 25:1

Nao iji wandu wa Israeli werekoghe wikikaia Shitimu, wandu wikazoya kulaka aja Moabu.

MITALO 33:49

Weredungieghe kambi kaavui na Jordani kufuma Beth-Jeshimothi hata kuvika Abel-shitimu kirindinyi cha Moabu.

MATHAYO 1:5

Salmoni oremvaeghe Boazi (mae orekoghe Rahabu), Boazi na Ruthu wikamva Obedi, na Obedi ukamva Jese;

MATHAYO 10:16

“Idana ini niamduma sa ng'ondi aghadi ya vikwau, mkaie na akili sa choka, na wa mboa sa mbughi.

WAEFESO 5:5

Manyenyi kwa loli, ndekuwadie mlaki ungi, angu mundu useelie, angu mundu wa iriso (nao nuo mtasi milimu), uko na ifwa jingi andenyi ya wuzuri ghwa Kristo na ghwa Mlungu anduangi.

WAEBRANIA 11:31

Kwa irumirio, Rahabu jija ilaya, ndejeretotereghe chiaimweri na awo wereleghieghe, angu orewikaribishireghe waja washeki sa waghenyi wake.

JAKOBO 2:25

Na Rahabu wori jija ilaya, ndedetalwa kukaia na hachi kwa mabonyo wokoni iji orewikaribishireghe waja wadumwa, na kuwifunya shighadi kwa chia zima angu wada?

JOSHUA 1:18

Uo ose uchaamenya malagho ghako, na kulegha kukusikira uchabwaghwa; oho kaia na ngolo sena kukaie ing'oni.”

JOSHUA 2:2

Mzuri wa Jeriko ukaghorelwa kukaia wandu wamu wa Israeli wacha nakio kujizighana isanga.

JOSHUA 21:31

Helkathi na mlamba ghwaro gholishira, na Rehobu na mlamba ghwaro gholishira.

JOSHUA 3:1

Nao kokesho kio, Joshua ukawuka kufuma Shitimu, chiaimweri na wandu wose wa Israeli, wikaghenda cha Jordani; wikakaia aho wikiwesera kuruwuka.

JOSHUA 5:10

Ngelo wandu wa Israeli weredungieghe kambi Gilgali, werebonyereghe Pasaka luma lwa kenyi lwa ituku ja ikumi na inya ja ugho mori.

WATANYI 1:23

Wandu wa Josefu wikaduma washeki kwendazighana Betheli (ugho kala ghorewangwagha Luzu.)

WATANYI 18:14

Niko awo wandu wasanu wereghendighe kujizighana ijo isanga ja Laishi wikawizera wambao, “Keni mwaichi angu andenyi ya imu ya nyumba iri koko na naivera na mlimu ghuboisiro na feza na milimu mizima wori? Idana ririkanyenyi sa iji mchaabonya.”

WATANYI 18:17

na awo wandu wasanu wereghendieghe kujizighana isanga wikajoka na kungia, wikashoa ugho mlimu ghuboisiro na feza, naivera, na iyo milimu mizima ngelo mkohani orekwanyeghe kimusi na waja wandu maghana arandadu wiwadie maswagha.

WATANYI 18:2

Niko wandu wa Dani wikasaghua wandu wasanu wiko nandighi wa mbari yawo, wikawiduma kufuma Sora na kufuma Eshtaoli, wipate kujizighana isanga na kujimanya. Wikawizera, “Ghendenyi mmbone ijo isanga.” Wikaghenda hata isanga ja mighondinyi ja Efraimu, wikavika nyumbenyi kwa Mika; wikalala aho.