DANIELI 7:5 - Biblia Ilagho Jiboie Kwa Wandu Wose

⁵ Ngawona nyamandu zima ya kawi ifwanane na kibarabara. Ikawusirwa luwaru lumweri, nayo erekoghe na mbaru idadu momunyi kwake ghadi na ghadi ya maghegho ghake; ikazerwa, ‘Wuka kuje nyama nyingi.’

DANIELI 7:5 交叉參考

2 WAZURI 2:24

Elisha ukaghaluka nanyuma ukawiwona; ukawiwasira njowe kwa irina ja BWANA, na vibarabara va waka viwi vikafuma kilembenyi na kuwirashua-rashua wana wa womi mirongo ina na wawi.

MAKATANISHO 17:12

Ni baa kukwana na kibarabara chisokelo wana wake, kuchumba kukwana na mkelu ubonyagha maza ra wukelu.

ISAYA 56:9

BWANA wawizera wandu wa mbari ya kighenyi huwu, “Choonyi mfondie nyama ra wandu wapo, seji nyamandu ra isakenyi rijagha.

DANIELI 11:2

Na idana nichakughoria malagho gha loli.” “Ola wazuri wamu wadadu wichawuka Pashia, na wa kana uchawuya mzuri wa mali kuchumba awo wose. Iji wapata ndighi kwa wundu ghwa iro mali rake, uchawinyavurisha wose wipate kulwa na wuzuri ghwa Wagriki.

DANIELI 2:39

Nyuma ya oho, uchawuka mzuri mzima; na wuzuri ghwake ghuchakaia mtini kuchumba ghwako. Wuzuri ghumu ghwa kadadu, niyo iyo shaba, ghuchaabonya nguma wurumwengu ghose.

DANIELI 5:28

PERES: kutambua kwaro wuzuri ghwako ghwamerie kuwaghwa na kunekwa Wamedi na Wapashia.”

DANIELI 7:4

Nyamandu ya imbiri erekoghe sa shimba, nayo erekoghe na mawawa gha indu. Hata iji nerezighanireghe, ngawona mawawa ghake ghainjwa, ikawusirwa na kubonywa ikaie kimusi sa mdamu, nayo ikanekwa akili ra kidamu.

DANIELI 7:6

Nyuma ya agho, ngazighana na kuwona nyamandu zima ifwanane na inge, iko na mawawa ana gha nyonyi mghongonyi kwake; nayo erekoghe na vongo vina, ikanekwa kubonya nguma.

HOSEA 13:8

Nichamramia chienyi sa dubu wasokwa wana wake; nichamrashua-rashua na kumja shwa wori sa shimba, seji nyamandu ya isakenyi irashuagha.

WUFUNUO 13:2

Iyo nyamandu nereiwonieghe, erekoghe sa inge, maghu ghake gherekoghe sa gha kibarabara, na momu ghwake ghorekoghe sa ghwa shimba; iyo choka ikaineka iyo nyamandu ndighi rake, kifumbi chake cha nguma, na nguma mbaa.