16 Toruda'ai sula'dugumdo toga gamoro uumjunyokwe tooro wonyo buugo toollomno kwolaporogano.
Jisasol muumuudo toollu mwaloduke toga surakuuto ajunokakwono. Surakuuto me'no ajunoka toga Jisasol judo tool kwako tovi mwaloduke toga gamoro uumjunyokwe toorono'gwowi boot tovi wonyo buunakuuto toru amwaloporogano.
Aki kwolabolo nyoma'nubulluno su teyaul Jisaseke'aro gamoro uumjunyokwe toorogai'aro toorai lubullu doto su tovi abupureyokwe adomaroleyaukono. Toro adomarolo tooro lubullu doto tovi abomwaloporogano.
Toro wolno sumaveyokwe boot tovi ilomwalo'mno wagwolago Kapurniyam'no avlavoporogano. Toro pla'mdopure toga dugumdo aimwonyokakwono. Toro kimwonyoduke kuga kuruv Jisasolno'gwowi gami uumjunyokwe su tooraiyomno yere mabokaikono.
