JOSHUA 10:10 - Biblia Ilagho Jiboie Kwa Wandu Wose
10 BWANA ukawiredia Waamori kiture kibaa imbiri ya Waisraeli; na Waisraeli wikawibwagha wandu wengi nandighi aho Gibeoni na kuwiwinga cha mshoromoto ghwa Beth-horoni, wikawikaba hata wikavika Azeka na Makeda.
Ela ijeshi ja awo wandu wereghalishiroghe ni Amazia wikakaia wiseghendanye wudenyi, werekoghe wangiria mizi ya Juda, kufuma Samaria hata Beth-horoni, wikabwagha wandu elfu idadu, na kuduka vilambo vingi.
Weke aba ndewerewadieghe isanga kwa lufu lwawo loni, hata ndeweresimieghe kwa ndighi rawo; ela ni kwa ndighi rako, na kudima kwako, kukiwonyera angu kokwanye nawo, angu korewikundieghe.
Angu Mlungu uchawuka kulwa, seji orelueghe Mghondi ghwa Perazimu; uchajokwa ni machu seji gheremjokieghe aja vololonyi ya Gibeoni; upate kubonya kazi rake ra mashiniko! Uchabonya kazi rake naro ni kazi ra kighenyi.
BWANA uchabonya lwaka lwake lwa nguma lusikirike, na ndighi ya ikabo ja machu ghake iwoneke; kuchakaia na lumu lwa modo lukumbagha andenyi ya iwingu ibaa chiaimweri na kiremba na vua ya magho.
iji ijeshi ja mzuri wa Babuloni jerekoghe jikilwa na Jerusalemu, na mizi yose ya Juda, iyo eresigharikieghe, nayo ni Lakishi na Azeka, angu iyo niyo mizi ya Juda iaghilo wurigha eresigharikieghe.
Na iji werekoghe wikiwikimbia Waisraeli, wikisea mshoromoto ghwa Beth-horoni, BWANA ukawinyeshera vua ya magho mabaa chienyi kufuma mlungunyi hata kuvikia Azeka; nawo wikafwa. Awo werebwaghiloghe ni vua ya magho, werekoghe wengi kuchumba awo werebwaghiloghe kwa lufu ni Waisraeli.
Joshua ukakaba na kuwada muzi ghwa Makeda chiaimweri na mzuri waro ijo ituku. Ukabwagha kula mundu orekoghe andenyi ya ugho muzi, ndekorekoghe ungi hata umweri oresigharikieghe uko moyo. Ukam'bonyera mzuri wa Makeda seji orem'bonyereghe mzuri wa Jeriko.
BWANA ukawineka Waisraeli wusimi aighu yawo, wikawikaba na kuwiwinga hata kaskazinyi ya Misrefoth-maimu na cha Sidoni Mbaa na cha mashariki hata vololo ya Mispa; wikawikaba na kuwibwagha wose hata wisesighe ungi.
Isanga ja Efraimu kunughana na nyumba rawo jerekoghe seji inughagha: mpaka ghwawo ii chia cha mashariki ghorekoghe Ataroth-ada, ghukaenda hata kuvikia Beth-horoni ya Lughu.
Baraka ukanugha agho magare na ijo ijeshi hata Haroshethi ya wandu wa mbari zima. Ijeshi jose ja Sisera jikabwaghwa kwa lufu, hata nderesigharikieghe mndungi.
Nao Wafilisti wikakwanya majeshi ghawo kwa wuda aja Soko, nagho ni muzi ghwa Juda. Wikabonya kambi ghadi na ghadi ya Soko na Azeka andu kuwangwagha Efesi-Damimu.
