JOELI 2:2 - Biblia Ilagho Jiboie Kwa Wandu Wose

² Ni ituku ja kira na wasi, ituku ja mawingu na kira kibaa. Izungu ja zighe jangia na kufinikira mighondi. Jareda kukamba kwa kira jingi chisewonekie, hata ndechichaawoneka huwu sena anduangi.

JOELI 2:2 交叉參考

ZABURI 10:6

Wadaghora ngolonyi kwake, “Sinyavurikagha; sichaakaia na wasi ghungi vivalwa vose.”

ZABURI 97:2

Mawingu na kira kibaa vammara chia rose, wabonya nguma kwa hachi na loli.

KUFUMA 10:14

Nao zighe rikacha kwa wungi na kukaria aighu ya isanga jose ja Misri. Ijo izungu ja zighe ndejiwonekie jingi, hata na jingi ndejichaawoneka sena anduangi.

KUFUMA 10:6

Richangia andenyi ya nyumba rako, na andenyi ya nyumba ra wadumiki wako wose, na ra Wamisri wose. Na jingi weke ndeyo hata weke wawayo ndewerewonieghe maza sa iro anduangi.’” Nao Musa ukaghaluka na kufuma kwa Farao.

KUFUMA 20:21

Ela wandu wikakia kula wokoni, ingelo Musa orekoghe ukisoghoda kaavui na ijo iwingu jikambie kira, aho Mlungu orekoghe.

ISAYA 5:30

Wicharuma ituku jija sa kuruma kwa bahari, na uo uchaazighana uchawona kira na wasi; mwengere ghwaro ghwafinikirwa ni mawingu gharo.

ISAYA 8:22

Sena wichazighana andoenyi, nawo ndewichaawona kindo chingi ela bugha na wasi ghobwagha ngolo; nawo wichakumbwa andenyi ya kira kibaa.

JEREMIA 13:16

Mnekenyi BWANA Mlungu onyu wubaa, imbiri useredie kira, imbiri maghu ghenyu ghisekuwie, aighu ya mighondi ya kira cha ndoe kuelenyi; ngelo msuwiriagha mwengere, uo waghughalua ghuwuye kira, ee, kira cha ndindi.

JEREMIA 13:6

Nyuma ya matuku mengi, BWANA ukanizera, “Wuka kughende Eufrate, kughuwuse ghuja mshipi nerekulaghirieghe kughuvise aho.”

KILILO CHA JEREMIA 1:12

Muzi ghwaawuyakema, “Nizighanenyi inyo mmbose muidagha! Ndekuwadie mndungi upatire wasi sa ghwapo; wasi ghuredelo ni BWANA ngelo ya machu ghake ghibirie.

EZEKIELI 32:7

Ngelo nakunona, nichafinikira mlungunyi, na nyerinyeri richawuya kira; nichajifinikira iruwa na mawingu, na mori ndeghuchaafunya miengere yaro anduangi.

EZEKIELI 34:12

Na sa iji koni mlisha ulolagha ng'ondi rake risaghisikie kula, ni huwo koni nicharilola ng'ondi rapo; nani nicharivuvua kufuma andu kose reresaghisiroghe ituku ja mawingu na kira.

EZEKIELI 38:9

Kuchawuka na kucha sa kiremba, na sa ikungughu ibaa kujifinikira isanga; kuchawichea na masikari ghako ghose, na wandu wengi mkwanye.”

DANIELI 12:1

“Ngelo iyo, Mikaeli uo malaika m'baa uwizighanagha wandu wako uchawuka. Ichakaia ni ngelo ya wasi jingi ghusewonekie kufuma mbari yazoya kukaia, hata iyo ngelo. Ela ngelo iyo, wandu wako awo marina ghawo ghiandikilo andenyi ya chuo cha Mlungu, wichakirwa.

DANIELI 9:12

Oho kookatisha malagho ghako, agho koreghighorieghe aighu yedu na aighu ya awo widibonyere nguma, kwa kureda bugha aighu yedu. Kwa kukaia maza ribonyero Jerusalemu nderibonyero andu kungi ndoenyi kose.

JOELI 1:6

Ijeshi ja zighe jangia isangenyi kodu, jawadie ndighi jisetalikagha; maghegho ghawo ghakalie sa gha shimba.

JOELI 2:25

Nichammbunjira vindo va miaka yose vijilo ni izungu ja zighe; ni ini nerejidumieghe ijo izungu ja zighe konyu.

JOELI 2:31

Iruwa jichasera kira, na mori ghuchawuya ghwa ngundu sa bagha, imbiri ijo ituku ibaa ja BWANA jeobosha jisechee.

JOELI 2:5

Riarama-rama aighu mighondinyi rikiruma sa magare, sa vikuli va nyasi viboboswagha ni modo. Radunga longo sa ijeshi jiwadie ndighi jawikwa tayari kwa wuda.

JOELI 3:4

“Mwawuyakunda kunilipa kwa wundu ghwa kilambo chimu? Ikakaia ni huwo, nichamlipa kwa shwa-shwa mabonyo ghenyu gheni m'bonyere.

AMOSI 4:13

BWANA nuo orebonyereghe mighondi. Nuo ubonyere mbeo iweteghe, na kumghoria mdamu maghesho ghake; nuo ughalusagha dime iwuye kio. Wadasela aighu ya mighondi ya ndoenyi. Irina jake ni BWANA, uo Mlungu Uwadie-Ndighi-Rose.

ZEFANIA 1:7

Ituku ja BWANA jetanya jameria kuvika. Kwa huwo nyamenyi kima. BWANA waboisire kizongona, na kuwiwika waghenyi wake tayari.

ZEKARIA 14:6

Ituku ijo ndekuchaakaia mbeo hata barafu,

MATHAYO 24:21

Angu kuchakaia na wasi m'baa na ndighi, jingi ghusewonekie kufuma kuzolwa kwa wurumwengu hata idana; nagho ndeghuchaawoneka jingi sena anduangi.

MARKO 13:19

Angu matuku agho, kuchakaia na matiriro jingi ghisewonekie kufuma kuumbwa kwa wurumwengu, hata na jingi sena ndeghichaakaia anduangi.

WUKUMBUSO 32:7

“Kumbukenyi matuku gha kala, iro ngelo riidie; kotia ndeyo ukughorie agho gherekoghe, kotia waghosi nawo wichakughoria agho gherebonyekieghe.

WAEBRANIA 12:18

Angu inyo ndemghuvikie Mghondi ghwa Sinai ghudimagha kuadadwa; andu modo ghoreakagha, kuko na kira, wuchilu, kiremba,

JUDA 1:13

Wafwanana na mivo-mivo ya bahari iwadie ndighi, na mabonyo ghawo gha waya ghawoneka sa ifuo jaro jidikagha; wakaia sa nyerinyeri rimaraa-mara, nawo wawikilo kira kibaa cha kala na kala.

WUFUNUO 9:2

Nayo ikarughua icho kina cha abuso, ghukajoka mosi kufuma kwa icho kina, sa mosi ghwa iwiwi ibaa; iruwa na mbeonyi kukatuwirwa kira ni ugho mosi ghorefumieghe kinenyi.