3 Toro wonyuno sumaiyokwe Moosesol kuudo kwolallo yourukwapiyo'no adokaikono. “Awi, akaijuv judo pumgu'aro tovi kwonmwakono. Widuko tov i'jurako toollu mamonosadopiko tov buro'nyovidukoneyokwe nuu wobo toru kuula'mi neya wonmo.” Adokaikono.
Moosesol toro towai ki'mo'mno sumaiyokwe mwaloduke toga Gooti Yawelluro ensel tool aro abwiyalo'nokaikono. I'jurako pwol widuko bomjonugeloduke toollu'aro abwiyalo'nokaikono. Toro tovi Moosesol wonyuno sumaiyokwe widuko tov i'jurako toollu manosoduke tovi kwonokaikono.
Moosesol toro tovi wonyuno sumaiyokwe luko amorumoukuropiyokaikono. Toro tool buro'nyo'mdukoneyokwe kuudo yau'no sumaiyokwe wobo toru kuula'no kamwoga somuugonallajukekono. Toro yomuugona'duke toga Aguto Gooti toolluro yogaimaguurai puruv aro wuudoduke tovi kuu'nokaikono.
