DANIELI 4:36 - Biblia Ilagho Jiboie Kwa Wandu Wose

³⁶ “Ngelo iyo cheni, iji akili rapo raniwuria, wubaa ghwa wuzuri ghwapo, ishima japo na kuboa kwapo vikaniwuria. Wanjama wapo na wabaa wikanilola, ngawuya na kumangishwa andenyi ya wuzuri ghwapo, na hata wubaa mungi ghukachurilwa aighu yapo.

DANIELI 4:36 交叉參考

DANIELI 4:34

Nebukadnezari ukaghamba, “Kutua kwa agho matuku, ini Nebukadnezari nerewusireghe meso ghapo cha mlungunyi, nawurilwa ni akili rapo, ngamkasa Uo-Uko-Aighu-Nandighi, ngamkasa na kumneka ishima uo uduagha moyo kwa kala na kala. Uo wadabonya nguma kwa kala na kala, na wuzuri ghwake ghwadakaia vivalwa na vivalwa.

MAKATANISHO 22:4

Kukusera na kuobua kwa BWANA kwadareda mali, ishima na irangi.

MATHAYO 6:33

Wulalo ghwa agho, lolenyi kande wuzuri ghwa Mlungu na hachi yake, na vilambo vose mchanekwa.

DANIELI 4:32

Oho kuchaghenjwa noko kufume kwa wandu, kukaianye na nyamandu ra isakenyi, kuje nyasi sa ng'ombe kwa miaka mfungade, hata kwameria kukufundisha kukaia Uo Uko Aighu Na Ndighi wabonyeragha mawuzuri gha wadamu nguma, na kumneka uo ose ukundagha.”

2 WAKORINTHO 4:17

Angu matiriro agha gha ngelo ndini, ghaawuyadiboisira wubaa ghwa kala na kala kwa wungi, ghusedimagha kufwananishwa na kindo chingi anduangi;

AYUBU 13:12

Makatanisho ghenyu gheeka gha duu sa ivu; nganyi renyu reeka sa wongo ghuwaghanyikagha.

1 SAMUELI 2:30

Ini BWANA Mlungu wa Israeli nerelaghirieghe kukaia oho na kivalwa chako chichanidumikia kwa wukohani matuku ghose; ela idana, naghamba agho sichaaghibonya putu; kwa kukaia nadawitala awa winitalagha, na kuwimenya awo winimenyagha.

DANIELI 2:31

“Oho ee mzuri, korewonieghe fwana ya mlimu m'baa. Ihi fwana mbaa ing'aalang'ala nandighi, erekaieghe kimusi imbiri kwako, na kuwoneka kwaro korekoghe koobosha.

DANIELI 4:22

“Mudi ugho ni oho kumoni ee mzuri, kuzoghue na kuwuya m'baa. Wubaa ghwako ghwazoghue na kuvika mlungunyi, na nguma rako raerie hata kutua kwa ndoenyi.