1 SAMUELI 8:6 - Biblia Ilagho Jiboie Kwa Wandu Wose

⁶ Ela ijo ilagho jelomba mzuri jikamzamia Samueli, nao ukamlomba BWANA.

1 SAMUELI 8:6 交叉參考

1 SAMUELI 15:11

“Nasirimika kukaia nam'bonyere Sauli ukaie mzuri; kwa kukaia wameria kuwuya nyuma na kunisigha, hata ndenughie malaghiro ghapo anduangi.” Samueli ukawawa nandighi, ukamlilia BWANA kio chee.

JAKOBO 1:5

Ela ngera mndungi onyu wasowa hikima, ndelombe kwa Mlungu, uhu unekagha wandu kwa wungi, kuseko na kubukia; nao uchanekwa.

1 SAMUELI 12:17

Welee, idime si ngelo ekuwida ngano? Nichamlomba BWANA urede chukuwa na vua, mpate kumanya na kuwona kukaia wuwiwi ghonyu ni m'baa ugho mughubonyere imbiri ya BWANA kwa kulomba mzuri.”

ZABURI 109:4

Hata ngera nawikunde, na kuwilombia, ela waawuyanishitakia.

MITALO 16:46

Musa ukamzera Haruni, “Shoa luwigha lwako, kuwuse modo kufuma madhabahunyi na kughukumbiria; nao kuwikirie marumba aighu yaro, na kulughenja izungunyi shwa-shwa, eri kubonye wupatanisho kwa wundu ghwawo, kwa kukaia BWANA wamerie kujokwa ni machu, na saka ya ngawawi yazoya.”

MITALO 16:22

Musa na Haruni wikaghwa kijimijimi wikaghamba, “Ee Mlungu, kuko Mlungu wa roho ra mimbi yose, wele mundu umweri ukakosa, kuajibonyera machu izungu jose?”

MITALO 16:15

Musa ukazamilwa nandighi ukamzera BWANA, “Kuserumirie kizongona chawo. Ini siwusire punda wa mndungi, hata sim'bonyere mndungi wawo ilagho jingi anduangi.”

KUFUMA 32:32

Ela idana nakulomba kuwifue wughoma kaung'a yawo; si huwo, nakulomba kuvute irina japo kufuma kwa icho chuo kuandikie wandu wako.”

KUFUMA 32:21

Musa ukamzera Haruni, “Awandu wakubonyera kii hata kukareda kaung'a ihi mbaa aighu yawo?”

WAFILIPI 4:6

Msakeja wasi kwa ilagho jingi, ela mummanyishe Mlungu maza renyu rose mkunde kwa malombi, na kuvoya, na kufunya chawucha.

1 SAMUELI 7:5

Nao Samueli ukaghamba, “Kwanyenyi Waisraeli wose aho Mispa, nani nichawilombia kwa BWANA.”

1 SAMUELI 10:19

Ela idime iji mwanilegha ini Mlungu onyu uo umkiragha kufuma kwa ndengwa na wasi ghonyu m'baa; nenyo mwanilomba nimneke mzuri om'bonyera nguma. Ni nicha. Idana kwanyikenyi mmbeni imbiri kwapo kunughana na vichuku venyu na nyumba renyu.’”

1 SAMUELI 12:12

Hata iji mwammbona Nahashi mzuri wa Waamoni wamchea, morenizerieghe, ‘Hata! Isi deekunda mzuri odibonyera nguma,’ ingelo cheni BWANA Mlungu orekoghe mzuri onyu.

HOSEA 13:10

Morekoghe mkilomba mzuri na vilongozi. Da widima wada kuikira iyo mbari?

1 SAMUELI 12:19

Na awo wandu wikamzera Samueli, “Dilombie kwa BWANA Mlungu wako isi wadumiki wako disechefwa; kwa kukaia dachuria wuwiwi aighu ya kaung'a redu kwa kulomba mzuri.”

1 SAMUELI 12:23

Aighu ya agho, hata ini moni ndeinifwane putu kum'bonyera BWANA kaung'a esigha kumlombia inyo, ela wulalo ghwaro, nichamfundisha chia iboie na ya loli.