Joon 11:1 - Gooti Toolluro Yogalokwono

¹ To'no'gwowi wagwolago Betanida'ai a'mwo nobollokwe pwolluno yovo tov Lasarosolekono. A'mwo su tool Mariyakwe Martakwe tonodalluro ajumiyo avalo toruda'aiyekono.

Joon 11:1 交叉參考

Matyuu 21:17

Jisasol toro wuujuno sumaiyokwe wagwolago Betani'no aikomgu abolokwokaikono. Toro bolokwino sumaiyokwe surakuuto toga wagwolago su to kuvi sa kworokaikono.

Kuuguudo Sugudo akav Makolluro sakwollokakwono Mak 11:1

Jisaseke'aro gami uumjunyokwe toorogai'aro tooro Jeruusalem'no wobo toru ai'movoporogano. Toro ai'movopo su toru Muumuudo Oolip toollu do'gwapiyo tomuu wagwolago puruval Betanike Betifejeke su toval wo'dubulorukono. Toro tovalluro kwa'mgu toru mwalo'mno Jisasol gami uumjunyokwe pworallu amodapiyokaikono.

Joon 11:11

Jisasol toro me'no wuujuno sumaiyokwe aro kuudokaikono. “Nemi ibwoto'nyo Lasarosol sa kwoso. Sa wo'dowo'jure kwollu kuruv nuvu nomodukaiyo'moneyokwe pla'monyugono.” Kuudokaikono.

Joon 11:18

Wagwolago Betani su tov wagwolago Jeruusalem wobo toru wo'dowodokwono. Aki yiuno 3 kiloomita toru'gwo wo'dowodokwono.

Joon 11:19

Toro te Juu bwotonyago tooro Mariyakwe'aro Martakwe'aro tonodallu kemi kwiyo'mwo toolluno kalo dugoga wileyo'moneyokwe aboporogano.

Joon 11:3

Toro te gami jo'mwo Mariyakwe'aro Martakwe'aro tonodal Jisasolluno aro adapiyolovakono. “Agutoloo, gumoro kalo buuropino gujunodowodo tool nobollokwekono.”

Joon 12:17

Toruda'ai a'mwo abolo bwotonyago ton Jisasol Lasarosollu a'mwo buuso sulpuuto tomuuda'ai me'no aboloka toollu aiyo aiko te doduka'mduke toga me'no amuugonaropogano. Toro ton Lasarosollu kwimo'noka tovino a'mwo abolo punyu kuu'maiyo toru adodoluwosomollajupogano.

Joon 12:9

Jisasol wagwolago Betani toru bai'mo'mduke toolluno Juu a'mwo abolo kwolallo bwotonyago ton wuu'nyuno sumaveyokwe abopogano. Aki yiuno Jisasollu wonyo'mo to'no aboponmaiyo. Toro kun kuruv Lasarosolluda'ai wonyo'moneyokwe abopogano. A'mwo su tool sumdomgu me'no aboloka toollu Jisasol aiyo aiko te amodukavokaikono.

Kuurotokwe 9:37

Toro wiyo'mwojoduke toga abolo su tov nobollo puruv malluno sumaiyokwe abolokakwono. Toro aboloka tovuro kulako tovi wonyo tokwe mollal'mo'mno sumaveyokwe ago amodumunyuto'mellungiko puvi muunyu tomuu mokaila'mno anakuuto tomuu sulomoga'bworosopokwono.