Samueli ukawighoria wandu malagho gha hachi na kazi ra wuzuri, ukariandika andenyi ya chuo na kuchiwika imbiri ya BWANA. Niko Samueli ukawisigha kula mundu ughale cha mzinyi kwake.
M'baa wa isanga ndechaasoka wandu wa isanga mafwa ghawo, angu kuwikoronga kwa wundu ghwa mali rawo, ela uchaneka wana wake ifwa kufumanya na mali rake reni, eri mndungi wa wandu wapo usechetanywa na ifwa jake.”
Sauli orekoghe ukilwa na Wafilisti irangi jake jose, na kula ngelo, iji oremmbonieghe mndungi uko ing'oni jiwadie ndighi, orekoghe ukimsaghua na kum'bonya ukaie asikari wake.
hata ija sharia ya hachi ya wakohani kwa wandu werefunyagha vizongona. Wulalo ghwaro, iji mndungi wakafunya kizongona chake, mdumiki wa mkohani orekoghe ukicha na uma ya maghegho adadu ingelo nyama erekoghe ikidoghoda,
Waakubonyera sa iji koni werekoghe wikinibonyera, kwa kunilegha ini kufuma ngelo ija nerewifunyirege isanga ja Misri hata idime, wikiitasa milungu mizima.
Kwa kukaia nerewiwonyereghe weke ndeyo kwa wumboa ngelo nerewifunyagha isanga ja Misri, ngiwiwonyera sena na sena hata idime iji, ngighamba, munisikire.
