JOSHUA 11:12 - Biblia Ilagho Jiboie Kwa Wandu Wose

¹² Joshua ukawada iyo mizi yose, na kuwibwagha wazuri waro. Ukawitotesha wose sa iji koni Musa mdumiki wa Mlungu orelaghirieghe.

JOSHUA 11:12 交叉參考

WUKUMBUSO 7:2

na iji BWANA Mlungu wam'bonya murisime, suti muritoteshe putu; msebonye ilaghano jingi nawo, hata msewiwonie wughoma ghungi.

WUKUMBUSO 9:3

Ela idana mchawona mmbeni kukaia BWANA Mlungu onyu uchaghenda imbiri konyu sa modo ghulunguragha; uchawikaba na kuwitotesha imbiri konyu, nenyo mchawiwinga noko na kuwitotesha shwa-shwa sa iji koni BWANA Mlungu umlaghirie.

JOSHUA 10:20

Nyuma ya Joshua na wandu wake kuwibwagha awo wandu wengi nandighi, na kuwimeria putu, na iji wandu wamu wafufunuka na kukimbiria ngome ra mzinyi,

JOSHUA 10:28

Joshua ukakaba na kuwada muzi ghwa Makeda chiaimweri na mzuri waro ijo ituku. Ukabwagha kula mundu orekoghe andenyi ya ugho muzi, ndekorekoghe ungi hata umweri oresigharikieghe uko moyo. Ukam'bonyera mzuri wa Makeda seji orem'bonyereghe mzuri wa Jeriko.

JOSHUA 10:30

BWANA ukawineka Waisraeli wusimi aighu ya ugho muzi na mzuri waro. Wikabwagha kula mundu orekoghe andenyi ya ugho muzi, ndekorekoghe ungi hata umweri oresigharikieghe uko moyo. Wikam'bonya uo mzuri seji werem'bonyereghe mzuri wa Jeriko.

JOSHUA 10:32

BWANA ukawineka Waisraeli wusimi aighu ya ugho muzi ituku ja kawi. Sa iji koni werebonyereghe Libna niko werebonyereghe Lakishi, ndeweresighieghe mndungi hata umweri, ela wikabwagha kula mundu orekoghe andenyi ya ugho muzi.

JOSHUA 10:35

Wikaghuwada ijo ituku jeni na kubwagha kula mundu sa iji koni werebonyereghe Lakishi.

JOSHUA 10:37

wikaghuwada na kum'bwagha mzuri chiaimweri na wose werekoghe aho, chiaimweri na mizi imu ya kaavui. Joshua ukaghunona ugho muzi putu sa iji koni orebonyereghe muzi ghwa Egloni. Ndeweresighieghe mndungi uko moyo aho.

JOSHUA 11:13

Ela Waisraeli ndewerekorieghe mizi iaghilo andu kuwukie, ela muzi ghwa Hazori ghoni ugho ghorekoreloghe ni Joshua.

JOSHUA 11:15

Sa iji koni BWANA oremlaghirieghe mdumiki wake Musa, niko koni Musa oremlaghirieghe Joshua. Na Joshua ukasikira na kubonya ghose sa iji koni BWANA oremlaghirieghe Musa.

JOSHUA 13:6

Wandu wose wikaiagha masanga gha mighondinyi kufuma Lebanoni hata Misrefoth-maimu, awo Wasidoni wose, nichawiwinga nimoni imbiri ya wandu wa Israeli, kupate kuwiwaghia wandu wa Israeli wiekeri ijo isanga jikaie ifwa jawo sa iji koni nerekulaghirieghe.

JOSHUA 21:44

BWANA ukawineka kuhora chia rose sa iji koni orewibonyereghe weke ndee ighemi; ndekorekoghe na m'maiza ungi wawo oredimieghe kusimana nawo anduangi, kwa kukaia BWANA orekoghe wawisimia.

JOSHUA 8:31

sa iji koni Musa mdumiki wa Mlungu orewilaghirieghe wandu wa Israeli, seji iandikilo Sharienyi ya Musa: “Madhabahu ibonyero kwa magho ghisewachilo.” Wikafunya vizongona vekora kwa BWANA na vizongona va mapatano.

JOSHUA 8:8

Mkameria kughuwada muzi, mchaghukora sa iji koni BWANA umlaghirie. Olenyi nameria kumghoria.”

JOSHUA 9:24

Nawo wikamtumbulia Joshua, “Ni kwa kukaia isi wadumiki wako dasikire angu Mlungu onyu kwa loli oremlaghirieghe mdumiki wake Musa kukaia uchamneka isanga iji jose, na angu waisanga wose mchawitotesha; niko isi dikaobua na ndighi hata dikabonya iji ilagho kukira marangi ghedu.