DANIELI 7:10 - Biblia Ilagho Jiboie Kwa Wandu Wose

¹⁰ Kamoda ka modo kerefumieghe, na kuida imbiri kwake. Maelfu gha wandu werekoghe wikimdumikia, na mamilioni gha wandu, werekaighe kimusi imbiri kwake. Koti etanya ikawikwa, na vuo wikakuchulwa.

DANIELI 7:10 交叉參考

1 WAZURI 22:19

Mikaia ukaghamba, “Idana sikira ilagho ja BWANA: Neremmbonieghe BWANA wasea kidombo aighu ya kifumbi chake cha nguma; na majeshi ghose gha mlungunyi ghikakaia kimusi kummaria mbai mbai chia rose.

2 MALAGHO GHA NGELO 18:18

Mikaia ukaghamba, “Kwa huwo sikirenyi ilagho ja BWANA: Neremmbonieghe BWANA uko kidombo kifumbinyi chake cha nguma, na majeshi ghose gha mlungunyi ghakaia kimusi chia ya mkonu ghwake ghwa kiwomi na ghwa kiwaka;

AYUBU 25:3

Welee, majeshi ghake ghena mtalo? Koko andu kungi kusevikilwagha ni mwengere ghwake?

ZABURI 103:21

Mkasenyi BWANA inyo majeshi ghake ghose, wadumiki wake m'bonyagha lukundo lwake.

ZABURI 18:8

Mosi ghukafuma mbuonyi kwake, modo ghulunguragha na maka ghiakagha ghikafuma momunyi kwake.

ZABURI 50:3

Mlungu odu uacha, ela ndechagha kima; modo ghulunguragha ghoko imbiri kwake, na kiremba kibaa chammara mbai mbai.

ZABURI 68:17

BWANA wacha andu kwake kuelie kufuma Sinai, na maelfu gha magare ghiwadie ndighi.

ISAYA 30:27

Wonenyi ndighi ra Mlungu rawoneka kufuma kula, riko na modo ghwa machu ghake, ghifukiagha sa mosi, na memu yake ikisughuswa ni lubio lwake; madedo ghake ghiakora sa modo.

ISAYA 30:33

Kwa kukaia andu komkoria mzuri wa Waashuru kwamerie kuboiswa konkala uko; ni kina chiko kishapa sena chiko ndenyi; modo na mbande vawikilo tayari kwa wungi; BWANA uchaghufuria na miruke yake sa modo ghwa kibiriti na kughukora.

DANIELI 12:1

“Ngelo iyo, Mikaeli uo malaika m'baa uwizighanagha wandu wako uchawuka. Ichakaia ni ngelo ya wasi jingi ghusewonekie kufuma mbari yazoya kukaia, hata iyo ngelo. Ela ngelo iyo, wandu wako awo marina ghawo ghiandikilo andenyi ya chuo cha Mlungu, wichakirwa.

DANIELI 7:22

Uo wa matuku mengi ukacha na kutangaza kutanya aighu ya waeli wa Uo-Uko-Aighu-Nandighi. Ngelo ikavika, na waeli wikaghuwusa ugho wuzuri.

DANIELI 7:26

Koti ya mlungunyi ichasea kidombo, na wuzuri ghwa uo mzuri ghuchainjwa, ghupate kumerelwa na kunonwa ghose.

ZEKARIA 14:5

Mchafufunuka kwa kuidiria ghadi na ghadi ya ihi vololo ya mghondi ghwapo kwa kukaia ghuchashabuka hata Azeli. Mchakimbia seji weke ndeyo werekimbiagha msughusiko ghwa ndoe matuku gha Uzia mzuri wa Juda. Niko BWANA Mlungu wapo uchacha chiaimweri na weke malaika wake.

MATHAYO 25:31

“Ngelo Mwana wa Mdamu uchagha na wubaa ghwake, na weke malaika wose wiko andwamweri nao, uchasea kidombo aighu ya kifumbi chake cha nguma.

WUKUMBUSO 33:2

BWANA orechieghe kufuma Mghondi ghwa Sinai; ukajoka sa iruwa aighu ya Edomu, ukang'ala-ng'ala kwa wandu wake kufuma Mghondi ghwa Parani ukacha andwamweri na weke malaika elfu ikumi uko na lumu lwa modo mkonunyi kwake ghwa kiwomi.

WAEBRANIA 1:14

Welee, weke malaika wose si roho ridumikagha, ridumilo ripate kudumika kwa wundu ghwa awo wipatagha kukia anguwada?

WAEBRANIA 12:22

Ela inyo mwaghuvikia Mghondi ghwa Sioni, na muzi ghwa Mlungu uko moyo, Jerusalemu ghwa mlungunyi, na weke malaika wisetalikagha wakwanyika kwa kuboilwa;

JUDA 1:14

Na Enoko, mundu wa kivalwa cha mfungade nyuma ya Adamu, orefunyireghe wulodi aighu ya wandu awa ukighamba, “Olenyi Bwana waawuyacha andwamweri na maelfu gha waeli wake,

WUFUNUO 11:18

Wandu wa iro mbari werezamiloghe na ndighi; ela ngelo ya machu ghako yavika, na ngelo ya wafu kutanywa; kupate kuwineka mafungu ghawo awo walodi na waeli, na awo wijiobuagha irina jako wose, wabaa na watini; na kwa wundu ghowinona awo wanoni wa ndoenyi.”

WUFUNUO 5:11

Niko ngazighana, nani ngasikira chwaka ra weke malaika wengi na ndighi, maelfu na maelfu, wiko mbai mbai ya icho kifumbi cha nguma, na iro nyamandu riko moyo, na awo waghosi, wikighamba kwa lwaka lubaa,